2013年6月16日 星期日

上官小强、甘小文、利志達、李志清、邱福龍、大衛兒、黄偉建、司徒劍僑。壽星仔part 5


壽星仔由301-400集嘅時期,係1986-1988年出版,當年雖然漫畫市場極度蓬勃,但能够去到這期數嘅港漫也就只有龍虎門同李小龍,甚至後來極受歡迎嘅中華英雄、刀劍笑、玉郎漫畫、街頭霸王等等都去唔到這麼長嘅期數,可見"壽星仔"在小強嘅經營下內部非常團結同隱定,
"壽星仔"維持到咁長時間小強應記一功!
這段時期"壽星仔"封面好多都己非小强所畫,內文方面,除了原有"壽星仔"故事,甘小文長駐每期均有幾頁稿,值得一提係小文在這段時期,有幾段鬼故及正經漫畫,這類佢極少有題材,只刋於"壽星仔"之內!除此以外,邱福龍、司徒劍僑、利志達等喺"壽星仔"一書獨家設計嘅海報、月曆,均好值得珍藏,"壽星仔"還不時有其他主筆客串,客串嘅主筆畫稿就有許景琛、黄偉建、邱福龍、清兒李志清、阿富汗、林雨才、大粒墨、好小子、周日明、司徒劍橋、利志達、BEN、大衛兒,主筆之外,"讀者投稿"亦不乏有好多高水準創作,所以一套如此豐富、經典嘅漫畫書絕對係不可多得、難能可貴!



邱福龍400期"壽星仔"海報。



壽星仔301-400封面(在下尚欠2本,找齊後會在此補回):






























































強生日會,馬仔、老馮、小文、興豬等到賀.......


小强+馬仔+?


主筆待尋,周日明是否日月明兄




阿富汗.....



許景琛嘅壽星仔四格.....



主筆阿BEN是否我認識嘅BLOG  友?



李志清客串一個故事


嘉賓主筆大衛兒


建君黄偉建早期作品刋於壽星仔內!



小文難得一見嘅幾段正經怪異作品......






 利志達"門前雪"七篇刋載於壽星仔一書內




利志達"中華英雄"月曆



 邱福龍嘅壽星仔賀咭、月曆及海報.......


邱福龍嘅壽星仔賀咭、月曆及海報.......








邱福龍嘅壽星仔賀咭、月曆及海報.......


壽星仔名人巨星月曆.........




司徒劍僑貓眼兒月曆


壽星幫海報



500期再見


下回:安彥良和

25 則留言:

  1. 絕對係港漫時代經典之一 !!
    [版主回覆06/17/2013 09:58:58]絕對同意!港漫若缺少了壽星仔,肯定係讀者損失

    回覆刪除
  2. 那兩期Q版異形做封面的超正!
    [版主回覆06/17/2013 10:00:13]其他封面好多都好正呀

    回覆刪除
  3. 整套書除壽星仔本身之外,其他作品水準也很不俗!
    [版主回覆06/17/2013 10:02:25]壽星仔根本就係漫畫人、讀者投稿嘅表演場,大量有水準作品目不暇給!

    回覆刪除
  4. 睇完會笑
    唔睇會愁
    [版主回覆06/17/2013 10:03:37]除嘅睇完會笑,仲會好開心架

    回覆刪除
  5. 玉郎漫畫就係將壽星仔嘅路線照抄,只不過玉有明星做賣點,sale本地化,沒有小強sale埋外國科幻,壽星仔除cover、太公報外,其他所有嘢都高玉郎漫畫幾班,而且不小主筆都有參與,又不論內容方向。
    程兄文中所提及小文老師的鬼異漫畫,我也好有印象(但就不是文中所post的故事),其講故事能力也不差,可惜對白始終不脫其夾雜粗口、搞笑、無厘頭。如果他朝出到一些小文老師的短篇集,相信也有一定市場。
    [版主回覆06/18/2013 10:15:10]冇錯呀,壽星仔後來標榜係本綜合漫畫。玉郎漫畫封面統一啲,但壽星仔封面因為多人參與就成日有驚喜,雖然本書成本比玉郎漫畫細好多,冇佢咁多故事同主筆助陣,但係壽星仔內主筆故事自由度高好多,創作亦冇咁多規範,所以會畫得開心啲free啲,包括封面包括內容都係,這些讀者係會感覺得到的。
    甘小文己經出咗好多作品啦,有朝一日會拍住小强同小威了!

    回覆刪除
  6. 駕飛機那張好正呀!
    [版主回覆06/18/2013 10:16:19]你會睇到好多封面都好正好吸引同有特色架

    回覆刪除
  7. 你好!本人今日第一次在這處寫字,你介紹的各類漫画很詳細,值得一讚,請問80年代玉郎機構時期出過一套大本裝名叫[漫画王],可否詳細介紹這套漫画?
    [版主回覆06/18/2013 10:24:27]你好!漫畫王係我最早掉去嘅一套書,因為大本阻住比家長狂炳

    回覆刪除
  8. 好怀念八十八代的手彩封面和海报,真的很用心去制作,现在的电脑上色封面就没有了惊喜与美感,感觉冷冰冰的,阿杰多上色的封面是否太泛滥了呢?好希望再次看到龍少的手彩,当年的“漫画王”封面和海报都很有惊喜~
    [版主回覆06/19/2013 11:25:17]那時漫畫人材眾多,風格各有不同,畫壇因而豐富精彩,創造咗好多特色精彩嘅封面,小强嘅漫畫就係其中之一!
    [Andy回覆06/18/2013 11:27:10]所以八十年代是港漫盛放的年代,每位主笔都在突破自己,不断的尝试各种绘画技巧,封面制作真的很精彩,很多八十年代的港漫封面和海报还残留在脑海里~
    [版主回覆06/18/2013 10:32:31]睇返啲封面雖然唔同人畫,沒有統一感,但係呢啲花厘花碌各自表達嘅封面,內容豐富熱鬧,正正是壽星仔封面特色,各畫手為突出自己作品而努力製作嘅封面,好多都有甚高水準!龍少封面確有特色,希望佢結集出近本畫集!

    回覆刪除
  9. 下面有師兄提到玉郎漫畫個COVER, 其實我自己鍾意寿仔同小強漫畫D封面, 玉郎主要靠阮大勇單天保至尊. 反而小強D封面好多元化.

    <漫畫王> 周刊, 當年主要係面對海豹嘅漫畫周刊壓力, 所以出左一本大大本, 主要用科幻題材, 又加埋小魔神, 好似出過幾本至十本左右, 小魔神一完, 其他都唔係咁得, 就執左.
    [版主回覆06/18/2013 10:41:30]冇錯!壽星仔啲封面冇玉郎漫畫咁統一,但係就够晒豐富同多元化,做到更加天馬行空同熱鬧嘅氣氛,也是各大畫手精心設計嘅表演場,非常之精彩!
    漫畫王當年主要是打擊漫畫周刋,早期有好成績但最終都係虎頭蛇尾頂不住,反而漫畫周刊出到600多後才因版權問題而停刋!

    回覆刪除
  10. 無價之寶
    [版主回覆06/18/2013 10:43:09]這套書都幾肯定冇人齊一套

    回覆刪除
  11. 「上身」「床下鬼」都好吸引。占士甸的素描很正!
    [版主回覆06/18/2013 10:47:18]好多封面都好精彩吸引架,而我都係鍾意鬼怪封面多一啲

    回覆刪除
  12. 聾兄苦弟果張係扮RAIDAS既吸煙的女人封面
    [版主回覆06/18/2013 10:49:10]哈哈,講起又係噃,當年在下勁鍾意RAIDAS啲歌

    回覆刪除
  13. 程早晨呀!謝謝您!我祝您週二快樂身體安康愉快!
    [版主回覆06/18/2013 10:50:43]大龍兄早晨img](smile)[/img]

    回覆刪除
  14. 看來 程 .....收藏漫畫作品...真喺目不暇給!
    [版主回覆06/19/2013 11:28:36]多謝你欣賞,仲有好多不同類型漫畫排隊黎緊

    回覆刪除
  15. 吳獅皇(Assemby)2013年6月18日 下午4:01

    朋友,午安。《少年偵探隊~死亡皇后島幽靈殺人事件(1)》寫成了。有興趣歡迎到訪瀏覽。在此祝大家週二安康愉快。
    [版主回覆06/19/2013 11:29:10]又有新作

    回覆刪除
  16. 好有價值的收藏.
    [版主回覆06/19/2013 11:32:42]對在下黎講算係好有價值

    回覆刪除
  17. 原來壽星仔咁多有趣的題材
    [版主回覆06/19/2013 11:36:05]係!啲故事題材隨着流行而走,電影、電視劇都會被改篇加入書內!

    回覆刪除
  18. 程:早晨!有紀念價值...謝謝分享!
    [版主回覆06/19/2013 11:37:11]早晨!歡迎光臨

    回覆刪除
  19. 死囉,我都唔記得畫過呢篇稿,因為吸血小伯爵那段期間的壽星仔一本都冇留起,而家見番有點恍如隔世,兩段都有羅永康客串。
    [版主回覆06/19/2013 22:15:28]Ben哥,呢段期數壽星仔見到你有唔少篇作品,吸血小伯爵相當得意

    回覆刪除
  20. 小强+馬仔+........
    好似係馬仔親妹淑珠…
    [版主回覆06/19/2013 23:25:21]哈哈,好嘢!中

    回覆刪除
  21. 壽星仔/小強漫畫集之後香港都冇一本漫畫係咁鼓勵同接納讀者投稿…
    [版主回覆06/19/2013 23:30:35]壽星仔/小強漫畫集真係差唔多期期有一頁讀者投稿,好多畫稿質素甚高,礙於篇幅無法一一刋登,但小强真係俾好多機會新人,難怪佢咁受後輩愛戴!

    回覆刪除
  22. 只知周日明画鬼故,曾与黄仲伟合編《魔异集》,是八十年代冷门鬼书。
    [版主回覆06/20/2013 10:22:26]魔異集有印像,但唔記得周日明有份畫!

    回覆刪除
  23. 歡迎闖進虫網2013年6月22日 凌晨4:20

    我對壽星仔都係嘛嘛地....
    [版主回覆06/24/2013 18:32:54]咁又係,果時太多選擇,但細路仔邊有咁多錢買公仔書?唯有揀啲啱睇嘅漫畫,而壽星仔通常係擺後啲嘅選揀
    [歡迎闖進虫網回覆06/22/2013 20:22:16]所以就算鍾意食都睇季節; 唔鍾意就自動行遠D....70年代邊有家陣咁多有錢人, 唔揀住; 就住嚟睇....都唔得啦
    [版主回覆06/22/2013 11:17:57]當然唔會個個都咁適應佢啲漫畫,就好似食榴槤咁,鍾意就上晒癮,唔鍾意嘅就離遠就避開

    回覆刪除
  24. 昨晚"畫時代"有介紹甘小文呢! :)
    [版主回覆06/24/2013 18:35:36]昨晚介紹嘅漢民甘小文遲啲都會再介紹架

    回覆刪除
  25. 文傳不知是否會在動漫節推出一本”壽星仔“精裝合訂本湊湊熱鬧?
    [版主回覆06/26/2013 21:58:56]我諗都好難再出壽星仔精裝合訂本咯,不過小强自己遲啲就會出本畫集

    回覆刪除