2012年12月31日 星期一

邱福龍、林業慶。神兵科幻紀

這一套四本是2004年隨書附送嘅"非賣品",畫得幾有心機,在眾多"非賣品"之中,算係質量相當高嘅一套書,所以儘管非太耐前嘅作品,我都會攞黎單獨介紹下;
故事大概係講未來世界,分成科技先進但無人身自由嘅"大世界"與反對勢力、背判者所結集嘅"盲城"對峙,"大世界"统治者千方百計要找出"盲城"嘅入口所在......1-4期只係故事序章篇,有沒有下文或續篇,就未有消息了!



2012年12月28日 星期五

千葉徹彌作品part 2

千葉徹彌,也被稱為日本"漫畫之王",至今己經作畫超過50年,雖然文化、地區不同,但睇佢作品背景、故事、畫面都有好多6、70年代懷舊情懷,絕對係另類嘅集體回憶!
佢作品數量都幾驚人下,而且不少是大長篇,但香港只出過鐵拳浪子、我是鐵兵,佢嘅作品中文版,台灣就出得比較齊。
本次介紹嘅幾套佢啲作品,恐怕好多朋友都還未出世吧?!包括1961年嘅"魔球投手"1962年嘅"123與45六",而最近期嘅也要追朔至1973嘅"我是鐵兵"!我哋一齊重温一下這位漫畫大師嘅50年前一些作品吧!

千葉徹彌短篇集,全套三本


2012年12月24日 星期一

五十嵐優美子。小甜甜45週年香港迎聖誕

每個女仔必看嘅少女漫畫至尊,小甜甜,就連曾經是世界女首富,外號"小甜甜"嘅龔如心也是小甜甜嘅超級fans,常以小甜甜髮型同打扮示人,又專誠出天價請五十嵐優美子為其畫自傳!
今年係小甜甜畫者五十嵐優美子入行45週年,特來香港舉行作品回顧展覽!某個大型商埸於是佈置了一個以小甜甜城堡、花園結合聖誕嘅展覽區。
整個小甜甜花園除了有馬車、城堡佈置之外,還有两間屋仔,一間是小甜甜嘅專賣品店,一間是用作五十嵐優美子作品展,展出咗佢自己嘅作品之外,仲有大量港日漫畫家向佢致敬嘅作品,可見五十嵐優美子嘅級數同少女漫畫祖師嘅地位非同凡响!
香港方面,就有黄玉郎、王澤、李志清、陳某、李惠珍、狄克等專誠畫公仔祝賀,當中黄玉郎同五十嵐優美子一早就認識,所以"玉皇朝"己經一早出晒佢啲作品,今次45週年五十嵐優美子來港作品展,黄生亦專程來到同佢映相、作畫慶賀一番。
在下亦係fans之一,所以佢一黎到有作品展,己經第一時間去朝拜,當然唔係想去攞什麼簽名或合照,而係純去睇下畫展啫,這個展覧一直去到一月初!得閑不妨一去,祝各位聖誕快樂!甜甜蜜蜜

本篇圖片分為4部份:
1、小甜甜的聖誕花園
2、五十嵐優美子作品圖片展及小甜甜展品
3、五十嵐優美子寫畫45週年,港日漫畫家致敬
4、私伙小甜甜收藏

以下圖片全由在下拍攝:



2012年12月21日 星期五

1221末日倒數,明天會更好,力創驕陽。黄水斌、夏偉義

既然有人話今日係1221末日倒數,咁我就要明天會更好,力創驕陽!介紹返一本勵志、有希望嘅作品。
這本書是本blog至今以來最"年輕"最新近介紹嘅書,是一本今年2012年出版,由生產力促進局、天下出版社聯合製作,也是免費派發嘅"非賣品",你攞咗未呀?而我這本是從一漫畫店老細免費攞嘅。
天下出品,雖是黑白印刷同免費派發,但係質量確是比較高!而旦凡係這類"免費"嘅漫畫,先至有"本錢"有機會去畫一些另類題材嘅故事!
"力創驕陽"故事開頭講一個成功嘅玩具大王,回想起40多年前隻身從大陸偷渡來港,如何在陌生環境中獲得人間溫暖,並靠一雙手及生產力促進局幫忙,建立自己事業、成家立室,並得到生產力促進局提供意見、改良生產線、培訓員工及解决融資問題,遂步建立及生產出自己品牌"笑笑娃娃",進一步開拓歐美市埸,最終成為香港一個成功嘅大企業家!
這是一本沒有武功、沒有打鬥、沒有古惑仔、沒有歹角、沒有色情嘅純本地漫畫,未必個個會覺得啱睇,但係偶而有得睇呢啲另類港漫E+就真係要珍惜!


2012年12月18日 星期二

大衛兒。回到正常



這本與"香港政府新聞處"合作,由天龍圖書負責印製嘅"回到正常",亦是一本免費贈閱品,真係唔記得幾時出及怎樣獲得了,總之就是唔駛俾錢!
因為係免費派發的贈閱品,投入嘅資源有限,所以除了還是彩色印製有別於一般黑白嘅"非賣品"之外,其他無論是封面、內容同製作與正式漫畫無得比。
但係這本漫畫卻是我所見所閱讀過嘅漫畫之中,最關愛、最有社會責任、最具教育義意兼係免費贈閱的良心出版漫畫刋物!涉及嘅題材同宗旨亦是港漫之中絕無僅有的,可惜的是這本免費嘅"良心"漫畫卻是極少漫畫讀者看過
本書要旨係叫大家唔好歧視一啲精神病慷復者,以故事勸喻大家要給予他們重生機會及要以同情友善嘅心態去對待這類更生人士!



2012年12月15日 星期六

鄭問。臥龍先生

鄭問嘅作品一向貴精不貴多,近年更加頻停產,熟識鄭問先生作品嘅朋友,都會知道佢有幾套著名作品,不過我早前介紹嘅"星雲大師"在香港是屬冷門嘅鄭問著作,
而在佢作品之中,還有這本1993年出版用全彩色水墨技法所繪畫嘅"臥龍先生"諸葛亮也是鄭問最不為熟識嘅作品,即使是鄭問本身亦不太願意提起佢曾畫過這本書,
原因是當年應"國立編譯館"邀請,只用了12日時間而畫出了這本90多頁嘅"臥龍先生",傖促嘅時限下所作出嘅產品未能另鄭大師滿意。好明顯被鄭問視為失敗之作,不過...每位成名嘅漫畫家總有一兩部是自己不甚滿意水準較低、不太喜歡的作品,但不是每個漫畫家都可以如鄭大師一樣坦然承認指出某套是其劣作吧!
但係一個人一雙手從頭到尾只用12天時間畫出一本90多頁嘅全彩色水墨歷史傳記漫畫,敢問普天之下又有幾人能够做到?




2012年12月12日 星期三

上官小寶、戇男。金魔鬼外傳

金魔鬼外傳是李小龍第1148期至1153期附送,全套5本完,一向喺"非賣品"之中,極少有以連續期數出晒成套故事嘅"附贈品",這套"金魔鬼外傳"除了內文是黑白之外,故事、內容、畫功、格數全部都跟足一般連環圖製作一樣,絕無因為是"非賣品"而偷工減料,每本均畫足32頁!值得一讚唔收錢真係要蝕本架!
金魔鬼係"李小龍"一書內最受歡迎嘅邪派角色,第一殺手,武功高絕,最後還能改邪歸正,有血有肉嘅角色,這套外傳,就交代咗佢嘅父親是誰、怎樣成為兵器譜第一人。



2012年12月9日 星期日

上官小寶。李小龍復刻版

李小龍復刻版是由李小龍1143期開始隨書附送,直落總共6期,即復刻咗第1至6期,未能繼續"贈送"到第十期或至20期,當然是成本問題,而且小寶本身亦未找齊咁多期,這是非常可惜的,因為小流氓尚且可以從第一期一路復刻至龍虎門,但李小龍頭20多期卻從未被完整復刻過!


2012年12月6日 星期四

黄玉郎、馮志明。國父畫傳

上期介紹咗一本以古代名人為主題嘅非賣品"關雲長"畫冊,今期就介紹一本近代史主要名人孫中山為主題嘅非賣品漫畫畫集。
"國父畫傳"係黄玉郎、馮志明合作嘅作品,黃生畫封面部份,係一本80年代嘅"非賣品",己經不記得當年派發這書嘅動機和原因了,但大低是基於紀念性和尊祟,而令黃生自資出版這本免費畫集吧!
"國父畫傳"內容描述咗孫中山先生從細個破除迷信、至到在香港建立"興中會"、組織革命及起義,從起義失敗到達致成功,成為臨時大總統嘅種種經歷和事跡都有深入淺出嘅介紹,加上馮志明嘅畫功,將國父孫中山畫到形神俱似,值得一讚
這是一個令人肅然起敬嘅人物,亦是一本好有心、有教育義意、健康及畫功一流嘅非賣品漫畫畫集。



2012年12月3日 星期一

李志清。超凡入聖關雲長


今個月全新主題係"非賣品",即整個月會以"非賣品"做主題,新的"非賣品"欄目己加入本blog嘅分類內
香港漫畫書隨書附送嘅"非賣品"有好多款式,有兵器、海報、貼紙、或者係手辦公仔,不過本blog一向倡導係要以"書"為主,不論是港漫日漫美漫也好,從來都是有書在先才能衍生出其他週邊產品,這些"非賣品"也就是"書"的附(副)產品了!
故"非賣品"之中,除了兵器海報貼紙手辦公仔等等之外,也有隨書附送嘅"特刋"、"外傳"、"試閱號"、"小冊子"等等,或甚至係獨立免費派發也有,若係睇開漫畫嘅朋友,對這些"非賣品"必不會陌生!
而唔少這些原本不須要額外付錢買嘅"非賣品",一般印數不會太多,唔少己經變得非常少見,有些"非賣品"嘅价值更是反客為主,比原來嘅書價還高好多。
今個月預計所介紹嘅"非賣品"會是來自小寶、李志清、戇男、志文、黃玉郎、鄭問、馮志明、林慶業、黃水斌、黃國興等等.....

今期就率先介紹下這本獨立贈送嘅"非賣品",李志清嘅超凡入聖關雲長,此書二冊係為慶祝深水埗區關帝廟門樓落成,由華人廟宇委員會印製免費派發給善信嘅畫冊,由李志清操刀繪圖,本畫冊以插圖形式述描咗關公一生事跡,所以這本作為一本比小朋友嘅歷史教材亦相當合用!也可以視作一本李志清畫冊。
擅長以水彩、水墨畫漫畫歷史人物嘅李志清自然是不二之選!由於此書須要籌集捐款助印,才得以印製,印刷費用昂貴,所以唔慌會印得多。就算係免費派發,也只有少數嘅"有緣"人才能獲得的



2012年11月30日 星期五

手塚治虫大全集part 3

今次登埋手塚作品大全集第三批,有新有舊,當中有佢第二套發表作品1947年嘅"新寶島",而這批之中最出名嘅有"火の鳥"及"海王子",其中"海王子"是在下最早拜讀嘅手塚作品,當時還好細個就被這故事吸引咗,手塚居然將一個漫畫故事搬到海底,有此天馬行空嘅創作,驚人的是創作此作時僅僅只是1969年!佢嘅思維當時究竟己超前了多少?
這批書當中絕版最貴嘅中文版手塚作品,就是兩期完嘅"小小獨角獸",不確切知貴嘅原因,但可能是因為中港台之中只有香港才出過這兩本嘅中文版吧!

手塚治虫作品一覧(謫自維基百科):

漫畫‧少年類
火鳥(未完成)(日語:火の鳥,港譯:火之鳥)
黎明篇、未來篇、大和篇、宇宙篇、鳳凰篇、復活篇、羽衣篇、望郷篇、亂世篇、生命篇、異形篇、太陽篇、少女俱樂部版
怪醫黑傑克(日語:ブラック・ジャック,英語:Black Jack,舊譯:怪醫秦博士)
三眼神童(日語:三つ目がとおる,港譯:三眼小子,台灣舊譯:怪童小精靈)
原子小金剛(日語:鉄腕アトム,大陸譯:鐵臂阿童木,港譯:小飛俠阿童木,台譯:原子小金剛,英譯:AstroBoy)
森林大帝(日語:ジャングル大帝,港譯:小白獅,新加坡譯:小白獅,台灣舊譯:小獅王)
小白獅別卷(日語:レオちゃん)
多羅羅(日語:どろろ,港譯:怪俠多羅羅)
海王子(日語:海のトリトン/青いトリトン)
零人(日語:0マン)
森林魔境(日語:ジャングル魔境)
吸血鬼在日本(日語:ドン・ドラキュラ)
狼人傳說(日語:バンパイヤ)
百變貝隆加(日語:ブルンガ一世)
鬼丸大將(日語:鬼丸大將)
手塚少年摯友(日語:ゴッドファーザーの息子)
融岩大使(日語:マグマ大使,港譯:火箭人金達,又名:火箭大使)
白色領航員(日語:白いパイロット,英語:The White Pilot)
肯恩隊長(日語:キャプテンKen,英語:Captain Ken,港譯:無敵隊長)
忍者猿飛(日語:おれは猿飛だ)
新寶島(日語:新寶島,英譯:New Treasure Island)
七色鸚鵡(日語:七色いんこ,台譯:七色鸚哥)
大X超人(日語:ビッグX)
神秘洞(日語:ザ・クレーター)
大都會(日語:メトロポリス,英語:Metropolis)
鳥人(日語:鳥人大系)
罪與罰(日語:罪と罰)
亂世三娘(日語:一輝まんだら)
壯志驕陽(日語:どろんこ先生)
發條蘋果(日語:時計仕掛けのりんご)
地底國怪人(日語:地底國の怪人)
鐵臂之歌(日語:鉄の旋律)
洛克冒險記(日語:ロック冒険記)
日本發狂(日語:日本発狂)
午夜計程車(日語:ミッドナイト)
玲瓏三勇士(日語:ミクロイドS,包括《ミクロイド》和《ミクロイドZ》)
魔神加農(日語:魔人ガロン)
手塚之家(日語:マコとルミとチイ)
漫畫之神(日語:紙の砦)
衝天靈犬(日語:フライングベン)
電影萬歲(日語:フィルムは生きている)
不文狂想曲(日語:フースケ)
魔馬(日語:ボンバ!)
火之山(日語:火の山)
阿童木大使(日語:アトム大使)
諾曼王子(日語:ノーマン)
少年偵探(日語:ケン1探偵長)
阿拉伯之夜(日語:珍アラビアンナイト)
NO.7(日語:ナンバー7)
三神奇(日語:W3(ワンダー・スリー),港譯:銀河特派員)
地球惡魔(日語:地球の惡魔)
新選組(日語:新選組)
驚奇博士(日語:スリル博士)
勇者大丹(日語:勇者ダン)
平原太平記(日語:平原太平記)
冒險狂時代(日語:冒険狂時代)
弁慶(日語:弁慶)
新世界之路(日語:新世界ルルー)
38 度線上的怪物(日語:38度線上の怪物)


四格漫畫

小馬日記


少女類
藍寶石王子(日語:リボンの騎士,又名:寶馬王子、緞帶騎士)
藍寶石王子別卷(日語:双子の騎士)
神奇糖(日語:ふしぎなメルモ)
天使之丘(日語:エンゼルの丘)
神奇獨角馬(日語:ユニコ,港譯:小小獨角獸)
天虹之堡(日語:虹のとりで)



成人類


阿波羅之歌(日語:アポロの歌)
佛陀(日語:ブッダ)
浮士德 (漫畫)(日語:ネオ・ファウスト)(註:未完成的遺作)
桐人傳奇(日語:きりひと賛歌,港譯:狗面人)
MW毒氣風暴(日語:MW)
人間昆蟲記
蒐集人種(日語:人間ども集まれ!)
迷幻少女(日語:ばるぼら)
奇子(日語:奇子)
三個阿道夫(日語:アドルフに告ぐ)(日語意思是《昭告阿道夫》,三個阿道夫為台灣的翻譯)
太平洋X點(日語:太平洋Xポイント,英語:X-Point On The South Pacific)
透明人(日語:アラバスター,英語:Alabaster)
修馬力傳奇(日語:シュマリ)
向陽的樹(日語:陽だまりの樹)
上を下へのジレッタ
千面女郎I.L(日語:I.L)


幼齡類



小羅普(日語:ロップくん,港譯:精霊萬能俠)
我的孫悟空(日語:ぼくの孫悟空)
ガムガムパンチ
ジェッター・マルス
神奇獨角馬(小學1年級學生版)(日語:ユニコ(小學1年生版))


集錦


小飛俠今昔物語(日語:アトム今昔物語)
手塚治虫短編集(日語:手塚治虫THE BEST)
手塚治虫恐怖短編集(日語:手塚治虫恐怖短編集)
虎之書(日語:タイガーブックス,港譯:手塚治虫怪異漫畫)
猜疑集(日語:サスピション)
變形故事集(日語:メタモルフォーゼ)
手塚漫畫大學(日語:漫畫大學)
科幻世界(日語:SFミックス)
萊歐物語(日語:ライオンブックス,另譯:獅之書,港譯:手塚治虫短篇漫畫)



2012年11月27日 星期二

池上遼一。羅修人(飛傘童子)

這是池上遼一早期作品,1976年作品,2集完,同年作品,還有"蜘蛛人"及"男組","羅修人"(台譯飛傘童子)亦係少數在香港沒有出過中文版嘅池上作品,我這兩本乃台灣版本,
從這兩本舊作中,我哋可以睇返池上早期嘅畫功,透過這些早期畫稿、人物動作生動傳神,己經大概意料到池上遼一將會是一位筆藝非凡嘅漫畫家!
睇返這本雖然係距今幾十年前嘅故事同作品,但內容絕不老套落伍,反之今日再睇亦會覺得非常吸引,絕不過時!而這套書內容可以說集輕鬆、搞笑、神奇於一體,係池上遼一極少見輕鬆搞笑嘅作品!
內容大致係講身栽短細,其貌不揚嘅主角飛傘童子似乎深藏不露,身懷異能,佢好似可以召喚旋風、力大無窮、又可以用一把傘就飛上天空,似擁有無窮潛力,但係喜歡搗蛋同追女仔,他不怕校長、老師、警察、學校大哥,甚至係黑社會首領,更喜歡捉弄他們,
每遇到心儀女仔,不論美醜肥瘦高矮都會去追求,因而得罪不少人,也會搞笑到協助騙子賣假藥呃人,但佢點樣惡搞都沒人有佢符。短細、醜樣、搞笑、搗蛋、追女仔、戲弄校長老師警察黑社會大哥,某程度上己令讀者產生代入感,將自己化成為主角,咁多年前嘅漫畫舊作都可以做到咁"過癮"嘅感覺,現在還有無?
而耐人尋味的,就係作者始終沒有點明交代主角身世,是何方神聖,從何而來?不過作者就隱約透露咗佢係一位忍者.....
我哋就一齊來欣賞一下池上遼一這套早期作品同畫技吧。


2012年11月24日 星期六

漢民。邪人、復活

一睇漢民嘅書,未必一定就係鬼怪故事,不過佢啲書一向都配以陰森詭異封面,咁樣至會吸引讀者。
好似這次介紹嘅漢民怪談系列嘅兩本故事,邪人、復活都非鬼怪類,只是偏於奇人、怪異現象、敬世嘅故事,"邪人"係講主角心懷異術,卻心術不正,最後自食其果!"復活"係講一個非常有錢嘅大少,對朋友同下人尖酸刻薄,在一次意外經歷咗"假死"現像,令他感受到人間冷暖,最後佢得以"復活",就痛改前非,重新做人。
這兩本書故事後來又在"怪異集合訂本"內复刻再出,不過內頁內文就轉為黑白版,與最初這兩本原裝彩色版又截然不同!


2012年11月20日 星期二

上官小强的漫畫世界之:反黑小太保系列

喺7、80年代,出現過好多唔同類型嘅漫畫題材,這些題材又逐漸地出現咗各個代表性嘅漫畫家,武打書有黄玉郎、上官小寶、馬榮成,鬼書有漢民,愛情故事有狄克、劉雲傑,而搞笑港漫始祖就一定係上官小强。
不過小強喺未畫代表作搞笑漫畫"壽星仔"之前,出過好多細書,內容大都係一本正經、拳拳到肉嘅打書,反黑小太保系列,就係類似小流氓般幾個兄弟合力儆惡懲奸俠義故事,內容簡單直接無花巧,而小强以"狄龍"為筆名嘅2毫細書係比較少見同早期一些嘅作品。



2012年11月17日 星期六

崔成安。七彩如來神掌


黄玉郎套如來神掌啟蒙何來?追源溯始乃源於當年無線電視籌拍的這部特技電現劇"七彩如來神掌"!還記得當年黄玉郎套如來神掌,與這部電現劇"七彩如來神掌"幾乎同時推出,己達到"協助"宣傳之效!
這部由梁家樹監製,于洋、歐陽佩珊、戚美珍、羅蘭、余子明等主演嘅特技武俠劇,為咗隆重其事,還特別製作咗這本"七彩如來神掌"特刋,內容有劇集拍攝花絮,劇情介紹,人物簡介及漫畫故事,而漫畫部份就請咗崔成安大帥操刀,仲有由佢設計嘅人物造型貼紙送,故這本82年出版嘅電視劇漫畫特刋,極可能係HK電視劇漫畫特刋第一本!


2012年11月14日 星期三

黃玉郎、廖福成、張萬有、梁偉家、關榮遇。如來神掌part 3(完結篇)

今次登埋521-720期封面,即全套"如來神掌"己齊,雖然隨後那些年這套書也重新復刻再推出過,但係二款復刻版"金裝如來神掌"、"彩色合訂本"統統都唔係出晒全套,只係出到某個段落某個部份為止,全套就只有睇返呢720本單行本了。而留意此套書最後嘅100本,係比前頭1-100期更難以儲齊,因為讀者大都放棄關係,以致發行量同留存量甚少,但係這段落還有廖福成張萬有梁偉家關榮遇做主編,如此陣容己成絕嚮!



2012年11月10日 星期六

黃玉郎、李高、廖福成。如來神掌part 2

這part就登埋221-520期嘅所有封面,這部份封面有大量是出自邱福龍手筆,而這部份封面印像,其實己沒有頭段的一些封面那麼有印像了,好多封面可能都冇留意過,大抵因為繼續追看至三四百期以至到五六百期嘅讀者己越來越少了!
9成9讀者會放棄追看到720期最後一集,而再去儲齊這套書嘅朋友更是絕無僅有了,因為直至最後己轉換過太多主筆,不過若想深一層,做得"如來神掌"主編嘅每個主筆,個個都係畫壇主力、高手、畫得之人,又作為黄玉郎三大著作、六大港漫,加埋有幾多套漫畫可以超過700期?有以上種種原因,若儲開漫畫嘅、睇開如來神掌嘅朋友,又點解要放棄唔keep齊一套書呢?
當然若然地方有限、或係習慣只看書而不儲書嘅朋友就算了,但對於在下來說,一套冇結局、睇唔到完結嘅漫畫書,是亳無意義嘅,一套只有頭段、或只keep住某部份嘅不完整漫畫書,係一種價值不大,或是大打折扣嘅收藏!各位收藏漫畫書的同好,應該本着完整齊套去作為目標

如來神掌1-720期之中,共出版長達15個年頭,曾經歷過黄玉郎、牛佬、李高、廖福成、陳志祥、張萬有、梁偉家、榮昌等嘅不同主筆主編時期,大概分期如下:

001-423期----------------------黄玉郎、牛佬
424-470期----------------------李高
471-635期----------------------廖福成、陳志祥
636-683期----------------------張萬有
684-688期----------------------梁偉家
689-720期----------------------關榮遇


2012年11月7日 星期三

黃玉郎。如來神掌part 1

黃玉郎三大長篇著作之一"如來神掌",全套共720本,當中有黄玉郎,亦有多位主編同主筆,這套書最早期除有如來神掌本身故事之外,更有多套其他連載故事,所以絕對係六大經典港漫之一。
這裡界定六大港漫,係要符合一些特定條件;以主筆知名度、當年作品嘅受歡迎程度、銷售量、故事性、作品影響力、畫功,再加上作品須要有一定嘅"歷史",即係80年代或之前嘅作品,同時這裏不能够認同和鼓勵一些不負責任嘅爛尾行為,所以亦必須係完完整整完結嘅作品,而全套期數不少於300本,就符合入圍6大港漫條件。
最後依照整套書計收集嘅困難程度排列出六大港漫為:李小龍、龍虎門(小流氓)、醉拳、如來神掌、刀劍笑、中華英雄,而今次介紹嘅係6大港漫收集困難度排行第4嘅"如來神掌"!
曾經聽過爭拗這套"如來神掌"是否該屬黃玉郎著作?ok!雖然這套書720期前後共由多位唔同主筆編繪,但你是絕不能否定若無黃玉郎手筆在先及參與,這套書絕對不能有這麼高銷量及可以做到720期,所以無謂再爭拗,這書肯定係黃玉郎三大著作之一!

講返這套書,除如來神掌本身故事之外,尚有連載好多其他附錄作品,例如之前介紹過馮志明嘅精武莊、小寶黃國興嘅一代劍王、馬仔嘅相識、管理員之外,中華英雄及黃國興嘅楚留香等都曾在此套書內連載過,詳見下面記錄:

"如來神掌"早期連載附錄作品一覽:

何日君(白金龍)------------------神劍逍遙,如來神掌第1期至17期連載
馬榮成----------------------------中華英雄,如來神掌第3期至45期連載
馮志明----------------------------精武莊,如來神掌第18期至23期連載
上官小寶、黄國興------------------一代劍王,如來神掌第24期至37期連載
黄國興----------------------------楚留香,如來神掌第38期至43期連載
馬榮成、少傑----------------------相識,如來神掌第44期連載
馬榮成、少傑----------------------管理員,如來神掌第45期連載

以下先登出1-220期封面及少少第一期內文,我們一齊來重温返這些封面吧....


2012年11月4日 星期日

上官小寶、黄國興、何日君(白金龍)。一代劍王、神劍逍遙

馮志明嘅"精武莊"在"如來神掌"一書內由18期開始連載咗6期完結,之後接着就係這套上官小寶所畫嘅"一代劍王",在"如來神掌"24期開始連載,一路連載至37期才完結,共有14篇,不過小寶中途因要過檔做新書"漫畫王",所以"一代劍王"中後各篇改由黄國興接手編繪,一路畫至完結,所以這套書可謂是小寶與興豬合作嘅代表作了!
而另一套連載於"如來神掌"嘅"神劍逍遙"係何日君(即上官玉郎)作品,在"如來神掌"第一期開始連載,至到17期完結,全個故事共分11篇,一代劍王、逍遙神劍這兩套作品皆從未在其他地方出過,所以今次就特別抽出來介紹先,只因下一篇開始要介紹成套"如來神掌",到時這些曾在"如來神掌"內掛單連載過嘅特別作品就不再重覆介紹了!


上官小寶、黄國興合著"一代劍王",1982年於"如來神掌"第24期至37期內連載,共14篇完結

全部14篇版頭


2012年11月1日 星期四

馮志明、馬榮成、少傑。精武莊,相識,管理員

除咗出單行本以外,一些主筆嘅作品,都會曾隱藏或附錄於其他作品之內,又或係附錄於報紙雜誌之上,在本blog內都會有機會被抽取出來特別介紹一下,因為這些作品好多時都是一些主筆成名前嘅散作,容易被人遺忘,而這些作品亦好少會再有機會獨立成書或係輯錄再版,所以都好值得在這裏用少少篇幅去獨立介紹這些作品!
而今次介紹馮志明嘅"精武莊"、馬榮成、少傑合編嘅"相識"同"管理員",都係出自早期"如來神掌"連載之內,之後亦不曾見在其他地方出過單行本或係輯錄成書。



馮志明"精武莊"連載於"如來神掌"18期至23期之內。
馬榮成、少傑"相識"一期完短篇故事連載於"如來神掌"44期之內。
馬榮成、少傑"管理員"一期完短篇故事連載於"如來神掌"45期之內。


2012年10月29日 星期一

HALLOWEEN萬聖節,漢民。夜半回魂


明天就係哈囉喂這個西方節日扮鬼扮馬嘅日子,若睇埋漢民這本"夜半回魂"就更應晒節
因為本書故事發生在西方,人物全部都係西人,故事亦係講扮鬼嚇人.......
此書除畫功好之外,故事"劇情"緊凑縣疑,結局出人意表,加上漢民嘅編排同演譯,真正做到了"恐怖效果"出來,以咁多年前嘅舊書來計,無論在畫面同劇情上有咁高嘅水準,可以說己經超越晒當年同類鬼故書嘅級數!

本書故事內容係講男主角前妻患絕症而死,佢因而承受咗前妻大筆遺產,但他沒守承諾又再娶第二任妻子,於是巨宅內怪事頻生,己死去嘅前妻好似己變成厲鬼,,纏擾着不守諾嘅丈夫,最終男主角被嚇死.....
原來當他追求迎娶第一任妻子開始,就己經踏入了一個死亡騙局,一切一切是一個謀財害命嘅致命佈局.......




2012年10月26日 星期五

漢民。地獄門

就快到西方嘅哈囉喂萬聖節,每到這個時間,一定揾返漢民啲書先至會最應節!因為漢民除了畫鬼故之外,可以經常性成本書都以西方外國人做故事嘅香港漫畫家,也只有漢民一個,
可以講,從前到現在都冇一個香港漫畫家畫西方人可以神似過漢民、好過漢民,亦無任何一個本地漫畫家有咁多本作品內文係可以全書從頭到尾均以西人為主嘅漫畫。
所以鬼故+西人,能够符合晒萬聖節元素嘅香港漫畫書,就一定是漢民嘅作品囉
漢民怪談系列有分全彩色及黑白色內文兩種,部份漢民怪談是全彩色,部份是黑白色,地獄門是漢民怪談系列22本其中一本作品,是一本全彩色鬼故作品,而漢民怪談全彩色鬼故亦是一改鬼故以黑白色為主嘅傳統,所以可謂是創先河!

黑道大哥遭到被他害死嘅兄弟變成厲鬼尋仇,最後將他引入地獄之門.......


2012年10月23日 星期二

戇男、龐重輝。戇男戀曲

在下本身好鍾意戇男啲公仔,特別係佢一些早期作品,這本"戇男戀曲"就搜羅輯錄咗80年代戇男嘅一些作品,
全書共24個愛情悲歡離合短篇作品,24段故事大部份以戇男為主角,更有些早期是以戇男原名"鄧浩垣"為筆名嘅作品,加上有幾個作品是龐重輝有份協力繒畫,全書有成130多頁,所以鍾意睇戇男嘅朋友,這本書就啱晒睇




2012年10月20日 星期六

周勝。水滸傳承



若說這套"水滸傳承"是周勝最有heart、最有誠意嘅作品,一點不為過!
因為可以從這套書看得出,周勝同其組員用足心機去編寫制作。故事是寫水滸108個梁山泊人物事蹟,原本計劃是每個梁山人物佔數期故事,如此計落108個人物也該有數百期書,但當然最後這套書只能寫到20多期,也是因為銷量問題了。
水滸傳承是周勝第7套作品,也是一套佢最值得推荐嘅作品,1994年出版,第1-3輯共23期完是普通港漫版,第4輯1-5期完,是為精裝本,內文改為黑白,月刋形式出版,而好多朋友,只有前面23期,因為之後嘅5本精裝本,共歷時8個多月才出齊,所以在收集上是有一定難度的,而真正大全套該是23本簿裝+5本精裝+1本水滸外傳特刋!


有啲朋友認為周勝畫風有啲類近邱福龍,同樣都係筆法蒼勁,咁就大家一齊來欣賞下佢這28本靚靚嘅封面及內文,同邱福龍比較一下似唔似



2012年10月17日 星期三

狄克。火神劍

此套乃狄克第一套個人單行本,狄克第一套武俠漫畫亦係唯一一套武俠作品,1984年1月出版,2期完。
故事都係講剷除魔教為師報仇,當然像這類書,我們無謂去計較佢嘅內容劇情,只係睇返回味返一種漫畫嘅歷史己足够。
稍後狄克被徵召在玉郎漫畫內畫"情若無花不結果"大受歡迎,並成為80年代愛情漫畫嘅代表者,編繪咗數以百本嘅愛情漫畫作品,而佢這套最早期嘅武俠作品卻成為佢唯一"另類"嘅題材!



2012年10月14日 星期日

張萬有、牛佬、崔成安。巨龍列傳(末代英雄傳)

這套1997年出版嘅巨龍列傳,台譯"末代英雄傳",己差不多係張萬有最後嘅幾套作品之一了,這套作品主筆除張萬有之外,尚集合咗牛佬文啟明及負責勾頭同做專欄插圖嘅崔成安,所以算係强勁陣容,加埋這套係張萬有同崔成安嘅最後作品之一,所以這套書是必然值得收藏嘅!
故事係講清末日本入侵為主綫,啱晒近期中日海島情緒啦!不過書內角色有陳真、杜月笙、馬永貞、袁世凱、大刀王五、張保仔等等,全部變晒做一流超級高手,讀者接唔接受到就見仁見智了,巨龍列傳,港版9期完,台版三合一厚裝,共3期完。



2012年10月11日 星期四

里見 桂作品part 1


里見桂首套作品發表於1979年,然後在80年代初期開始一路出過唔少作品,當中以科幻、縣疑、神怪較為擅長,雖然他非好出名,香港新一代讀者亦未必知道或睇過佢啲書,
佢啲作品一向好有"戲味"、故事性好强、畫功甚佳、平均作品水準好穩定有保証,所以一直以來我旦凡見到佢啲作品都會收藏,每一本亦都會睇晒因為像這樣好嘅故事、題材,絕佳嘅劇情,對唔住,在港漫之中絕對找不到的!


2012年10月8日 星期一

安彥良和。阿里安,特刋、畫集、設定集

日本頂級大師安彥良和兩大著作,阿里安、機動戰士,我更喜歡前者多一些,這套以希臘神話作背景嘅作品即使幾十年後今日再看,都一樣咁精彩
加上安彥良和畫功一流,每一格每一幅都是漫畫同畫技加畫功嘅精彩結合,大大提高咗佢作品欣賞價值!收藏漫畫的、學習漫畫技法的、漫畫從業員,點可能不看不收藏安彥良和的作品呢?睇睇以下佢這套1979年作品,就知我無誇大。

少少安彥資料:
1979年1982年蟬聯動畫最高賞動畫製作人第一位。 1983年日本動畫大賞作畫賞 1985年日本動畫大賞FAN大賞 1990年大國主》獲第19屆日本漫畫家協會賞優秀賞


2012年10月5日 星期五

上官小強的漫畫世界:超人系列

幾十年前,冇乜版權法,抄襲成風,當時好多港漫畫家,都畫過以"超人"類為題材嘅漫畫書,
當中比較出名嘅有黃玉郎、東方傭等,而在下獨愛嘅上官小强亦有畫這種題材嘅書種,佢當時更於不同時期以不同筆名去繪畫以超人為題材嘅公仔畫,從2毫書一路到5毫子再到8毫子書,不同時期都出過超人書!



這本小强嘅超人之轟天大惡魔係比較少有嘅8毫子大裝書,即係接近現時市面上港漫書嘅size

2012年10月2日 星期二

邱福龍。超人TIGA

這是香港首套由原版超人正式授權,玉皇朝、邱福龍繪畫嘅超人廸加,這套書係超人迷福龍迷必有嘅正書!
呢套雖然只係1998年屬較近年嘅出版作品,唔算太耐歷史,但我肯定這套書收藏價值極之高!
依家邱福龍畫嘅都以武打為主,但這必只是因市場銷路來決定嘅題材方向,實則龍少畫以龍神、超人、小魔神這類題材才是他最佳出品!
而創刋所附送DIE-CUT紀念VCD,紀錄咗福龍"超人TIGA"漫畫製作過程、專訪等,亦係全港漫畫首創。




2012年9月26日 星期三

冷門二毫子書仔part 3


今期又登返幾本70年代細書,呢類咁多年前嘅書仔,唔須計較主筆嘅名氣及畫功,也無須讚彈故事內容,因咁耐歷史嘅書,本本都己經入於冷門,想揾返本相重嘅都好難,
而這些書嘅作者同主筆亦都好難再深入考究了,但就可以作為一個歷史見証同產物,見証咗自60、70年代起開始蓬勃發展及題材種類多樣化嘅公仔書時代開始.....



黃金城。飛女王

2012年9月23日 星期日

漢民、馮志明。綜合漫畫東方之豬

若數返3、40年前嘅綜合漫畫,絕對唔太多,因為當年綜合漫畫好難有生存空間(當然現今嘅情况就更差),長壽嘅綜合漫畫更加近乎零,大家熟識嘅臭香港、金漫畫、73漫畫等都至多得十零期貨仔,
到了80年代,才有最長壽嘅"玉郎漫畫"出現,而70年代當中綜合漫畫之中較少見嘅冷品便要數到這本"東方之豬"了。
這本70年代8毫子裝綜合漫畫,主筆眾多,乃包括江海濤、林步陞、高麗心、小依人(漢民)、梁天尺、馮志明、晚霞、念曾等等....當中以漢民及江海濤所佔全書比例最多,可謂本書主筆中嘅主筆!
而漢民作品出現於一本綜合漫畫亦不多常見,漢民就用咗"小依人"及"上官夢妮"两個筆名在本書出現,用"小依人"為筆名嘅書己不多,而知道漢民另一個筆名"上官夢妮"嘅更加少之又少吧!再加上馮志明最早登場嘅諷刺時弊作品,形成這本書好有紀念價價!



2012年9月20日 星期四

時代漫畫

80年代出過一些8開本週刋漫畫,如漫畫周刋、2001、漫畫王等等,不過亦有一些好"短期"嘅8開本漫畫出現過,這類漫畫書分分鐘一不留意,便己錯過,
"時代漫畫"便是其中一本,而比較嘅這本"時代漫畫"裏面所連載嘅漫畫故事,港、日各佔一半,其實書內所連載嘅故事同內容都唔錯,算是幾吸引,但出咗一期之後,唔再見到有第二期,比較可惜....



2012年9月17日 星期一

上官小强的漫畫世界之:濟公系列

上官小强在未出成名作"壽星仔"之前,一路畫下咗極多嘅細書,所引用嘅筆名,亦可算是最多嘅一個漫畫家之一,計有陳少强、凌霄、狄龍、陳小强、陳少林等等...
而作品中除了有佢大量創作出來嘅人物之外,還有一些好熟識嘅抄作角色,超人、獨臂小刀王、十兄弟、小流氓、蝙蝠俠、黃飛鴻、小魔神、孫悟空、哪咤、豬八戒等等大量crossover,是其作品一大特色,同時期主筆漫畫家無出其右者!也正好反映小强當年如何"食腦"去利用將二次創作人物加入其作品內,以吸引及增加其作品吸引度及銷售量!
濟公兩仔爺就是在其筆下世界所形成嘅其中一個系列,小濟公激奀小傻仙、濟公兩仔爺激奀豬八戒....淨係睇書名都够得意啦



2012年9月14日 星期五

鄭問。星雲大師

鄭問應該是港人最熟識及台灣最具名氣的漫畫大師,佢又分別與黃玉郎馬榮成合作過,在港出過漫畫作品,佢嘅功力同作品在行內無容置疑,
一般港人比較熟識嘅係佢嘅"阿鼻劍"、"刺客列傳"又或者係"大霹靂",
而這本"星雲大師"雖並非年份久遠嘅舊書,大概是2000年出版,在台灣亦一定有好多人知道,但在香港就冇咁多人會看到吧。
我早知鄭問出過這本書,但都是近期輾轉之下托朋友alanwen及丹下兄嘅blog友"老劉"在台灣幫忙購入,在此嗚謝劉兄了!
講返這本"星雲大師"內容是以全漫畫形式述說介紹台灣好出名嘅星雲大師一生事蹟,是一本漫畫傳記,鄭問將星雲大師從細到大以傳記形式用漫畫畫出來,是鄭問迷必儲嘅鄭問作品!




2012年9月11日 星期二

武振天、白雲天。小霹靂、小蠱惑、義和團小英雄


今期武振天、白雲天可能大家都有聽過,但係佢哋這幾本陳年作品又有幾多人看過或有印像呢?這些70年代6毫子8毫子書,類似係想與小流氓李小龍在市場上分一杯羹,但好多都只係曇花一現或者爛尾,
歸根結底,通常都是畫功唔得或者是故事唔得,而今幾套又是屬於哪類?
小霹靂、小蠱惑,真係甚冷門非大路書,我都只儲返第一期便算了,但其之後還有冇第二第三期,又或者是爛尾,唔知有冇朋友知道呢?至於白雲天嘅"義和團小英雄"也不知道究竟出咗幾多期?因為這些書及主筆非在下主要收藏對像,所以並無太刻意收集各期數,故這套"義和團小英雄"一直還欠前面嘅幾本



2012年9月8日 星期六

崔成安。銀燈淚影、愛海情花


崔成安一直係我最欣賞嘅漫畫家、插畫家,因為佢畫功一流、筆藝高超,喺幾十年前己經可以稱之為大師級。但佢嘅作品一向唔太多,細書時代嘅作品就更少見。
港漫言情漫畫愛情漫畫一早就己存在,不過現時就己經絕晒跡,現在要睇返呢啲題材類,就唯有睇返這些前輩級嘅作品。
"銀燈淚影"封面設計以幾十年前水準,我己覺得好靚,內文入面公仔繒圖技藝,放誅當年嘅細裝書黎講,比對之下,應該是無人能及了!
至於另一本"愛海情花",觀乎內文公仔,則應該是年代更為久遠嘅崔大師作品,而兩本皆為6格一頁嘅格式。



2012年9月5日 星期三

漢民。凶女

漢民嘅橫版書,一向是市場罕見,可謂本本難求,而佢嘅橫版書又大多以鬼故書居多,但這本"凶女"就是一本非鬼書類,而是屬於社會奇情故事,
而鑑定這本咁靚嘅封面、咁另類嘅題材,這本就係非常具收藏價值嘅漢民橫度書之一!而這本亦是本blog介紹嘅第四本漢民橫版。
睇返畫功,喺70、80年代,己經有咁樣嘅畫功,畫到咁寫實嘅公仔,香港也就只有漢民同馬榮成,所以佢哋嘅舊作本本價值非凡,實在是不無原因!,
"凶女"故事算是幾吸引,兼且畫面意識頗為大膽,故事講美麗女主角凱絲琳是一位不祥人,先後下嫁的13個丈夫都不得善終死於非命,凱絲琳不甘受命運擺佈,决定去貧民窟找一個最醜最窮嘅男人下嫁,不料該男人除醜陋無比之外,還很惡毒,經常折磨虐待凱絲琳,
但這個男人卻又偏偏活得最長久,最後凱絲琳忍無可忍,親手將她這任丈夫殺死,凱絲琳始終擺脫不到"凶女"嘅命運!



2012年9月2日 星期日

上官小寶。小白龍

因為有一些陳年舊書積壓,今個月主題又會係偏向冷門、舊嘢多一些,一些現今或當年成名嘅主筆漫畫家嘅一些較冷門少見嘅著作,會排隊推出!
今期這本是上官小寶70年代神怪作品,"小龍"牌出品,全書有兩段飛俠小白龍故事,己經完整完結,而這本書還有第二期,至於有沒有出過第三期,就不知了,因為我都未在任何地方見過第三期。
本書故事講邪惡黑道士召喚出黑白雙屍控制村民,村民求助於飛俠小白龍將雙屍殺敗,伸張正義!另一段故事係講山中貓妖作怪,殘殺居民,小白龍為民請命惡鬥貓妖!


2012年8月30日 星期四

黄玉郎、漢民。小吸血鬼、鬼手

今日係農曆7月14,中國傳統鬼節,盂蘭節正日,梗係要揾返本正嘢鎮下場,整返本黃玉郎+鬼故大師漢民出黎助陣,咪够晒氣氛囉
講返黃玉郎,打書就一大堆,但鬼書就唔多見架,這本"小吸血鬼"+漢民"鬼手"兩位大師合作嘅就真係超經典!至於書本嘅內容、故事、畫功,一切都不再重要,
重要嘅係這類書嘅一種獨特懷舊情懷,以下請欣賞下兩位大帥幾十年前嘅漫畫作品.......