2012年9月5日 星期三

漢民。凶女

漢民嘅橫版書,一向是市場罕見,可謂本本難求,而佢嘅橫版書又大多以鬼故書居多,但這本"凶女"就是一本非鬼書類,而是屬於社會奇情故事,
而鑑定這本咁靚嘅封面、咁另類嘅題材,這本就係非常具收藏價值嘅漢民橫度書之一!而這本亦是本blog介紹嘅第四本漢民橫版。
睇返畫功,喺70、80年代,己經有咁樣嘅畫功,畫到咁寫實嘅公仔,香港也就只有漢民同馬榮成,所以佢哋嘅舊作本本價值非凡,實在是不無原因!,
"凶女"故事算是幾吸引,兼且畫面意識頗為大膽,故事講美麗女主角凱絲琳是一位不祥人,先後下嫁的13個丈夫都不得善終死於非命,凱絲琳不甘受命運擺佈,决定去貧民窟找一個最醜最窮嘅男人下嫁,不料該男人除醜陋無比之外,還很惡毒,經常折磨虐待凱絲琳,
但這個男人卻又偏偏活得最長久,最後凱絲琳忍無可忍,親手將她這任丈夫殺死,凱絲琳始終擺脫不到"凶女"嘅命運!








在幾十年前漢民先生嘅寫實畫風及超强畫功,己經是大超班!


可以畫到西方人型與東方人型都咁靚嘅漫畫家,當年亦只得漢民一個


凱絲琳在貧民窟找最醜最窮嘅男人做丈夫






 還有漢民插圖嘅"漢民專欄"....


及兩三頁四格笑話,作者是誰有待確定....張萬有?毛名威?祈文傑?趙汝德?




好嘢我從不介意keep多一本



下期預告:崔成安

13 則留言:

  1. 始終離唔開有色情的情節
    當年嘅龍虎門又喺度打打殺殺
    所以嗰個年代父母係唔俾子女睇呢D漫畫⋯
    我睇完收埋喺枕頭底㗎
    [版主回覆09/06/2012 21:04:06]癲兄經歷相信亦係好多人嘅經歷
    [李大雞 Adam回覆09/06/2012 17:46:59]收埋係枕頭底,始終被母親大人手到拿來,結果如何?D書通統同我say goodbye
    [版主回覆09/05/2012 22:01:01]以前講色情,好似排隊都未輪到漢民喎

    回覆刪除
  2. 四格係出自祁文傑, 張萬有同關榮遇呀.
    當年小流氓背後廣告, 有本 "功夫" , 應該係改編自金桂祥套戲o既, 公仔同肌肉紋都好真實, 唔知係邊個畫?
    [版主回覆09/05/2012 22:08:21]祁文傑, 張萬有,關榮遇,正呀!有唔少佢哋嘅四格大作係喺漢民橫版書連載一兩頁楔位嘅,因為果時漢民橫版唔會將啲劇情拖到34、35頁,應完就完,所以有時就揾呢啲笑話攝下位
    [龍 Wing Lung回覆09/05/2012 17:00:01]當日人手時有變動, 除咗 "趣怪漫畫" 較統一外, 我諗其餘啲書, 出邊啲四格楔位, 可能係隨機選擇o既.
    http://blog.yahoo.com/_4TLZAD62EPUZ7G3KKG5JUOG6MM/articles/98709/date/200811
    [李大雞 Adam回覆09/05/2012 16:26:20]龍朋友,毛名威去咗邊度?點解要關榮遇代佢?

    回覆刪除
  3. 其實我對漢民的畫風並不怎樣欣賞,雖然他畫得很不錯,但我總覺得那些公仔不中不西,反而我喜歡祈文傑多些,謝謝分享!
    [版主回覆09/07/2012 12:30:45]好嘅漫畫、受歡迎嘅漫畫,畫功加內容配合梗係重要,不論是西方、日本、香港也好,皆是先由一本受歡迎嘅漫畫才可去改篇成一套受歡迎嘅動畫或電影。香港漫畫自80年代始有了"漫畫編劇"後,都出現過唔少故事性好强嘅漫畫,其他也可拍成電影,例如刀劍笑、風雲、中華英雄、老夫子、龍虎門等......
    [如心●恕也©回覆09/07/2012 09:03:31]記得小時候,本土的漫畫不多,要到70年代才開始流行起來,繼而更是百花齊放。
    在讀小學時,有些綜合性漫畫如兒童樂園... 那時我喜歡看外國的兒童故事漫畫,如小飛俠,金銀島... 後來喜歡了那時很流行的占士邦系列漫畫,及其他西方的偵探故事,蝙蝠俠和超人系列等等,不覺間便將那些西方畫法作了標準(可能是日本人畫的),所以後來港產的漫畫家,要到了馬榮成,上官小強,祈文傑,上官小寶等我才開始接受。
    其實好的漫畫,除畫得靚之外,最重要係故事內容,相信跟拍電影也不遑多讓,你說是嗎?
    [版主回覆09/05/2012 22:26:53]不過可以咁講,日本大師級池上遼一、松森正等都正係這類寫實派,佢哋嘅地位係超然嘅,亦係最初馬榮成模仿對像。佢哋這類畫風其他人是好難做到的,我可以講漢民畫一格畫,肯定係慢過晒其他漫畫家,更何况要畫晒一整本漫畫?這就是佢啲作品欣賞同價值所在!
    [版主回覆09/05/2012 22:15:07]呵呵,其實各人喜好不同啫,最初我都麻麻地like港漫如小流氓王小虎啲肌肉男,亦相信有好多人都同我一樣,後來才漸漸接受到。同樣地,漢民啲寫實畫風唔係個個接受到。

    回覆刪除
  4. 這段時期的漢民的畫我幾like的...
    [版主回覆09/05/2012 22:31:34]佢這段時期啲書存世量極少,罕物也!

    回覆刪除
  5. 以前有過尼本漢民,好早期連埋龍虎門,李小龍,漢民橫板,好似有幾本,仲有其他,一次過賣哂比舊書灘
    [版主回覆09/08/2012 10:16:05]係呀,土瓜灣嗰間啲書封晒塵係最污糟,啲書又擺到亂晒籠上海街那檔確是阿伯果間"書山"
    [金明回覆09/08/2012 01:17:25]士瓜灣那店实在太多尘。程兄所指旺角上海街那档,莫非是由阿伯主持之书山?
    [版主回覆09/06/2012 21:09:26]佢都成日咁講住。同時好多舊書檔主都係咁講架
    [鐵人回覆09/06/2012 20:17:15]佢以前有成套小流氓賣架
    [版主回覆09/06/2012 08:51:05]佢依家都冇乜好嘢收到佢個仔嗰檔由秀芳搬去新蒲崗後又係冇乜好嘢賣咯。
    [鐵人回覆09/06/2012 01:28:05]你都知,佢搬過幾次了,佢做左好多年了
    [鐵人回覆09/06/2012 00:28:33]你都知,佢搬過幾次了,佢做左好多年了
    [版主回覆09/06/2012 00:16:14]士瓜灣果檔舊書依家仲存在
    [鐵人回覆09/05/2012 23:30:06]我係賣左比士瓜灣,係好平的.你在那裹買呢?
    [版主回覆09/05/2012 22:34:57]龍虎門,李小龍就好多人有大把大把,漢民啲橫板就幾少見,當年你賣晒比邊一檔呀?講真可能有啲比我執咗

    回覆刪除
  6. 奇情故事?現在對港漫來說是一個好新奇題材了,証明港漫在倒退中..
    [版主回覆09/07/2012 12:11:11]依家冇晒呢啲題材了,亦再見唔到有乜新主筆出書,倒退是事實

    回覆刪除
  7. 未睇過, 但看你post,當年來講畫得很好。
    [版主回覆09/07/2012 12:18:26]30幾年前咁嘅畫功,冇嘢好講

    回覆刪除
  8. 嘩,有SM畫面,正喎~~
    [版主回覆09/07/2012 16:35:49]個故事係講女主角被其丈夫虐待至不似人形,最後忍無可忍將其丈夫殺死,所以有唔少虐待鏡頭

    回覆刪除
  9. 四格笑話中, 關榮遇應該有份寫吧.
    [版主回覆09/08/2012 10:12:16]應該有份的,最不智以前成日唔識登主筆名,成日要人估估下

    回覆刪除
  10. 這本當年我有看過,漢民繪畫女人的畫功真是無得頂;在我記憶中是以為女主角想用剋夫命殺死貧民窟的醜男,最後獲得報應而被虐待,真相原來是為了打破宿命,真係多謝程兄為我尋回真相
    [版主回覆09/09/2012 11:01:54]原來wildman兄都有看過這本。其實這書故事好有玄機及警世架。冇錯,漢民畫女仔真係好得,而作為一個全面嘅畫家,畫男女公仔都係應該同樣經得起考驗先至得,不過香港大部份主筆畫男相就好了得,畫女仔就好唔得

    回覆刪除
  11. 呢類故事其實而家都ok,只係可能會比尐咩咩機構話著得少衫投訴.........漢民畫女始終最得,而家都係.
    謝分享.
    [版主回覆09/09/2012 11:09:33]個故事幾好架。其實啲鬼故不論是漫畫還是小說,都係興有少少咸味

    回覆刪除
  12. 我都有一本叫陰間的橫版書.個故仔同"奇幻逆緣"差不多.你有無睇過呢?
    [版主回覆09/10/2012 12:35:31]怪異集第84期"半死人"
    [香港居民回覆09/10/2012 11:25:44]想問下漢民在怪異集重畫【陰間】是那一期? 故事名叫甚麼?
    [版主回覆09/09/2012 18:34:39]Hi!原來你都有漢民橫版,唔知你有冇多可以交換呢
    "陰間"我都有,個故事非常好,所以漢民在怪異集時將故事重新再畫,而橫版及連怪異集故事稍後我都會一併介紹的

    回覆刪除
  13. 胸.女~~!!!
    [版主回覆09/10/2012 10:14:48]够晒吸引

    回覆刪除