而作品中除了有佢大量創作出來嘅人物之外，還有一些好熟識嘅抄作角色，超人、獨臂小刀王、十兄弟、小流氓、蝙蝠俠、黃飛鴻、小魔神、孫悟空、哪咤、豬八戒等等大量crossover，是其作品一大特色，同時期主筆漫畫家無出其右者！也正好反映小强當年如何"食腦"去利用將二次創作人物加入其作品內，以吸引及增加其作品吸引度及銷售量！
濟公兩仔爺就是在其筆下世界所形成嘅其中一個系列，小濟公激奀小傻仙、濟公兩仔爺激奀豬八戒....淨係睇書名都够得意啦
背面
下回預告：
以前大度書8開本，如漫畫周刋、2001、漫畫王等等之外，其實還出過唔少其他8開本嘅書種，下期本8開本"時代漫畫"即使我預告咗本書名，但都未必有人見過封面及內文啩
下期唔通講「全面擊」？不過呢本內容唔係港漫
回覆刪除[版主回覆09/17/2012 12:55:39]下期係講本"時代漫畫"唔係"全面擊"，不過都唔係港漫黎
不講不知上官小強用咁多個筆名..二次創作..正..
回覆刪除[版主回覆09/17/2012 18:59:01]上官小強嘅筆名算係最多嘅之一，另外漢民亦有唔少筆名架，甚至比小强更多
莫講話8開本嘅時代漫畫未見過，我連漫畫王都未見過，因為本人是90後
回覆刪除[版主回覆09/17/2012 19:01:18]係真唔係呀？90後都有齊李小龍同小魔神，咁在下肯定細過你囉
有D睇過
回覆刪除[版主回覆09/18/2012 10:00:31]咁我估你收埋唔少好嘢
以上有两本注明是三毫的，页数会否多一点？
回覆刪除[版主回覆09/19/2012 10:04:15]頁數差不多冇多到，亦唔係合訂本。
小強原來這麽早己走搞笑漫畫路線，難怪後來會創作出壽星仔
回覆刪除[版主回覆09/19/2012 10:08:12]係呀，壽星仔之前佢啲細書己經有唔少搞笑影子，到畫壽星仔時更加係駕輕就熟
我想問你上官小强和上官小寶有冇任何聯繫或關連？
回覆刪除而你對漫畫的執著和所有的知識，相信你一定曾是漫畫界的漫畫家，可能更是大大有名，對嗎？
[版主回覆09/19/2012 23:10:32]也曾有朋友邀請過在下參加一些漫畫聚會、加入一些漫畫會社或做會員有贈品之類，都被我一一拒絕了，在此我再次聲明一下了，在下只在於興趣是漫畫書，而其他一切嘅動作或周邊是沒有興趣了
[版主回覆09/19/2012 23:01:32]上官小强和上官小寶冇關連嘅，但最開始小强嘅名作"壽星仔"係由小寶出版，而佢嘅都各自擁有一套由橫度書過渡至直度書、由70年代一路至90年代，超過500期及1000期嘅壽星仔及李小龍漫畫書。
在下執著只係儲漫畫，與別人儲古董、儲玩具等一樣嘖啫。另外認識在下嘅都知我並非什麽漫畫家，亦同任何漫畫行內人無關連嘅，以後亦絕對不會扯上任何關連！
也只有同任何漫畫人、漫畫家沒有關連和聯係，在下才可以以一個完全局外人嘅身份專心一意地看漫畫、儲漫畫
回覆刪除有一兩本都看過，幾鍾意強記當年畫的小濟公。
回覆刪除[版主回覆09/20/2012 12:00:51]強記嘅小濟公造型幾得意，同埋對白好笑漫畫味濃，我都幾鍾意睇
好有趣！
回覆刪除[版主回覆09/22/2012 11:42:27]強記嘅小濟公幾有趣架
禾又來了
回覆刪除[版主回覆09/23/2012 08:52:33]歡迎歡迎