今個月全新主題係"非賣品"，即整個月會以"非賣品"做主題，新的"非賣品"欄目己加入本blog嘅分類內
香港漫畫書隨書附送嘅"非賣品"有好多款式，有兵器、海報、貼紙、或者係手辦公仔，不過本blog一向倡導係要以"書"為主，不論是港漫日漫美漫也好，從來都是有書在先才能衍生出其他週邊產品，這些"非賣品"也就是"書"的附(副)產品了！
故"非賣品"之中，除了兵器海報貼紙手辦公仔等等之外，也有隨書附送嘅"特刋"、"外傳"、"試閱號"、"小冊子"等等，或甚至係獨立免費派發也有，若係睇開漫畫嘅朋友，對這些"非賣品"必不會陌生！
而唔少這些原本不須要額外付錢買嘅"非賣品"，一般印數不會太多，唔少己經變得非常少見，有些"非賣品"嘅价值更是反客為主，比原來嘅書價還高好多。
今個月預計所介紹嘅"非賣品"會是來自小寶、李志清、戇男、志文、黃玉郎、鄭問、馮志明、林慶業、黃水斌、黃國興等等.....
今期就率先介紹下這本獨立贈送嘅"非賣品"，李志清嘅超凡入聖關雲長，此書二冊係為慶祝深水埗區關帝廟門樓落成，由華人廟宇委員會印製免費派發給善信嘅畫冊，由李志清操刀繪圖，本畫冊以插圖形式述描咗關公一生事跡，所以這本作為一本比小朋友嘅歷史教材亦相當合用！也可以視作一本李志清畫冊。
擅長以水彩、水墨畫漫畫歷史人物嘅李志清自然是不二之選！由於此書須要籌集捐款助印，才得以印製，印刷費用昂貴，所以唔慌會印得多。就算係免費派發，也只有少數嘅"有緣"人才能獲得的
有D似兒童名人故事叢書
回覆刪除[版主回覆12/03/2012 18:51:51]係兒童名人故事叢書+小學教科書，不過依家呢類書訂價好高架！好似呢本免費派發就冇可能
[偉回覆12/03/2012 12:29:30]亦似小學教科書
說實話...李志清先生真係好nice...談吐又斯文有禮...的確係一位很好的漫畫家! 他的畫功當然好到沒得頂啦!
回覆刪除有冇去舊中環街市行下呢? e+有個Comics@Central 『漫』遊中環創作原稿展覽, 邀請左李惠珍, 李志清及黃照達, 為街市外牆加入了漫畫元素
[版主回覆12/04/2012 18:43:48]畫得歷史故事漫畫多，係咪個人都會友善啲
[芹回覆12/04/2012 11:08:28]見過...佢把聲重好好听添...)
[版主回覆12/03/2012 19:01:50]你見過佢真人？可以喺漫畫星光大道立像嘅，自然係唔錯啦
政府有意活化中環街市，都知道有邀請李志清等有份在街市外牆有佢漫畫，其實佢之前都有同政府合作宣傳"醉駕"，好多佢嘅大畫掛咗喺一啲當眼處，提醒司機。
程兄<火武赤龍> 1-5期剛剛post出. 在同一個網誌裡的最下方.
回覆刪除我記得李志清也有為某個香港官方機構出小冊子. 也是"非賣品".
[版主回覆12/10/2012 09:39:42]呢本好少見，見到要補返至得！
[金明回覆12/10/2012 00:20:03]是财政预算案之漫画。
[版主回覆12/04/2012 09:46:31]哦？還有一本李志清非賣品小冊子？似乎是我未見過啊！
呢度幾時變左"阿程歷史補習社"呀?!哈哈~
回覆刪除非賣品係咪即係贈品呀?
乜原來以前買書有咁多非賣品送架?唔覺既以前~
李自清先生之前我聽雪晴介紹過,原來佢d畫都真係幾靚幾細膩
[版主回覆12/05/2012 09:21:40]間中送下"非賣品"都会吸引多啲銷量架，但係成本又会貴咗
李志清我推薦佢早期嘅鬼故作品，近作可以睇下三國誌及水滸傳
得啦！下期包勁，包你仰頭祟敬，不取說半句不好
[傻豬回覆12/05/2012 00:28:32]你成日買餸架?買菜搭葱你都知.haha~
我覺得間唔中d書有附送非賣品都唔錯架,起碼會吸引d讀者及帶來小驚喜咁
你會鍾意睇李志清哪本書較多呀?推介下丫..等我得閒又去look look先
...好呀...睇下你下期有幾勁抽?!唔like就擲香蕉,蘋果,橙....kakaka~
[版主回覆12/04/2012 09:57:31]請留意下期"阿程歷史補習社"仲勁抽呀
非賣品咪即係免費派發嘅書刋或是買斤菜搭條葱嘅贈品囉！
梗係唔會本本書都有附送嘅"非賣品"啦，咁咪蝕晒本
李志清目前專係畫歷史人物故事嘅，三國誌、水滸傳、項羽劉邦、孔子...
來看到這輯關公畫像，使我想起一位小學同學，他在課室裡常常喜歡畫古代人物。其中一幅的關公像，畫得和以上這個柔和的設計不同，他畫得更為威武神氣。
回覆刪除記得當時曾經向他索取了一幅人物畫。小學後各同學分散了，但我總覺得他若不在繪畫上發揮和發展，真是浪費了他的天才。
[版主回覆12/04/2012 18:50:26]介紹的這位漫畫家單是靠畫這些古代人物，己經取得不俗成績，你說你位同學當時畫得更為威武神氣，咁佢若在這方面發展可能真係會有唔錯成績喎！
程
回覆刪除早晨呀！謝謝您的探訪同欣欣！天氣轉涼大家都要穿夠保暖衣物呀！請保重身體！
[版主回覆12/05/2012 09:56:14]大家咁話，保重身體最緊要
關雲長蓋世英雄，超凡入聖
回覆刪除非賣品免費獲得，有你著數
[版主回覆12/05/2012 21:02:08]古代英雄人物，每個都有超凡能耐讓後人景仰！
關公悲劇英雄, 中國人就是向悲劇英雄致敬的民族,悲劇英雄特多呢! 好!
回覆刪除[版主回覆12/05/2012 21:06:13]越是悲劇英雄，越能令後世人傳頌，人們都是過後才知反省追思嘅動物！
程兄look look
回覆刪除http://blog.yahoo.com/_N7TK6WXKYI4ASLGPT7VN7J5YFI/photos/1005025
[Jim Lai回覆12/08/2012 23:16:50]隨東英耀揚派嘅"古惑仔外傳"有4冊[即係陳浩南故事]
霸王玄奇我得4期？應該是爛尾
para para有3期
[版主回覆12/08/2012 11:32:37]睇咗，唔該晒！
另想請問下你：隨東英耀揚派嘅"古惑仔外傳"有多少冊？？
徐大寶霸王玄奇有幾多本？是否爛尾？
司徒劍僑戀之舞曲para para有幾多期呢？
李志清近年也有作品是非卖品，就是免费报纸内有关交通安全之广告。
回覆刪除[版主回覆12/10/2012 09:42:07]這份免費報紙我有keep返，佢啲交通安全漫畫畫得唔錯！