Google+ Followers

2013年5月31日 星期五

黄偉建。暴男

相比起黄偉建嘅"靈幻小姐"、"俠骨神鑑",暴男無疑是佢一部無咁出名嘅作品,不過在下認為呢套"暴男"劇情同故事係唔錯,只要係畫功若再好啲、投入嘅資源、助理陣容、實景再做好啲,套書嘅可觀性就會強好多,銷書量亦應不只於此!
因為上述及種種原因,套書最終都係未能為讀者接受,市場决定咗套書前途,只有短短嘅5期就完結!
"暴男"1992年玉郎出版,共分為兩輯,頭1-4期為第一輯,第二輯原訂5-6期完,但最後只能濃縮為一期完,雖然係草草完結,但相比起一些不負責任嘅爛尾作品,己經算非常有良心及道德了!

"暴男"故事係講主角傲青加入咗中國成立嘅一支擁有超能力特殊部隊訓練,最後背叛逃離咗組織而被組織派出超能力殺手追殺,大戰連場。
在第二輯故事即最後一期講到傲青逃亡到一個反政府組織嘅小島村莊內生活,政府軍派出靠吸食特殊藥物增强戰鬥力嘅"八四"部隊到小島進行屠殺清洗,傲青選擇與全島民眾共存亡.....最後,小島村民眾被特殊軍隊全部韱滅,而對方人多勢眾,傲青是絕無生機......
本書雖無提及創作嘅理念同動機,我們無從揣測作者心意,不過從套書嘅內容、故事、人物、地點,加上最後一期出版時序剛好是六月,大家或可領會作者心意?










第二輯,一期完結




主角傲青死敵,獵人




傲青决戰獵人及超能力部隊,結果兩敗俱傷,傲青被打落大海消失,第一輯1-4期完結.......



第二輯:八四部隊,傲青造型唔駛講都知似足池上遼一啲風格啦



政府軍靠吸食特殊藥物增强戰鬥力嘅"八四"部隊,"啪"藥之後無痛無傷無感情!



全島無一倖免......



最後只剩下傲青等二人,己經絕無生路.......

最後選擇......



最後篇幅......








下回預告:戇男