Google+ Followers

2013年6月25日 星期二

漢民。活屍


活屍係漢民先生怪談系列嘅作品之一,83年出版,兩期完嘅故事相對於漢民嘅作品己算是"長篇",亦係好早期以彩色印刷嘅鬼書!
編寫鬼書除了公仔要嚇得人、有氣氛之外,內容編排同講故事能力都好重要,尤其是鬼故,咁先可以感染讀者興趣,否則就算有好好嘅故事橋段而編排混亂、欠缺講故事能力及感染力,套書出來效果就大打折扣!
"活屍"就完全係一套好吸引嘅鬼書示範本!有齊所有以上須要具備嘅元素。
本性善良嘅男主角生意失敗加上失戀,於是跳樓尋死,但在跳下嘅剎那被"魔鬼"所救,從此被它控制,成為無痛無感、不死不滅嘅"活死人"..........
魔鬼控制着男主角做出種種違背心願嘅壞事,在過程中慢慢成為最有財有勢喚雨呼風嘅黑道大佬,但權力令人腐、利慾可薰心,善良嘅男主角最後被培育成兇殘邪惡嘅人,原來這一切只是一塲魔鬼嘅實驗......當魔鬼決定要離開唔再擺佈男主角時,他最終的下場會是怎樣?!

套書唔係恐怖嚇人,但係恐怖嘅係財富權力令人心變質嘅信息,一套發人深省嘅故事!







睇反以前漢民啲書格數多而細密,絕無欺塲,比較現在嘅港漫絕對再見唔到有咁密嘅格數......





享受酷刑......


變成殺人機器.....


魔鬼控制....利慾薰心、篡權奪位.....


最終變成了"魔鬼".........不過善惡到頭終須還,是本書終局......