2013年5月8日 星期三

藤子.F.不二雄。SF短篇完全版

若果睇港漫打書係令你覺得刺激興奮,咁睇藤子不二雄、安達 充嘅書我會感覺到有開心同快樂嘅感覺!例如睇藤子嘅"叮噹",你就會獲得快樂嘅閱讀元素!
而相對於叮噹、忍者小靈精、Q太郎、神奇小子這些名作,這套藤子不二雄早期嘅SF短篇奇幻結集作品,唔係太多朋友睇過,但這套超過110個短篇所結集嘅早年作品之中,有來自未來的機械人、有時光機、有小鬼Q太郎、有來自未來嘅自己,對於藤子往後嘅一連串長篇著名創作如Q太郎、叮噹、神奇小子等有一定嘅啓發性影响!所以這全套共8本嘅奇幻大全集,有如日本版嘅"怪異集",刋載咗自1968年起至1995年所有藤子嘅奇幻怪異著作短篇共112篇,應該係藤子迷收藏嘅寶鑑!
只可惜這套書香港還沒有出過中文版,只有台灣版本,而且訂價超貴,這套以書價近千元港幣從台灣托朋友購入嘅一手新書,對在下慣買二手平書黎講,己是超乎限額嘅數字,不過依然係覺得值得收藏
















SF短篇完全版112個短篇目錄+年表一覧:

1968年至1995年









以下為第1集全部作品版頭

1968年,超市超人


1969年,米諾陶之盤
在某個遙遠星球,人類變成為牛族嘅生畜,供為食用.......


1970年,我的機器人


1970年,怪傑小池先生


1970年,我佛慈悲
世上有個打不還手、駡不還口嘅濫好人先生,就如佛祖一樣,但老婆勾佬佢又會怎樣面對........


1970年,島梅先生的幸運
倒楣透頂嘅島梅先生,幸運地救了命運機器人,從此變成事事幸運......

1970年,抽鬼牌
老伯意外上了天堂,才發覺家人對他懷念,佢要求神賜他復活,究竟再次復活是否值得?!




1972年,自我會議
青年在家中遇到幾個坐時光機從未來嘅自己,他們開會討淪該如何安排、投資而令未來嘅自己過得好些......


1972年,輕鬆殺人去



1972年,預知未來
一個有能力預知未來嘅少女,究竟擁有這能力是好是壞?


1972年,換身
若果身體同靈魂可以互調,男與女身份可以互換......


1973年,小鬼Q太郎


1973年,惹人厭的傢伙


因為有成112個故事,所以版頭不能盡錄了,就只登齊第1集故事版頭

26 則留言:

  1. 題材非常吸引喎。印製好精美,程兄又入到好珍品了,恭喜!
    [版主回覆05/09/2013 11:51:15]冇錯,入面好多故事都幾吸引,這台版印製好好,不過折返港幣要成90蚊本

    回覆刪除
  2. 这套书的售价太贵了,不敢买~
    [Andy回覆05/10/2013 13:34:59]嗯!一定会买来看的~
    [版主回覆05/10/2013 10:32:13]每本雖厚達350頁,但同叮噹大全集咁厚仲差好遠,這套每本價仲貴啲!不過入面啲故事勝在好多未睇過!
    [Andy回覆05/09/2013 22:20:21]页数没有哆啦A梦大长篇和大全集多,但是还是值得藤子迷买来收藏的,等买完了大全集和大长篇再考虑购买。。。
    [版主回覆05/09/2013 11:53:53]見到信和都有一两套,要賣成$800,真係好貴!不過係藤子好早年作品,都要破費了

    回覆刪除
  3. 藤子老師早年短篇,好多精彩創作!
    [版主回覆05/09/2013 11:55:41]係!入面都係佢早年作品,99%係68年到80年代初作品!

    回覆刪除
  4. 單看到你介紹那頭幾集的內容就已夠吸引了。
    不知每一集的故事有多少篇章呢?
    而你講要過千元的書價,如有超過百多篇漫畫,我覺得是值得買和有收藏價值。
    [版主回覆05/10/2013 10:38:14]咁又係!諗諗下其實有啲港漫什麼特別版,內容同普通版一樣,只係封面唔同,就賣成100蚊,得30幾頁咋,真係咁揾笨!買返呢啲好過啦
    [如心●恕也©回覆05/09/2013 17:20:53]唔貴,如果我喜歡,再貴些我都會買,況且又大本,故事又多,計起上來你有賺呢!
    [版主回覆05/09/2013 11:59:47]共8本書,每本厚達350多頁,有112篇短篇故事,大部份都係佢68年-80年代初怪異之作,近100蚊本,若係鍾意睇藤子嘅都ok啦!

    回覆刪除
  5. 相信都唔少港人睇藤子不二雄的作品成長~~
    [版主回覆05/09/2013 12:01:50]我諗冇乜邊位朋友細個冇睇過藤子先生嘅叮噹Q太郎忍者小靈精啩!

    回覆刪除
  6. 你估攞去賣值唔值錢嗱?
    [版主回覆05/10/2013 12:43:39]唔知你先生果啲50年前係乜嘢書,不過例如妳所講嘅"兒童樂園", 都係30年前書,依家分分要7、80蚊先買到一本
    [阿黃!回覆05/10/2013 12:28:10]唔怪得知, 我老公50年前的幾箱"學生XX", 類似"兒童樂園", 一搬出來, 垃圾佬馬上過來口甜舌滑, 話幫我運去垃圾站, no problem, 幫女人, 唔收錢禾! 死佬!
    [版主回覆05/10/2013 10:41:29]嗱,新書就唔值錢,但舊書就唔同咁計,要睇下你個仔儲嘅係乜嘢書、有幾多年歷史架!
    [阿黃!回覆05/09/2013 13:35:53]咁好浪費禾! 我仔都有很多, 擺係屋企都成問題.
    [版主回覆05/09/2013 12:04:03]新書拎去賣都唔值錢架,當二手書收俾200蚊都唔知得唔得

    回覆刪除
  7. Love it..
    [版主回覆05/10/2013 10:42:51]

    回覆刪除
  8. 日本漫畫家一般最好看的就是短篇故事。
    [版主回覆05/10/2013 10:46:11]冇錯!日本嘢就算係大長篇幾十集都好,都係一小段落一小段落咁,感覺上故事唔會拖長容易睇啲!

    回覆刪除
  9. 我覺得藤子既短篇比手塚既仲好睇
    [版主回覆05/10/2013 10:48:26]我覺得差不多啦,好接近,兩個啲短篇都幾好睇,都係此中高手

    回覆刪除
  10. 這可是好東西,我自己只能找到兩本《藤子.F.不二雄少年SF短篇集》(香港青文),不知有多少編同時收錄在這個版本呢?如「偷取未來的人」等
    [版主回覆05/10/2013 10:53:12]少年SF短篇集只有兩本!不過仲有異色短篇4本,至於有幾多係收錄在這個全集之內,我會在介紹以上幾套書嘅時候作個詳細嘅比較同報告!

    回覆刪除
  11. 好多漫畫書!
    [版主回覆05/11/2013 11:38:02]舊漫畫係一種回憶,都係留下好啲
    [赤煉仙子回覆05/10/2013 17:42:20]我扔掉了,將睇番都唔得。
    [版主回覆05/10/2013 12:45:10]呢度乜都冇,只有漫畫書

    回覆刪除
  12. 吳獅皇(Assemby)2013年5月10日 下午3:13

    朋友,午安。藍田傳說(2)-《消失了的第9座》~第一個傳說已經寫成了。歡迎到訪瀏覽。在此謹祝各位週五過得開心愉快。
    [版主回覆05/11/2013 11:34:54]一陣去睇睇,週末愉快呀

    回覆刪除
  13. 最鍾意忍者小靈精~~
    [版主回覆05/11/2013 11:39:55]係一套好開心嘅漫畫,我都好鍾意!

    回覆刪除
  14. 祝您和家人母親節開心愉快。
    [版主回覆05/11/2013 11:41:21]大家咁話,母親節快樂

    回覆刪除
  15. 這套我都有,但我的好你的版本不同!
    我記得好像是一套四本的!
    所有故事都好有意義,無得頂
    [版主回覆05/12/2013 12:50:53]但這四本賣平好多架
    [Jaycee C回覆05/11/2013 22:28:01]我都數過,四本加埋得五十幾個故事,的確沒你這套多!
    [版主回覆05/11/2013 11:58:02]冇錯!青文有套叫"藤子.F.不二雄異色短篇集"一套有4本,你應該係講呢一套!仲有一套亦香港青文版"藤子.F.不二雄少年SF短篇集"有2本,唔知你有冇?而我今次所介紹嘅"SF短篇完全版"亦係青文所出,不過係台灣青文,8本全集比香港嘅異色短篇故事多好多架。也請留意遲些PART 2我就會介紹更多嘅版本同短篇集
    [Jaycee C回覆05/10/2013 23:39:33]啱啱係櫃搵返我套書,係香港版來㗎!
    一套四本,青文出版社出版
    書後寫售價$30一本

    回覆刪除
  16. 經典!
    [版主回覆05/11/2013 12:00:02]這些大多係藤子30幾40年前作品,够晒歷史架

    回覆刪除
  17. 冇睇過.......... 經你介紹後有興趣找來看 ^_^
    [版主回覆05/11/2013 13:16:14]實在其他各期內都還有好多精彩故事

    回覆刪除
  18. 幾特別,包裝很精美乾淨呢
    [版主回覆05/12/2013 12:52:00]雙嬴兄對藤子也有興趣嗎

    回覆刪除
  19. 程兄真是超級漫畫迷 。
    叮噹是很多80後的偶像 !
    [版主回覆05/12/2013 12:53:17]叮噹算係最佳兒童和漫畫讀物

    回覆刪除
  20. 池上遼一粉絲2013年5月12日 凌晨1:20

    果時我都想買尼套, 但都幾貴, 所以打消左諗頭
    [版主回覆05/14/2013 12:15:43]我前幾天還見到信和一樓、三樓各有一整套8本賣,800蚊以下!
    [池上遼一粉絲回覆05/13/2013 23:38:55]信和而家有得買$99本, 攪到我又心思思
    [版主回覆05/12/2013 12:56:02]池上兄原來除池上遼一外對藤子也有興趣?這套訂價確是高了些!

    回覆刪除
  21. 題材多元化,也看出日漫勝港漫之處,無容否定。
    [版主回覆05/14/2013 12:20:33]睇返本blog雖然以港漫為主,但係介紹日漫似乎更能獲得回應,由此睇到港漫題材窄、讀者少,前途實在不樂觀了

    回覆刪除
  22. 日本版既怪異集???嘩~完全唔覺囉!
    似睇緊多部喜劇卡通片集多d喎!
    [版主回覆05/15/2013 10:15:38]真係全部唔恐怖喎,只係奇幻怪異咁!
    [傻豬回覆05/14/2013 23:36:37]但直覺應該唔會太恐怖囉
    [版主回覆05/14/2013 12:23:11]全部都係講怪異事件喎!
    不過套書真係有好多故事都好好架,正

    回覆刪除
  23. 原來還有咁多短篇,我只懂Q太郎,除了多拉A夢,他的作品就最愛Q太郎了.
    [版主回覆05/14/2013 12:26:48]Q太郎好睇呀!不過這套都有好多好正好睇嘅幻奇短篇,而且最珍貴係9成都係藤子6、70年代作品,强力推介

    回覆刪除
  24. 原來佢有畫短篇故事,真未見過呢套書。
    [版主回覆05/17/2013 12:56:43]其實佢之前出過幾套這類短篇架!

    回覆刪除
  25. 早幾日係信和見到, 個價實在太靚.

    希望文傳遲D會出Q太郎完全版啦.
    [版主回覆05/28/2013 11:32:54]信和賣價己經打咗8折囉!不過誠言都仲係太貴!
    我都勁想佢出Q太郎,仲有怪物小王子

    回覆刪除
  26. 這套貴可能因為係初版的關係,現在買會因版本不齊,書脊都唔同,你好好運,我都收唔到!
    [版主回覆05/29/2013 22:56:34]旺角信和仲見有幾套賣,睇完貴啲都覺值得,因為收錄咗唔少好睇短篇

    回覆刪除