Google+ Followers

2013年5月16日 星期四

鄭問。深邃美麗的亞細亞

台灣國寶級漫畫家鄭問,這套作品在日本講談社出版,是一套好另類嘅創作,題材好神奇,書中嘅人物奇特、各具異能,故事亦寫得相當古怪魔幻。
對於鄭問嘅畫技功力,在台灣在日本無疑是非常高評價,不過作為旁觀者兼讀者意見,在下認為鄭問老師作品流於高深刁鑽,未能普及化大眾化,欠缺廣泛性讀者,局限咗讀者羣,因此而未能令到更多讀者欣賞閱讀到鄭問作品,咁樣誠言對於擁有高畫技造藝嘅鄭問係幾可惜同浪費!
觀乎佢嘅"阿鼻劍"、"大霹靂"、以及這套"深邃美麗的亞細亞"均是叫好而未能叫座,反而在下認為以鄭問先生嘅畫功功力,若專注於畫歷史類漫畫,必定會有更高成就、吸納更多讀者羣支持,例如佢嘅"東周英雄傳"、"刺客列傳",在港台同類漫畫之中,堪稱無人能及!鄭問先生實應該朝着歷史漫畫嘅方向發展下去!
"深邃美麗的亞細亞"在下所睇嘅唔係套書嘅內文同故事,而係純從欣賞鄭問大師嘅非凡畫功而收藏本書,而作為漫畫迷、漫畫人嘅朋友,也好應該keep返套作為參考,因為值得同行"參考"嘅漫畫作品實在係好少!








 全套5本,每本厚達250頁




























雖然全部內文為黑白稿,但畫面氣勢表達同畫面豐富層次亳不弱於彩色








回應謝四哥:

喜歡求變多作其他嚐試係好,也值得鼓勵,不過唔係話須要到咁另類咁荒誕嘅內容故事先至可以表現到大師風範嘅,畢竟睇漫畫如在下般大都係平凡人,更唔係好懂得欣賞"藝術"級創作嘅學者或教授,畫神怪、畫科幻都冇問題,但係內容同故事就無謂搞到太"高深"太刁鑽,
所謂孤芳自賞,太"癖"太另類嘅漫畫,若長期如是,即使畫功、技藝再高,始終讀者羣只能局限不能普及,"漫畫"始終係要面對大眾,簡單嘅表達、普及化嘅閱讀先可以稱得上真正嘅"漫畫"!
太"癖"太另類,太"高深"刁鑽在漫畫層面上該是適可而止,所以以短篇故事嘅形式創作,我就覺得OK,一旦變成長篇就好難控制得宜了!
所以在下亦如閣下所講:希望佢只專於畫歷史漫畫,唔好再搞咁多另類題材就好了,畢竟鄭大帥所長係畫技,唔係作家,所以欣賞嘅係畫藝而唔係內容同故事!