五大鬼書之漢民直版。凶屋驚魂

五大鬼書，乃以作品知名度、銷量、畫功、期數、主筆實力、收集困難度等綜合因素總結出五套經典鬼書；
五大鬼書乃包括"怪異集"全套共570本、"猛鬼寃魂"全套共228本、"怪談"全套共165本、"靈周刋"全套共121本、"漢民直版"共35本所組成五大鬼書系列。
其中"漢民直版"，即係港漫由橫度書轉為直度書之後，漢民最先所畫嘅35本直版作品，而這35本作品全部都是在"怪異集"之前嘅漢民著作，該是漢民fans、鬼書迷、港漫收藏者必儲嘅作品！
35本分別是最早期嘅8本直版單行本一期完作品、22本漢民"怪談"系列，加埋5本漢民最長篇作品"透明人"，即總共35本書！
好多港漫朋友都知，現在揾本漢民時代嘅"怪異集"係好難，"怪異集"之前嘅"透明人"更難，而"透明人"之前嘅22本漢民"怪談"系列就更難一見，比漢民"怪談"更早嘅8本直版單行本，己入於極少見之列，
所以5大鬼書之中，以漢民直版區區35本最少，不過集齊難度在五套書之中卻只比"怪異集"略低，
35本之中其實並唔係本本講鬼故事，有啲係講科幻，有啲係講些怪異事件，不過大部份係講鬼怪，所以才將這35本統一歸納為5大鬼書之列。
我在這blog內之前己經先後介紹咗7本漢民直版，分別為凶鏡、無生命的人、透明人1-5期，詳情可以睇返本blog漢民書專欄，其餘嘅近30本直版會陸續登上。補充返啲資料；其中"凶鏡"就係漢民直版嘅第一本。
今次介紹嘅"凶屋驚魂"係最早期嘅8本直版作品之一，故事內容講述一個離家出走少女半夜去到郊外一幢舊屋內，遇到整屋都係猛鬼，
故事好簡單直接，不過聽落都覺有少少不寒而慄啦，加埋漢民處理畫面同氣氛嘅功力，咪係一本好正嘅鬼書囉

女主角遇見嘅四眼妹都係鬼

原來全屋都係鬼

原來鬼主人男孫看中女主角，遂派四眼妹引女主角入屋企圖召她為鬼新娘，好彩四眼鬼妹心腸好，最後帶她走出屋外，逃出鬼門關！

咁正嘅鬼書，梗係要多一本旁身啦