十多年前己經唔再買新出嘅港漫，只從二手市場補買入舊書便算，所以近年新出港漫基本同在下好疏遠！
若問在下現在還有沒有一本本地漫畫係願意用真金白銀付出即買嘅新書？答案係有，亦只得這一套，今期介紹嘅CUSON作品"我的港女老婆"！
CUSON，近年獨立漫畫家，背後冇一個大嘅本地漫畫公司支持，初初畫政治漫畫、插圖家，現時作品每日在報紙刋登，2010年首出單行本個人作品"我的港女老婆"，至今年己經出到第七本，本書大賣，首兩集己經絕版再加印到第三、四版，雖知這書售價絕不平宜，$68一本係本地薄裝港漫5倍價錢，兼且係內文係黑白印製，証明咗好嘅作品，有HEART嘅作品，香港一樣會有足夠嘅讀者返來支持，仲有好多人係睇漫畫、願意付出真金白銀去買新書架！喺呢個自由創作、自由出版、自由選擇嘅香港，銷量不濟嘅責任，不在讀者，而是時候該檢討下重覆拖長流水式嘅故事同作品發生緊乜嘢事？
"我的港女老婆"如何界定這套書類別？因為佢唔屬於正宗港漫式連環圖，亦有別於老夫子、牛仔王司馬嘅四格六格，只能夠說是介乎兩者之間、有些少"繪本"成份，係地地道道香港土產漫畫，
這本書嘅成功元素係貼近現實、貼近時代、貼近我們生活嘅"共嗚感"，與所有武俠打殺、江湖連環圖等脫離現實、超越想像嘅漫畫唔同，書內嘅主角生活，就係現實生活中嘅你我他！
CUSON本身嘅畫功底子己經非常不俗，畫風亦討好，輕鬆搞笑式漫畫曾有過唔少，但係CUSON嘅公仔靚、表情生動傳神，充份利用咗搞笑幽默成份之餘，佢作品更具有時代感、共嗚感！或者係正如有朋友所講，這類還未發達又獨立嘅漫畫家係特別有創意同有heart。
我的港女老婆，1-6集，加一本前傳，內容有單格、雙格、四格、5格、6格、8格、9格，也有短篇.....
這套書目前共出咗7本！
我的港女老婆前傳
黃毓民寫序：
在下當時係睇咗佢老婆這段序言而決定購買嘅
部份作品欣賞......
月曆...
下期：壽星仔漫畫最終回
照鏡同撻嘢好傳神
回覆刪除[版主回覆07/21/2013 11:22:21]肯定週圍啲女仔都有咁做，呢啲漫畫就够晒傳神
哈哈~講起咳神,真係幾偶然下,有日Lunch Time逛書店,想揾本攪笑漫畫睇下解下悶喇,宜家先知原來書名都要改得好才注目架真係,睇到港女老婆果4隻字,心諗:有幾港女?就咁開始左我第一本既癮啦
回覆刪除[版主回覆07/21/2013 11:35:43]哈哈，原來妳都係咳神fans，冇錯，改個好書名都可以吸引注目，當然內容同啲公仔都要吸引至得，但最重要係佢有一位發掘唔完而又咁得意嘅港女老婆，所以先有咁多靈感同題材發揮
MARY & PAUL在下仲未買，因為仲未見到，唔知係咪斷咗市
未睇過~~
回覆刪除要睇返！
[版主回覆07/21/2013 18:50:34]輕鬆搞笑啱晒睇，强力推荐
Cuson的漫畫適合我口味!
回覆刪除大馬畫家王德志的校園漫畫四格也是非常傳神!
[版主回覆07/21/2013 18:57:09]新一代搞笑輕鬆漫畫家王者咳神，時代感共嗚感十足，唔好錯過呀
香港應該睇唔到王德志作品
我借來睇過一本，頗有趣
回覆刪除[版主回覆07/21/2013 18:58:28]火姐都鍾意睇，証明好有市場
我老伴都好鍾意佢啲創作！
回覆刪除[版主回覆07/21/2013 19:00:31]依依另一半都咁捧場，証明咗好嘅漫畫香港仲有大把人欣賞
懷舊吓幾好
回覆刪除[版主回覆07/22/2013 10:20:39]睇咗懷舊嘅"畫時代"嘛
開開心心，睇吓四格仲好啦！
回覆刪除[版主回覆07/22/2013 10:22:08]冇錯，有時睇下呢啲四格六格....心情都愉快啲
題材食中HK主流，有意思的作品
回覆刪除[版主回覆07/22/2013 10:26:16]呢啲就係大眾化口味，有諗頭有創意有共鳴就一定有市場
近日睇一本新出綜合漫畫有CUSON參與, 畫風幾生鬼, 應該幾有前途.
回覆刪除[版主回覆07/22/2013 10:29:08]佢啲作品遍地開花，報紙、雜誌、漫畫、網上....出晒，有排畫
未買過嚟睇,但就係圖書館睇過幾期,的確唔錯的漫畫,而且好感受到他有老婆頂力支持,因為他太座願意成為佢題材作品,好壞都可以寫,唔係個個都願意,所以話佢老婆係達人人妻,唔係港女也.
回覆刪除[版主回覆07/22/2013 10:36:00]吓！圖書館都有？？犀利！
佢太座都係鍾意佢呢啲才華咋！我諗佢都好願意同配合Cuson，將生活上小節同舉動以誇張少少手法畫出來，除咗可以賣書，都係一種生活情趣
就咁睇這些節錄...都幾好笑~~這港女/男的行為...都是這個年代的產物~~
回覆刪除[版主回覆07/22/2013 10:39:23]讀者幫襯，其實就係自己睇返自己啲行為，大家都有過同樣遭遇同樣嘅應變，所以呢啲書咪啱晒大家口味囉
昨日都有重溫...
回覆刪除[版主回覆07/22/2013 11:04:20]原來明兄都有睇估唔到睇過嘅blog友真係唔少！
香港仍有畫出彩虹 !!
回覆刪除[版主回覆07/22/2013 18:44:12]冇錯！只要係好嘅作品，香港仲可以畫出彩虹！
哈哈,又幾過癮
回覆刪除[版主回覆07/22/2013 18:45:50]這些只係其中一本嘅其中幾篇！
回覆刪除[版主回覆07/22/2013 18:46:05]
好睇
回覆刪除[鐵人回覆07/23/2013 15:45:48]未睇過呀,睇你個d乍
[版主回覆07/23/2013 14:18:52]有冇睇過呢
以CUSON實力也要等到四十歲後才真正成名…
回覆刪除[版主回覆07/23/2013 14:22:02]相信好嘅嘢遲早都會出到黎唔會一世被埋沒
要咳多幾聲至得。
回覆刪除[版主回覆07/23/2013 14:22:35]別號"咳神"
都幾有代入感~~
回覆刪除[版主回覆07/23/2013 14:24:22]完全寫出咗身邊人至真實動態
畫得同佢老婆形像一模一樣，維肖維妙
回覆刪除[版主回覆07/24/2013 13:02:11]漫畫主角同佢老婆其實真係好似，佢畫人像漫畫化有一手！
佢D漫畫真是超搞笑又過癮,他有一本叫毒男什麽的,程兄有沒買?
回覆刪除[版主回覆07/24/2013 23:19:15]毒男手記！有買，都好好睇
又幾過癒喎~!!
回覆刪除[版主回覆07/25/2013 19:29:42]畫得非常低死一針見血架
好似幾得意！
回覆刪除[版主回覆07/25/2013 23:14:27]直情係好搞笑啦
我都係書展見到~證明好多人都好有共鳴
回覆刪除[版主回覆07/25/2013 23:18:08]報紙、電視畫時代都有介紹佢啲書，證明影響力唔細，希望佢繼續努力，更上一層樓！
幽默化的兩性戰爭
回覆刪除[版主回覆07/26/2013 11:05:58]係！對抗得黎又不激烈，只係輕鬆低死
haha~ 好生活化嘅内容，贊！
回覆刪除希望呢邊 *有朝一日* 都可以買到來睇
[版主回覆08/03/2013 12:21:36]如果係好睇、有市場價值嘅，其他地區都有機會出，希望第日你嗰邊都買到啦