賭書漫畫當中最長壽嘅一套，就係由司徒劍僑、永仁所畫，自由人出版嘅"賭聖"，全書共158本，從91年開始，連載長達三年多。
套書乘住賭片個勢，瞬卽成為"自由人"創業期皇牌出品之一，果時率先以一連串明星畫像作為每期賭書封面，令人印像深刻，也是賭書標誌，吸引到唔少青少年追星族購買偶像封面而成為當時受歡迎嘅港漫之一！
套書除了由劉定堅編、司徒劍僑、永仁畫嘅"賭聖"故事之外，每期還加插唔少專欄、短篇漫畫、專訪等等，插圖、專欄圖片及專訪等等，皆由黃國興負責，而且係做足158期，所以收藏興豬作品嘅朋友都唔好錯過這套書。
"賭聖"一書可謂見証咗"自由人"最風光嘅出版歲月，當中裡面最精彩首當係睇劉定堅專欄"漫畫企業"一路吹水超過150期，意氣風發踩盡玉郎、小寶、馬sir及其他同行出版唔惦，當時得勢當然係有風駛盡悝，若然現在睇返認真得啖笑
賭聖全部158本封面：
首創以一連串明星畫像作為每期賭書封面，剩儲啲明星漫畫封面都值回票價啦(唔同玉郎漫畫Q版果隻)
明星封面自76期後改為"龍珠"化，故事亦開始行"科幻"同"龍珠"路綫
 |
158完結篇
專欄：
爛賭情聖 4-23期賭聖連載，黄國興插圖
漫畫企業 8-155期賭聖連載，文：劉定堅，黃國興插圖
肥豬豬專欄 108-158賭聖連載 黃國興圖、文
劉定堅，漫畫企業
爛賭情聖，黃國興、大衛兒插圖
北条 司專訪，100期刋登
黃國興專訪狄克，109期刋登
黃國興專訪司徒劍僑、永仁，110期刋登
黃國興專訪馮志明，111-112期刋登
黃國興專訪文敵，117-118期刋登
黃國興專訪林謂康，121期刋登
黃國興專訪永井 豪，131期刋登
黃國興專訪柏迪 ，154-155期刋登
部份短篇漫畫連載：
黃國興短篇，24-26期，120期
不須要愛情，黄國興
甘小文短篇，65，68-69期
永仁、吳迪生短篇，23期，我要變超人
賭聖海報篇：
補映返"百份百感覺"全部十本小說版
http://blog.yahoo.com/_AIJTCUABVJ56MSVGALLVUP2MBA/articles/1194452/index
当年都被漫画的封面吸引住了，可惜马来西亚发行的香港回书不多，有时买到有时买不到，只买了前面几期就放弃了，后来也买了几本合订本来看。陆伟昌先生的喷笔封面真的是一绝，很值得收藏，如果有机会出画集就好了（可惜自由人已经不存在了，原稿可能也不知去向了），很想问问现在的漫画封面上色大师，电脑真的能代替喷笔吗？？？
回覆刪除[版主回覆07/18/2013 19:00:40]現在咁樣市道下，好多漫畫都唔會再出復刻或合訂本了，這樣反而令以前套裝舊書越來越貴了
[Andy回覆07/16/2013 10:43:09]是啊！所以很多漫画都是断头断尾的，有机会还是买合订本比较划算，可惜很多经典港漫连漫画出版社自己都没有了原稿，有机会再版的港漫都是盗版级别质数的复刻版，唉～
[版主回覆07/15/2013 09:46:23]代理漫畫最唔好係中途出版，冇頭冇尾咁真金白銀追看，都幾揾笨！仲要出幾期就爛尾，行為認真唔要得！
訂購就肯定貴好多，所以除非係好值得收藏嘅書才會考慮吧！
[Andy回覆07/14/2013 12:52:37]其实马来西亚有公司在1990年代理过自由人的漫画，可惜是从中途开始出版，还改了书名，最终出版了两三期就没再出了，想储自由人的漫画唯一的办法就是向书屋订购，价钱就很贵了，记得93年薄装港漫订购价约马币7.00左右，约等于港币21.00左右，当年港漫卖港币10.00～
[版主回覆07/13/2013 09:53:10]今時今日美指好過做漫畫啦！劉定堅漫畫編劇確有一手、講嘢同寫嘢亦都好得，可惜最後太過急功近利，勝利冲昏腦袋，急速棚脹發展，前途光明形勢大好嘅"自由人"，落得一則塗地，我諗佢會畢生銘記遺憾，現時唔知去咗邊
果時自由人大量出書及新品種，馬來西亞都唔能夠代理到咁多新出品吧，我諗若要儲齊這些書，非得當年親自到港選購或叫朋友代買了
[Andy回覆07/12/2013 11:38:23]陆伟昌先生已经转行当电影美术指导了，自由人不存在了，很多原稿也不知去向了，相信出画集的机会也不大了（要问问兴猪），单看封面就已经值回书价了，剑侨那段时期的画都很不错，看刘定坚的专栏也是一大享受，记得当年也有出席他在吉隆坡举行的讲座会，他真的很现实，讲的也很很精彩，香港漫画确实需要他这类人当编剧。
相信发行到马来西亚的数量很少，当时没有马来西亚出版社代理自由人的漫画（相信和黄玉郎有关吧！），所以报摊经常都断书，我也是这个原因而放弃购买，92年还有出版社代理过这部漫画，可惜印刷发行了几期就没再出版了（有随书附送封面海报的那几期）～
[版主回覆07/11/2013 23:00:15]此書原來去到馬來西亞數量不多？當時自由人沒有足夠供應量到馬來嗎合訂本似乎只出到七、八期，其實在下都覺得此書先別管內容如何，單儲封面、睇劉定堅專欄、睇短篇故事，都幾精彩，何况以賭為題材嘅港漫不多，這套便是當中代表！
陸偉昌先生當年噴筆畫甚佳，現時不知何在？出畫集機會看來好微了！
Ｄ封面畫功都好好囉！
回覆刪除[版主回覆07/11/2013 23:01:52]當時就係唔少人因為封面吸引買此書
當年這些賭片真是熱爆....
回覆刪除[版主回覆07/11/2013 23:02:45]都係多得發哥同星爺啲賭片
當年睇過十零期, 後尾停左, 再隔一輪唔知點解, 變左龍珠. 好奇怪嘅一套書.
回覆刪除[版主回覆07/11/2013 23:09:58]哈哈，此書由賭變成好科幻嘅龍珠版，睇怕都係因為當時"龍珠"熱潮太勁，不得不抄橋！
那時還未盛行電腦繪圖，軟件加工。不知“封面”屬那類作品 (水墨畫？廣告彩？油彩？)
回覆刪除好多幅畫婫美相機鏡頭下“沙龍作品”。
[版主回覆07/13/2013 10:03:10]當年就係咁用靚靚嘅"噴筆"加明星封面吸引讀者購買的！
[aaa回覆07/12/2013 23:42:55]嘖筆畫
開頭好地地,邊個將本書改到變龍珠架?
回覆刪除[版主回覆07/15/2013 09:39:50]完唔完都未必係佢話事，劉定堅作主，龍珠版都係畫多幾十期，算啦
[aaa回覆07/14/2013 14:29:43]咁就應該完左本書吧
原來搞壞本書既人係司徒劍橋
枉佢係世代管轄戶部既司徒氏後人
[版主回覆07/13/2013 09:56:30]改到龍珠咁己經係"賭聖"第二部故事，可能套書太長篇己經冇晒賭橋，惟有變成龍珠版出落去！
最多偶像封面香港漫畫
回覆刪除[版主回覆07/13/2013 09:58:33]四大天王、星爺發哥超級巨星出到齊，淨收集明星漫畫封面都正啦
這個系列我睇的唔多,但當中不乏輕鬆笑料.
回覆刪除[版主回覆07/13/2013 10:00:03]搞笑料應該係取經自星爺嘅笑片
果時自由人真的意氣風發, 呢套我自己只係睇過一d, 不過後期好似變了龍珠式格鬥?
回覆刪除[版主回覆07/13/2013 10:09:54]一貫劉定堅風格，鋒芒太露，出書品種己超過同期玉郎，但勢估唔到最早摺嘅就係自由人
係後期封面都知，成套龍珠咁款
我想請問, 你到底收藏了多少漫畫?
回覆刪除你的收藏, 似乎多得令人驚訝呀,
[版主回覆07/19/2013 10:58:01]當然可以了，不過有時要摷某本書都間中會揾餐死
[蝶兒回覆07/18/2013 23:52:06]你平日是否隨手可拿來看?
[版主回覆07/17/2013 21:08:14]港漫通常十本入一袋，50本就扎成一"舊"，都唔難儲！日漫就當然厚厚地細細本更易存放於書架，不過日漫舊書價值喺香港冇港漫咁值錢架，現時發行量又越來越少，儲返啲將來會保值嘅
[Derek回覆07/17/2013 10:10:16]程兄是真利害, 自己感覺港漫好難存. 日漫厚厚地一本, 多左放係書架, 很多時易D有自豪感, 都唔捨得掉. 港漫雖然薄裝, 但很多是周刊, 一年已經50多本, 放又唔方便, 以前長睇時, 十來廿本便想清左佢.
[版主回覆07/15/2013 09:48:35]咁又唔駛咁大地方，啲書叠到上天花頂都可以儲到好多
[蝶兒回覆07/14/2013 17:19:25]那你家中一定很大, 要放如此大量漫畫啦,
[版主回覆07/14/2013 10:27:36]七、八年前大約計過約為數萬，至今己經放棄盤點了
由賭俠變到龍珠? 故事大改動?
回覆刪除[版主回覆07/14/2013 10:29:18]第一段故事完咗，就大變身成龍珠咁
嗰時睇咗一半唔夠，就冇再睇。
回覆刪除[版主回覆07/14/2013 10:30:50]套書算係好長篇，好多朋友都未必跟足睇齊咁多期
雖然無里頭變龍珠, 但係都直接成就左日後劍橋"超神Z" 嘅風格.
回覆刪除[版主回覆07/16/2013 10:39:28]以前劍橋畫風完全受日漫影響，當時"龍珠"大熱，"賭聖"變成"科幻龍珠"，最後索性畫埋全科幻嘅"超神Z"
當時專欄講會用銀狐這角色出書,可惜最後無出
回覆刪除[版主回覆07/17/2013 21:11:59]因為套賭聖己玩到水尾，預料就算出銀狐這書都未必賣得，索性專心做"超神"好過
程兄好大的工程哦!
回覆刪除當年本書的明星封面我愛不惜手!
[版主回覆07/19/2013 11:02:05]冇辦法！但為咗表示對套作品尊重，除非是我沒有的，否則都會登晒全套封面。
當時套書明星封面係賣點之一