Google+ Followers

2013年2月8日 星期五

上官小寶。小醉仙-恭喜發財!

上官小寶嘅著作小醉仙,算係小寶唯一輕鬆搞笑諷刺時弊嘅得意作品,同黃玉郎小儍仙打正對台,但係都一樣咁受歡迎!這本因應賀年而出嘅"小醉仙"恭喜發財精選,一期完,可能係最早為賀年而推出嘅輕鬆漫畫,喺2013農曆年前睇返這本70年代過年出嘅漫畫書,亦唔會太覺得脫節!
本書以輕鬆搞笑諷刺時弊,有多個故事組成,分別為:破產記、食貴米、記者生涯、乜都講水$,淨睇返這些標題,大概都知道內容講啲乜啦,呢啲漫畫所描繪嘅,到今時今日時代雖然係進步咗,但其實我們今日所面對嘅生活、民生問題原來都係同40年前冇乜大改變
勾起回憶、反映時弊、見証時代,實在呢啲就係一本好漫畫所存在嘅價值同意義,唔知現在嘅漫畫可唔可以做到咁樣呢?咁唔知呢啲舊漫畫又會勾起大家一些什麽滋味與感受呢?
祝各位新年快樂、心想事成,恭喜發財









本書除咗喺搞笑諷刺時弊之外,每篇結尾還有最精最押韻嘅結後語,真係超正,例如:有馬亦難、冇馬亦難,行雲駕霧,冇咁煩!