2012年6月28日 星期四

李志清。驚神、烈神

李志清早些年憑三國誌、孔子論語成為極少數港漫畫家成功打入日本市場者,成為"歷史漫畫家",更可以喺漫畫星光大道打手印......
其實我係比較鍾意佢啲初出道時嘅作品多啲,尤其是係"怪異集"同"猛鬼冤魂"內連載嘅鬼故作品,真係好正!佢畫鬼故事比起畫其他類型題材更勝一籌,只係依家再無鬼故類市場
而佢出道至今,除咗有大量短篇鬼故事連載於"怪異集"、"猛鬼冤魂"等書內之外,其後都出咗成180本個人作品,而且大部份都係成百多二百頁嘅精製書,所以佢啲嘢要儲都幾多下!
驚神、烈神係清兒較早少少喺90、91年時嘅簿裝單行本較神怪武俠式作品,題材與他其後嘅個人作品都很有些分別。

驚神,全套12本,1991年作品













內文及驚神月曆...









烈神,2本,1990年作品









下回預告:七月,除咗係回歸月之外,亦係牛鬼蛇神齊出籠,七月猛鬼書月,本blog將全部以港漫日漫鬼書為主,一套套冷門少見鬼書拎出黎分享下,下回打頭陣係港漫鬼故之皇漢民

6 則留言:

  1. 唔敢話李志清得奬作品好唔好,不過如果三國係香港市場的話,相信半年就收皮,又,佢以前啲畫好好多,三國我差不多睇晒,但畫功不及當年之餘仲少咗彩稿。
    [版主回覆06/28/2012 22:22:17]佢以前啲畫好好多,絕對同意!射雕、三國、笑傲啲畫退步咗,估計係因稿量多咗而至質量下降。以前啲短篇作品可以有多啲時間燃靚啲!

    回覆刪除
  2. 睇到 D 書左上角的 logo,不免又諗起嗰個年代的漫畫歲月,快樂的童年時光
    往事如煙,舊情如夢
    [版主回覆06/28/2012 22:24:53]若果回到小流氓、李小龍時代就仲開心啲

    回覆刪除
  3. 清兒有出過180本書咁多
    [版主回覆06/28/2012 22:32:46]咁計一計:射雕38本、笑傲江湖26本、烈神、驚神14本、三國誌29本、項羽劉邦10本、孫子攻略10本、水滸傳16本、孔子6本,這裏己經150本喇,而且多數係近200頁精裝本,仲未計其他一兩期完嘅書、若計埋佢啲畫集就仲多

    回覆刪除
  4. 舊嘢始終令人點味多D!
    [版主回覆06/30/2012 12:19:45]舊嘢係讓人有更多回憶,所以好多人大個會比錢買返以前啲回憶

    回覆刪除
  5. 清兒係後期怪異集,寫過一期完既青蛇.........幾正..........
    [版主回覆07/03/2012 11:16:05]清兒係怪異集前中期內都有唔少鬼故都唔錯架!仲有"猛鬼冤魂"都有大量清兒鬼故作品

    回覆刪除
  6. 仲有鐵將同英雄呀
    [版主回覆07/03/2012 11:17:09]幾乎唔記得佢都有畫過中華英雄同鐵將縱橫添!

    回覆刪除