2012年5月21日 星期一

上官小强。元祖壽星仔(小龍牌)

這是一套比"玉郎牌"正宗"壽星仔"更早出版嘅元祖小龍牌"壽星仔",睇下我個嘜頭頭像都取自這套書封面,就知係好嘢啦
這套小龍牌"壽星仔"約於1975年出版,近40年歷史,套書有幾犀利?因為連當年還未入行嘅馬榮成、馮志明、黃國興等統統係這套書嘅fans,當年佢哋都還未入行,仲以讀者嘅身份多次投稿這套書內嘅"讀者園地",佢哋嘅投稿同評分,都刋載於這套書內,可以講係佢哋嘅最早登場作品無疑!

有否發現旦凡改"上官"姓氏的都會成為畫壇成功人物?上官小龍、上官小寶、上官玉郎、上官小威.....
而其中上官小强真係好犀利,從2毫子細書開始己經見到佢老人家大量作品,後又有一套壽星仔從橫版書時代開始一路畫到直版,共畫至541期才完結,可以與龍虎門李小龍兩套書同時代而又這麼長壽的,就只有"壽星仔"!
"壽星仔"分別有小龍牌同玉郎牌;這套小龍牌更加係元祖"壽星仔",應該共有20多期,係喺玉郎牌541期嘅正宗"壽星仔"之前出版,所以公仔上還是比較幼嫩,但正正是如此才更加有味道!
小龍牌"壽星仔"可以由直度書過渡到橫版書,己經係港漫之中絕無僅有嘅例子,加埋期後玉郎牌"正宗"壽星仔"又由橫度書時代過渡到直度書,可以經歷到咁樣嘅香港連環圖轉變過程者,除壽星仔之外,又係只得小流氓龍虎門同李小龍可以做到!
這套小龍牌"壽星仔"其實肯定比"玉郎牌"正宗"壽星仔"更有歷史同價值,不過玉郎牌"壽星仔"因為讀者更加廣泛、名氣更加大,早期嘅玉郎牌橫版"壽星仔"亦非常罕有了!


元祖小龍牌"壽星仔"直度書連橫版書共20多期,約於1975年出版,我這裏去到第25期,唔知有冇大哥知道這套嘅確實期數呢?


























最鍾意這套書花花碌碌嘅封面設計,够晒鮮艷搶眼



1-14期直度書,都有成9成新架,所謂界手貨,因為太耐,好容易吹彈得破,驚一揭分分鍾甩頁,只今次因為101期先拎出黎架,之後就會一直封存唔會再攞出黎啦



少少內文....












睇返當年一啲後來成為畫壇猛人嘅當年部份投稿作品......

鄧本邦



 黃國興,當年亦只係讀者,但肯定係上官小强fans,因為佢有不斷投稿,其中兩幅.....
興豬啲評分好高架,分別有95同94分!



馬榮成都有投過兩三次投,以"馬雲龍"做筆名,這幅登在這套"壽星仔"內嘅作品,極可能係佢最早登場嘅作品囉



漫畫人温紹倫都有份投稿,七金剛、小魔棍畫得好正


最後登埋馮志明當年讀者時期嘅投稿作品,分數、評價亦好高!



徵求:這套書嘅橫版我還差幾期未齊,我嘅欠書若有朋友有多或手上得一兩期,而肯讓給在下,會不勝感激!交換書或購買都有商量架,請聯絡本人喇


下回:司徒劍僑絕早期個人作品!





21 則留言:

  1. 這是勁嘢、好嘢
    而家全套元祖小魔神,有錢都可能買到。呢套元祖壽星仔,卻是一本都好難搵⋯
    [李大雞 Adam回覆05/23/2012 00:10:03]係!係!係!
    我記得衛兄提過我⋯
    一拖多年,甚感抱歉!
    衛兄,放心,我好快貼出嚟,一定唔使你再等幾年㗎
    [衛斯理回覆05/22/2012 23:18:49]程兄~套書我己經等o左癲人兄幾年啦~~~~!!!!!
    [版主回覆05/22/2012 13:53:03]唔記得咗上官玉郎/顏文健版小魔神我都有幾本嘅,但己經唔知攝咗去邊,同埋因為唔太齊所以唔想POST上黎咯
    [版主回覆05/22/2012 13:45:44]都話你收埋啲好嘢啦!咁你快D貼出黎喇!冇人有你咁齊架
    [李大雞 Adam回覆05/22/2012 12:39:21]咦!龍兄、程兄,咁橋嘅!呢套上官玉郎版小魔神我卻是有全套,以我所知,係有10期。
    當初我寫漫畫網誌,有預告要貼出,後來見各位大佬D收藏咁勁,我D小兒科藏品都唔敢貼出嚟,我嗰漫畫網誌隨即收檔
    等我貼出呢套書,癲雞漫畫網誌重出江湖,湊下熱鬧
    [版主回覆05/22/2012 11:04:19]上官玉郎/顏文健版小魔神好似有4期定5期
    [龍 Wing Lung回覆05/22/2012 10:55:15]上官玉郎/顏文健版小魔神應該難搵過元祖版.
    [版主回覆05/21/2012 18:53:58]我喺雙贏兄個blog見過,除此之外都未曾喺第度見過咯。相信尤其係前面嘅1-14期,想揾返一本都唔容易架

    回覆刪除
  2. 証明我還後生..一本都未睇過╮(╯3╰)╭.......其實可惜我一本都無(┬_┬).
    [版主回覆05/22/2012 10:25:39]未睇過唔出奇架!連馬榮成、馮志明、黃國興當時都仲未入行,仲只係讀者咋!

    回覆刪除
  3. 正呀,好多都未見過呀,真正漫畫書達人呀~~~
    [版主回覆05/22/2012 10:30:41]呢套嘢唔錯架,啲公仔又好鬼得意!係果段時期嘅歷史見証

    回覆刪除
  4. 細個係後巷飛髮時有睇過壽星仔, 好懷念~
    [版主回覆05/22/2012 14:02:14]壽星仔絕對係惹笑連環圖經典,冇得頂!

    回覆刪除
  5. 真係好鬼怀念這个壽星仔,轉眼又過左幾十年!
    [版主回覆05/23/2012 10:49:27]又係同道中人!壽星仔真係超有懷舊feel,一睇到啲封面就有好多回憶囉

    回覆刪除
  6. 壽星仔咁細個就扯煙........無語.
    之前文傳好似出過一套上下集細本裝"壽星仔",
    而家都好難搵.
    謝分享.
    [金明回覆05/24/2012 01:03:34]文化傳信出过两本精装《壽星仔》,可能尚有存货,不妨致电问问。而精装、复刻版往往会在漫画展之特价区出售。
    [版主回覆05/23/2012 10:53:50]講粗口、扯煙、老積、搞笑,係壽星仔人細鬼大嘅表演手法!
    一套上下集精裝"壽星仔",間中都仲見到在得賣架

    回覆刪除
  7. 진짜서울사람2012年5月22日 下午5:13

    初夏的天气。是一年中最好的季节。
    每一个在汉城的街道满是芬芳的玫瑰。
    我的绰号是真正的人民在汉城。
    Happy always...
    [版主回覆05/23/2012 10:55:30]多謝光臨

    回覆刪除
  8. 壽星仔可謂港漫史上版權歸回作者的奇蹟~~盡管出版社不同,小強老師也可帶來帶走~~~~
    [版主回覆05/23/2012 10:59:17]係,小龍牌、玉郎牌兩套書都可以以"正宗壽星仔"做書名,醒!不過小強本身都算係畫壇奇蹟啦!

    回覆刪除
  9. 壽星仔,笑漫至尊,無可取締!
    [版主回覆05/23/2012 11:03:18]無錯!我諗除咗老夫子之外,搞笑漫書無出其右!但嚴格上黎講,真正最長壽嘅搞笑連環圖只得"壽星仔",老夫子只算係四格、六格漫畫!

    回覆刪除
  10. 呢個童年回憶冇我份
    [版主回覆05/23/2012 11:11:07]同阿癲 嘅年代可能唔太啱啫。不過畫作或漫畫呢家嘢,都係欣賞為主,在什麼時間見到或遇到唔係問題

    回覆刪除
  11. 兩年前...將1-4期換左本「黃玄生」返來(補$給我)。而家重有本15期(第一本橫版),又係想換「黃玄生」,哈哈哈!
    [版主回覆05/23/2012 23:10:27]大哥呀!黃生啲書就算有都唔會keep多一本喇,點換比你呢?仲要二角子仲要你冇果D?咪講笑喇
    [yan回覆05/23/2012 16:55:52]唔需要一定「黃玄生」,「黃玉郎」都可以,但要二角裝(我無最好),我補錢比你又點話!
    [版主回覆05/23/2012 11:30:29]老實講,呢套嘢真係幾值得收藏,換轉係我,就真係要睇下係邊本"黃玄生",值唔值得先至會換囉。不過yan兄作為黃生嘅頭號收藏家,我都明白嘅
    原來你有本15期

    回覆刪除
  12. 我都係保留幾本四百幾期壽星仔,....因為有我當年投四格,....
    [版主回覆05/23/2012 23:19:45]因為這套期數太多,我都唔會近期POST,不過到時你放先我放先都冇所謂,各自有唔同演譯啫
    [日月明回覆05/23/2012 23:03:11]thx,我都有想過登出來的,但唔會係最近放...
    [版主回覆05/23/2012 22:50:40]放心,這些期數我統統都有,到時一定登晒你啲大作出黎
    [日月明回覆05/23/2012 22:40:22]408,424.429,456.459,.445,449,481,487
    我用(猶秲)的筆明
    睇下你搵唔搵到
    [版主回覆05/23/2012 11:41:05]吓?四百幾期邊啲確實期數呀?等我第時寫"壽星仔"時摷返你啲投稿比大家欣賞下

    回覆刪除
  13. 有没有九十年代初《GAMECLUB》?部份期数有寿星仔。
    [版主回覆04/04/2013 23:23:59]我要揾返黎睇睇
    [太陽之牙回覆04/04/2013 22:21:33]有唔少80後唯一接觸過壽星仔就係在九十年代初《GAMECLUB》~
    [版主回覆05/24/2012 01:15:59]《GAMECLUB》????唔知有出過壽星仔

    回覆刪除
  14. 猛料,終於出嚟啦,鼓掌
    [版主回覆05/25/2012 09:58:36]仲有大把未出,慢慢黎

    回覆刪除
  15. 讀者時期的漫畫家們都已經有這麼好的水準. 該他們成功!
    [版主回覆05/25/2012 18:33:15]留意新書"石黑龍傳",小强又有畫嘢喇!
    [偉回覆05/25/2012 13:48:17]Albert兄,聞說壽仔有搞作呀,要留意!
    [版主回覆05/25/2012 10:06:39]睇佢哋果陣時咁積極投稿嘅熱情,唔係一般人可以做得到,後來就真係比佢哋入到行,仲係漫畫行佔一席位,唔知佢哋各位仲記唔記得當年畫畫投稿嘅情景呢?現時還有沒有當年心中嘅一團火呢?

    回覆刪除
  16. 勁到無倫,支持小強,支持壽星仔,支持程兄
    [版主回覆05/26/2012 11:36:57]暫時只知佢會喺這本書內畫嘢,其他冇乜消息
    [偉回覆05/26/2012 07:35:06]可惜這本新書我一定唔會睇.....咁小強仲會唔會出新單行本?我見福龍本書有講佢會有嘢搞。
    [版主回覆05/25/2012 18:35:27]上官小强同壽星仔,喺新書"石黑龍傳"又復活喇

    回覆刪除
  17. 好珍貴 !! 希望上官小強老師會重出壽星仔漫畫 !!
    [版主回覆05/27/2012 22:11:23]好多人都望穿秋水架,希望佢老人家再畫多少少啦!

    回覆刪除
  18. 如果我有一本都已經瞓唔著啦~
    你仲咁多本, 犀利!!
    [真中淳平回覆05/29/2012 10:58:39]多謝你花時間睇睇~~hehe~~
    [版主回覆05/29/2012 10:30:50]各有喜好啫,啲簽名版都幾有價值,都好多人鍾意架
    [真中淳平回覆05/28/2012 11:02:05]我好內冇更新啦~因為post 相好慢好唔方便, 所以張我的所謂收藏放上facebook了
    haha, 我d板都係普通料, 見唔到大場面, 見笑了
    [版主回覆05/27/2012 22:13:45]依家想揾返本都難矣!
    但你啲簽名版都好吸引呀

    回覆刪除
  19. 如果這個版本的壽星仔有複刻就正了…雖然係絕對完全冇可能!
    睇馬SIR1975年的投稿,那會想到3年多後他已寫出《風流》,進步驚人!
    [版主回覆04/04/2013 23:28:03]真係絕對冇可能了!
    馬sir畫功果時真係有好大嘅進步,努力之後也得到極大回報!

    回覆刪除
  20. 好很正!!!!!
    [版主回覆04/27/2013 10:36:19]我個嘜頭都用佢

    回覆刪除
  21. 強記接受訪問, 說最初阿壽是寫成神仙那樣的 (像小傻仙), 但看其後版本, 又不覺有這跡像, 會否是在這元祖版中的情況?
    又是強記訪問, 他說自己是畫1亳子漫畫出身的, 你這裡說是自2亳子起, 是否即他有比你收藏的更早期作品?
    [版主回覆05/23/2013 17:07:07]元祖版又唔覺是寫成神仙咁喎!
    小强嘅第一本個人作品"摔角小霸王"己經係2毫子啦!若果佢話1毫子時出身,係咪講畫散稿呀
    事緣前排我托blog友去問下佢啲相關問題,佢自己都冇晒啲書啦,好多書想佢解答嘅佢都忘記晒咯

    回覆刪除