手塚先生一生繪制近400本繪本，若以平均200頁一本計，都相當於2500本港漫囉，但都未止於這個數，佢生前畫落嘅手稿同未發表過嘅作品到而家仲陸續出版中，所以肯定無乜漫畫家同主筆可以比得上佢！一個一生到死個日都仲畫緊漫畫嘅人、一個被漫畫之國尊稱為"漫畫之神"嘅人，事問我哋從小就睇開漫畫嘅，又點能唔去接觸、唔去睇佢啲作品呢？
一套近400本咁精彩豐富嘅大全集，我哋睇漫畫同收藏漫畫嘅，點可以唔預些地方收藏手塚嘅漫畫呀？
喺香港都己經好幸福，因為手塚啲作品絕大部份都己出晒中文版，而今次係第一次在本blog介紹手塚啲書、又係以少見為題，所以就先介紹這本從未在香港出版過中文版嘅"雷電俠"；
這本一期完嘅"雷電俠"，全書共有五章210多頁，出版日期約為60年代尾至70年代初出版，而這本是再版書，但都己經係1983年出版喇！作者將自己代入書中成為主角之一，也是作為連貫整個故事同作為說故事的人，以自己代入書中角色未知是否為漫畫創作先河？全書本身畫有大量不同類型怪獸、也有大量怪獸混戰同打鬥場面，咁精彩嘅手塚舊作，真奇怪為何從未出過香港中文版呢
今次係第一次在這裏貼手塚治虫嘅作品，這篇只是作為序章，往後就希望可以係度介紹、分享晒手塚先生嘅所有作品！
雷電俠
書內畫有大量怪獸
雷電俠嗰造型有D似參加化妝舞會呀
回覆刪除[版主回覆03/30/2012 14:14:25]可能因為造型hot唔到，所以咪一期完囉
我曾有台版
回覆刪除[版主回覆03/31/2012 11:29:53]無錯，此書在台灣有出過中文版，而且封面同這本一模一樣，我一直都想揾返一本中文版，可惜己經絕晒版
我都係手塚老師澳門區天字第一號讀者嚟架!
回覆刪除[版主回覆04/01/2012 09:37:48]丹丹兄直頭係澳門手塚會會長啦
hi hi 愚人節快樂！
回覆刪除我是串燒三兄弟的老二，甚是怕羞，成日匿係屋企睇漫畫，是宅男一名，甚少探訪老友呢！
請問，怪醫秦博士，全套幾多期呢？
[版主回覆04/02/2012 10:27:06]你嘅台灣中文版同日文版係一模一樣架(我講嘅係豪華版果隻，依家市場好少見亦係最貴嘅一套，當然台版仲有其他版本，我唔確定你有嘅係邊個版本)
文傳版全套係有22期，而我有嘅係"正文社"版，亦係香港正版，全套有17期，亦與日本原精裝版一模一樣，亦與文傳版嘅22期內容一樣！
[李大雞 Adam回覆04/01/2012 21:23:52]我只有台灣中文版，此版係唔係同日文版一樣？
點解文傳版有17期？內容都係嗰12期嗎？
[版主回覆04/01/2012 18:40:22]乜癲兄咁多兄弟架怪醫秦博士出過好多個版本喎，當中香港中文版有17期，另一款台灣、日本豪華版就有12期。
雷電俠原案是手塚作品??? 真係唔講唔知...
回覆刪除[版主回覆04/03/2012 10:17:45]無錯！雷電俠係手塚先生70年代作品
香港77年特撮超人片我有睇，不過我無睇大结局，第一集係打蝴蝶怪人。
回覆刪除我的北斗外傳出第5集了！來探我啦！
[版主回覆04/04/2012 21:36:51]己經去探過了，唔錯呀
兒時很喜歡睇雷電俠真人劇集 !!! 漫畫就冇買了......... 但其實都想睇架。
回覆刪除[版主回覆04/06/2012 18:32:35]電視、漫畫兩者，我都係比較仲意睇漫畫秤先啲
佢原來叫做雷電俠? 記得細個正宗鹹蛋超人面具經常缺貨, '精美'雷電俠面具有貨都殺住先!
回覆刪除[版主回覆04/20/2013 10:15:30]手虫畫這類書都算耍家，但這本雷電俠只得一期完似乎唔夠喉！
未睇過！
回覆刪除[版主回覆05/29/2013 09:53:49]呢本係香港未出過中文版嘅，所以日文版都要入返本