2012年2月8日 星期三

黄偉建、李志清、崔成安 。麗人

"麗人",全套有35本,80年代中一套經典嘅綜合愛情漫畫書,係屬於超超難集齊嘅漫畫書之一(因為我尚未見過有任何朋友集齊一套者),總結原因;1當年並非大路熱門書,更非武打、鬼書嘅熱門題材種類,故雖有强大主筆陣容都被好多讀者忽略,2太多不同嘅主筆參與令個別fans拆散收藏個別主筆,3銷量不太高至令印量不太多,加埋每期有不同明星專訪,至另增加一批明星fans收集個別期數,這些都成為難以集齊成套嘅原因。
但"麗人"係集合咗當年最强嘅主筆陣容去編寫屬於佢哋另類題材、絕無僅有嘅"愛情漫畫",這些主筆好多都係長期畫鬼書打書同江湖書,所以喺"麗人"內佢哋畫嘅愛情故事漫畫題材,對佢哋嚟講就等於罕有!
漢民、司徒劍僑、永仁、黄偉釗、大衛兒、謝志榮、馮志明、許景琛、嚴志超、黄偉建、葉慶全、黎智昌、徐大寶、温浩賢、周勝、鄺彬强、陳偉文、狄克、崔成安、陳志祥、李志清、北京陳、黄國興、西華....咁勁嘅主筆陣容嘅綜合愛情故事漫畫,除咗呢套之外,都揾唔到另一套!
因為無可能逐個登晒所有啲主筆作品,所以今次我又換個另外方式去介紹下這套書......就係從中挑選約十個具代表性知名度嘅主筆,以分開每次兩三個主筆嘅作品去集中介紹,今次除了封面之外,就首選介紹下靈幻小姐、俠骨神鑑主筆黄偉建(建君)、"三國誌"主筆李志清同崔成安喺"麗人"內嘅作品。
靈幻小姐、俠骨神鑑主筆黄偉建(建君)喺"麗人"這套書內有8篇屬於佢嘅故事,而第三期刋載嘅"唇印"就係黄偉建(建君)個人嘅第一套發表嘅作品,所以"麗人"對佢嚟講意義重大!大家就一切來欣賞下黄偉建幾篇初出道作品啦而李志清在全套"麗人"內只有"漣漪"一篇,刋載於"麗人"第30期,崔成安則有"'富貴再迫人",刋載於"麗人"第28期。

麗人1-35期全套封面




麗人特色係每期邀請當紅女明星做專訪,第一期就請李麗珍做嘉賓,當年珍姐係此書總經理祁生女友,自然大力摧谷宣傳啦






















黄偉建(建君)在麗人作品一覽;
第三期:唇印
第九期:離巢燕
第18期:英雄結局
第19期:走寶
第22期:一個不留
第27期:電眼美人
第28期:車站別戀(黄偉建、黎智昌)
第29期:初戀故事
第32期:含羞草、仙人掌

李志清在在麗人作品:
第30期:漣漪

崔成安在在麗人作品:
第28期:富貴再逼人

唇印,黄偉建(建君)個人嘅第一套發表嘅作品

















李志清少見的搞笑輕鬆漫畫"漣漪"



崔成安在在麗人作品:
富貴再逼人,28頁完





下回:漢民、謝志榮。麗人

19 則留言:

  1. 睇翻八十年代既出品, 無論係電視、電影或者漫畫, 都好有代表性~ 記錄當年的髮型服飾...潮流~ 家陣響辦公室都見到有人仍然疏括號頭, 電鬈髮, 高腰褲....., 十分懷舊~
    [版主回覆02/08/2012 19:34:46]係呀!七八十年代經濟起飛,香港嘅黄金年代黎架!果時嘅橫版同直版漫畫書都好有 代表性!

    回覆刪除
  2. 唔,你沒說錯,麗人很難集齊,我亦沒有,主要是後期的銷路不好,所以最後幾期找回比較困難~
    [版主回覆02/08/2012 19:46:52]我唔會亂講架,咪睇少這區區30幾本,試問下大家週圍儲書嘅,有冇有人齊呢套?相信都唔會有齊啦^^
    最後啲銷路唔好,所以就揾啲較重量級主筆例如崔成安、 李志清、謝志榮、黄國興出 嚟救亡,可惜為時己晚,始終愛情故事港漫好難維持,但大家放棄最後啲期數就肯 定走晒寶^^

    回覆刪除
  3. 真係唔止麗人明星雲集呀,好多知名主筆亦集齊
    [版主回覆02/08/2012 19:56:07]我諗當時齊集晒啲强勁主筆係希望强勢開拓一本新嘅高銷路綜合愛情漫畫,希望如玉郎漫畫、猛鬼冤魂等綜合書般取得好成績,可惜事與願違!

    回覆刪除
  4. 黄偉建之後猛鬼冤魂內連載靈幻小姐走紅,之後獨立出版20期
    [版主回覆02/09/2012 11:03:23]完全正確!你真係好清楚佢啲走勢!

    回覆刪除
  5. 反而鐘意D封面,畫得好似,好多歌星同明星都識......
    扮九十後都唔得,呵呵!
    [版主回覆02/09/2012 11:06:58]啲封面真係好盞鬼,每期專訪嘅藝人都做封面^^

    回覆刪除
  6. 無主打漫畫易是麗人致命傷
    [Jim Lai回覆02/09/2012 15:17:45]司徒劍僑喺天下都連載過一期短篇
    [版主回覆02/09/2012 14:11:07]司徒劍僑喺"麗人"連載咗成十多篇科幻故事,咁多真係遲啲要獨立介紹先得咯
    [Jim Lai回覆02/09/2012 13:48:33]劍僑連載的貓眼兒,似科幻多於愛情 ,貓眼兒好似無完,不久於鬼書皇連載貓瞳
    [版主回覆02/09/2012 11:10:45]麗人後期頂唔住,都要順應潮流,啲主筆紛紛改畫科幻、鬼故,可惜個書名係"麗人"....都吸引唔到讀者入場咯....

    回覆刪除
  7. http://makeshiftmiracle.keenspot.com/TheBook.html

    回覆刪除
  8. 我当年对《丽人》、《小姐》兴趣不大,买第一本时,已是二零零几年。
    [版主回覆02/09/2012 11:14:01]好多人都係後來才追返嘅。誠言果個年代大家都係被武打書吸引,其次係鬼書,再其次先係呢啲書!

    回覆刪除
  9. 印象最深刻是第12期(劉美君封面),出街當曰我仆到去買!因當期時佢好紅(我好謎佢)!
    [版主回覆02/09/2012 11:19:13]原來你都有買"麗人"架!當年劉美君好正,啲歌又好聽,都係我最鍾意嘅女歌手之一!我仲keep埋晒佢啲碟^^

    回覆刪除
  10. 崔成安在港最後推出作品應該係巨龍傳說
    [版主回覆02/09/2012 14:12:20]巨龍傳說????有冇封面俾黎睇下唔該!

    回覆刪除
  11. 靈幻小姐獨立出版,好似下滑得好快,尾三期已cool boy做主打.........黄偉建之後於猛鬼冤魂內連載衝短篇鬼古,至101期連載俠骨神鑑再次走紅,俠骨完左之後無已為計,之後暴男得5期完........之後過自由人寫玄門戰士同電影精裝漫畫..........自資出版精裝漫畫仔........又之後過彩業寫精裝陸小鳳..........
    [版主回覆02/09/2012 14:15:17]電影精裝漫畫???精裝陸小鳳??? 我未有呢兩套喎,幾多期完?有冇封面俾黎睇下?

    回覆刪除
  12. http://blog.yahoo.com/_N7TK6WXKYI4ASLGPT7VN7J5YFI/photos/913771
    依本係電影漫畫溶屍奇案之出

    回覆刪除
  13. http://blog.yahoo.com/_N7TK6WXKYI4ASLGPT7VN7J5YFI/photos/913772
    巨龍傳說浩一出版萬有主編,崔成安主繪全書8期完,創刊有金,銀倆版...那時崔成安好象已經移民,好似浩一fax過去給他畫
    [Jim Lai回覆02/09/2012 23:39:34]萬有佢畫既應該係極度惡拳
    [版主回覆02/09/2012 23:05:58]因為套書擺係度未睇過,你唔講我仲以為係萬有畫。
    [Jim Lai回覆02/09/2012 22:55:22]你講得正確係9期完....巨龍傳說唔係萬有畫,係崔成安畫[[某d係倫裕國勾]] 3期萬有週記有提
    [版主回覆02/09/2012 22:47:08]咁就真係要問清楚你啦...巨龍傳說唔係萬有畫?係崔成安畫咩?唔係9期完?係8期完咩?我突然又摷唔到呢套出嚟証實....

    回覆刪除
  14. http://blog.yahoo.com/_N7TK6WXKYI4ASLGPT7VN7J5YFI/photos/147912 @ http://blog.yahoo.com/_N7TK6WXKYI4ASLGPT7VN7J5YFI/photos/147930 @ http://blog.yahoo.com/_N7TK6WXKYI4ASLGPT7VN7J5YFI/photos/147928 @
    依幾本見過嗎
    [版主回覆02/09/2012 22:50:21]你啲圖得睇到巨龍列傳、深圳二奶夢兩本,我都有嘅。

    回覆刪除
  15. 精裝陸小鳳放左係箱,陸小鳳封面唔係佢畫 ,開頭係周勝之後係葉明發
    [版主回覆02/09/2012 22:51:06]精裝陸小鳳未見過呀!

    回覆刪除
  16. 彩業之前黄偉建同狄克全作過出書.........彩業之後幫李高勾武當張三豐,自己編繪天蠶變,後自資末世神鑑,追魔傳奇等....最後同廖福成聯合編繪天龍訣之後改編寫兒童市場
    [Jim Lai回覆02/09/2012 22:57:45]追魔得倆期
    [版主回覆02/09/2012 22:51:53]追魔傳奇未見過喎!!

    回覆刪除
  17. 確是未見過有朋友集到這套書的.但除麗人之外還有冇其他同一時期的愛情漫畫?
    [版主回覆02/09/2012 23:01:29]同一時期或差不多時期的愛情漫畫,有比較前少少嘅"小姐",小威有"少男少女"、"靚妹"、小寶彩蝶"愛情故事"、狄克"愛的故事"、"狄克戀曲"、"情若無花不結果"、"情書"志文"天若有情"、"新天若有情"、"十萬個愛情為什麼"、"love story"......

    回覆刪除
  18. 有無見赤煞保存版未呀
    [版主回覆02/09/2012 23:36:07]這本剛巧今天剛剛喺朋友度揸過係手揭過幾頁^^不過我原本自己果本就唔知擺咗去邊....

    回覆刪除
  19. 陸偉昌噴筆畫封面!當年覺得好勁好靚,而家睇返…感覺已經冇咁神妙了。
    [版主回覆02/10/2012 01:12:39]昌哥畫怪異集封面一絕,麗人差了少少,可能係心機問題。

    回覆刪除