2012年2月6日 星期一

年少無知、暖愛故事----陳順康作品集

陳順康,1986年入行,先做戇男漫畫助理,有份做戇男故事、狄克戀曲封面,擅長水彩作品,特別係"淡彩",我就係最鍾意佢啲淡彩畫喇!
這本95年出版嘅"陳順康作品集"係佢第一本個人作品,收錄咗佢三個故事,包括"年少無知"、"暖愛故事"、"拿撒勒末日傳說"!
老實講,呢本主筆唔係乜嘢畫壇猛人作品,無乜大知名度、本書又唔係幾十年前古董,亦都唔難揾到這本書、更加唔係什麼天價罕貴書種,但係我都專為這一本書單單寫一篇,因為係我個BLOG,係唔會計較呢啲嘢,不論新舊貴平冷門熱門港漫日漫男主筆女主筆嘅書,只要認為係值得寫值得介紹的,就統統會一視同仁咁介紹下,這本便是一個例子,因為主筆嘅誠意同水彩畫都係我好欣賞嘅!
呢本書唔好當係公仔書咁睇,當係一本個人水彩畫集咁欣賞會比較好。唔講咁多,貼多幾幅圖....







年少無知




暖愛故事



拿撒勒末日傳說










預告:80年代有一套被人忽略但係絕對經典嘅綜合愛情故事漫畫書,參與嘅主筆包括咗漢民、司徒劍僑、永仁、黄偉釗、大衛兒、謝志榮、馮志明、許景琛、嚴志超、黄偉建、葉慶全、黎智昌、徐大寶、温浩賢、周勝、鄺彬强、陳偉文、狄克、崔成安、陳志祥、李志清、北京陳、黄國興、西華,空前絕後嘅主筆陣容,近140篇故事--------麗人,全套35本,絕對係超勁勁難集齊嘅一套漫畫!











下回唔好錯過

10 則留言:

  1. 年少無知陳順康,無人會識幾冷門~~
    [Jim Lai回覆02/07/2012 15:00:21]FF戰士係4本,不過FF戰士唔係佢主編
    [版主回覆02/07/2012 10:24:11]FF戰士有幾多本?係咪4本?
    [版主回覆02/07/2012 10:23:33]陳順康畫封面居多,寫故事反而好少,唔識唔出奇!
    [Jim Lai回覆02/07/2012 03:32:13]陳順康仲有本FF戰士

    回覆刪除
  2. 個人覺得陳君手畫喺港漫來說真係幾特別,佢啲畫有種似完未完嘅感覺^^ 佢而家仲有無喺漫畫行業?
    [版主回覆02/07/2012 10:27:59]佢啲畫係好有個人風格,基本上一睇就認得出,尤其係畫封面,幾乎係統一化!但依家唔知佢喺邊度....
    [Jim Lai回覆02/07/2012 03:33:16]佢加柏迪d公仔真係一絕

    回覆刪除
  3. 初遇到这书时,还以为是《狄克恋曲》合订本。九十年代中,自由人之《情侣周刊》也是陈顺康负责封面。
    [版主回覆02/07/2012 10:37:27]係!狄克的书有唔少由陈顺康负责封面,都唔错架!但真估唔到后来咸咸地《情侣周刊》都由陈君负责封面,可惜好多转做咸漫画的都無得返转头!所以主笔漫画人非必要都千万唔好转做咸漫画!真系前途有限架!

    回覆刪除
  4. 都算人才濟濟!
    [版主回覆02/07/2012 10:42:26]漢民、司徒劍僑、永仁、黄偉釗、大衛兒、謝志榮、馮志明、許景琛、嚴志超、黄偉建、葉慶全、黎智昌、徐大寶、温浩賢、周勝、鄺彬强、陳偉文、狄克、崔成安、陳志祥、李志清、北京陳、黄國興、西華.....唔係我夸大,咁嘅一套漫畫主筆陣容,只有屈指可數嘅幾套書可比,仲唔係空前絕後?

    回覆刪除
  5. 前幾年本陰陽路都有佢連載
    [Jim Lai回覆02/07/2012 22:34:58]唔記得啦
    [版主回覆02/07/2012 18:39:38]冇印像!本精裝叫乜名呢?
    [Jim Lai回覆02/07/2012 14:58:39]佢離開之後01年左右出過一本精裝
    [版主回覆02/07/2012 10:45:55]陰陽路我都唔記得擺咗喺邊,又未睇過,原來都有佢啲連載。

    回覆刪除
  6. http://www.facebook.com/pages/Artist-Shun-Hong-Chan/229280687141256 他的facebook有新作介紹。

    還有他的網頁 : http://makeshiftmiracle.keenspot.com/
    [版主回覆02/10/2012 01:21:38]5月先出有排等^^
    [金城KamShing回覆02/09/2012 00:14:33]新作 5 月出版, 網上已接受訂購 ^^
    [版主回覆02/07/2012 18:41:29]得閒過去昅昅先!唔該晒!

    回覆刪除
  7. 好似係"自由人"時期接觸"陳順康".柏廸接手時既"戇男故事"成日做封面.
    前期既"麗人"都有買黎睇,之後冇賣,轉左買親小威既"CLUB女"
    好期待下個BLOG.
    呵呵.
    [版主回覆02/08/2012 09:09:38]嘩!乜你連"CLUB女"咁冷嘅書都睇架!呢套我都想揾返!

    回覆刪除
  8. 睇完呢篇先發現呢個作者D畫咁正,如下次我見到我都一定會帶回家~
    [版主回覆02/08/2012 20:00:10]呢本書真係唔難揾喎,價錢亦唔會貴得去邊,希望你好快揾到啦^^

    回覆刪除
  9. 唔知靚妹有無人齊一套
    [版主回覆02/09/2012 11:32:18]我都幾肯定無啦,因為靚妹300幾期我儲咁耐都只得3份一度,加埋我個位專 儲冷門書嘅朋友,兩個加埋都仲差好多先齊,所以無啦!我哋只計啲熱門大路書種、有畫功主筆啦,小威啲書好難計啦,靚妹、迷離世界、小撈女、少男少女、魔幻集、香港猛鬼街....根本揾唔到人儲齊!無得計!

    回覆刪除
  10. 陳順康的水彩畫好靚,筆下人物面相好有靈氣,最記得佢畫的《東京愛的故事》尖端漫畫版宣傳海報。現在只替黃玉郎畫插圖真係浪費人材!
    [版主回覆02/10/2012 01:20:29]佢畫啲封面、插圖零舍靚!發展唔大真係唔低呀!

    回覆刪除