Google+ Followers

2011年9月19日 星期一

漢民-雙影人、無生命的人、透明人



漢民筆下嘅神神鬼鬼故事多如牛毛,佢筆下嘅人、神、鬼角色都係千變萬化耐人尋味、引人入勝嘅!今次執咗幾本分享:雙影人、無生命的人、透明人。
雙影人係講鬼,無生命的人係講機械人,透明人就係講述科學幻想........
三套書之中,橫版嘅"雙影人"最耐歷史,更沒有出過合訂本。"無生命的人"係漢民怪談系列其中一本,比"透明人"同"怪異集"要早期,"無生命的人"之後又出過合訂本,但係原裝係彩色,合訂本就變返黑白,而先彩色後黑白嘅出版方式係比較特別一些,於是亦形成兩個版本!
而一套5本嘅"透明人"就係漢民最長篇嘅作品,這5本亦從未再出合訂本或复刻,所以同"雙影人"都係甚少見嘅漢民作品。

雙影人,雖然無具體資料,但這本極可能係漢民最後一本橫度書








呢啲書若細個係夜晚睇,係會好驚但又覺好剌激好有氣氛架




最後這書封底還有漢民第一二本直度書"投胎轉世"同"魔鏡"嘅廣告,好鬼吓人架.........






"無生命的人"單行本同合訂本



"無生命的人"彩色單行本同黑白合訂本對照,各有特色各有氣氛





透明人一套5本,己經係漢民最長篇嘅故事啦!雖然係三套之中最遲出,但呢套够晒經典原素!因為一套難求,靚版就更難得錯體版就更難難難得,我呢套係有錯體版嘅,有機會再介紹。















相信熟識漢民書嘅朋友都知道,除了以上三套描寫不同嘅"人"之外,其筆下作品描寫嘅尚有:
三世人、不老人、前世人、未來人、有尾人、血美人、璧中人、肉槳人、異人、半死人、迷離人、無面人、隱形人、活死人,但我相信在這時這刻能够集得齊上述各書嘅朋友唔會多過兩人!因為以上每一本都己經係N年前絕版,要找一本唔係難,但要齊集晒係好高難度嘅!
在下都尚差少少,希望遲啲有機會可以一次過show得晒出嚟啦

補充返:

尚有天靈人、邪人、最恐怖的女人、六爪怪人、來自陰間的人,唔計合訂本,總共26本齊晒喇

追加埋本"怪談青面人"27本齊晒!


下期:葉明發