但小强從2毫子3亳子書時代開始到現今，還有作品每星期在730報紙連載！
佢早期不同筆名發表作品之多，可能係全港第一，作品題材種類，包括了技擊、武俠、搞笑、現代、奇幻、超人怪獸、小流氓、鬼怪、民間傅奇、黃飛鴻.....我相信己超過黃玉郎上官小寶小威同漢民，單單係以前2毫子3亳子裝嘅封面獨立故事，我見過嘅都遠超一百本！
而接近600期嘅"壽星仔"到至今還在報紙730每星期連載，這是一項紀錄！
好多朋友睇開公仔書，都會以黃玉郎馬榮成邱福龍漢民等為首選，無他，因為公仔靚手稿勁，而小强嘅作品，往往會擺係次選、甚至再次選，我以前都係一樣！
但直到現時對我來說，上官小強跟黃玉郎馬榮成邱福龍漢民係我心中份量係無分別，而對於佢以前嘅作品，可以講話係"愛不擇手"！
因為你會發覺佢嘅公仔好得意、好搞笑、好另類，"龍虎門"、"如來神掌"、"中華英雄"你可以揾到好多個主筆，你又可以係市面上揾到好多掛着"黃玉郎作品"，但係"壽星仔"就由頭到尾得上官小強揹飛，因為佢獨特風格無人能及！
而香港也只有他唯一一個可以從2毫子裝、3亳子裝、8毫子、橫版書、直度書....一路過渡直到今時今日仲有作品係報紙發表嘅漫畫家！係名符其實嘅"畫壇壽星仔"！
佢嘅"壽星仔"將會好似"多啦A夢"藤子不二雄般，成為香港漫畫一個經典！
講返下面這本8毫子小强作品"鬼馬烏龍王"，SIZE同左邊本77年出版嘅"壽星仔"一樣，但"鬼馬烏龍王"嘅出版日期比"壽星仔"還要早好多，當時本書係每頁6格嘅連續故事。
得意嘅公仔，係小强嘅特色
下期預告：比這本更早嘅6毫子裝、黄玉郎太座夢妮經典作品
有儲 AM730 的小強作品嗎? 讀書時少有做剪報, 現在雖然有網上版, 但很喜歡剪下小強的四格, 最正是免費的。小強的壽星仔我都很喜歡，我只是像徵式收藏一些橫版，遇到平價的會買入，高價就不會了。
回覆刪除[版主回覆09/03/2011 12:03:00]原來你都仲意"壽星仔"，730我都有留低。依家壽星仔嘅橫版同直版都好少啦。
我記得梁醒波有套粵語片叫 <烏龍王 > , 梁醒波的名字就叫做王龍烏 , 唔知同此書有冇關係 ?
回覆刪除[版主回覆09/03/2011 12:07:00]唔肯定有無關係，但小强作品一向追貼潮流，果排興啲乜好快就成為佢嘅取材
這本未見過，該少有
回覆刪除[版主回覆09/04/2011 12:51:00]係，未見係其他地方出現過，呢本別無分號
有些民间故事漫画，编绘者凌宵，但画风与两角庄小书不似。
回覆刪除[版主回覆09/05/2011 09:49:00]小强民间故事未睇过，不知画成点。但系凌宵都系小强笔名咯。
好難得上官小強今時今日仍然親自操筆, 在AM730繪畫壽星仔.....風格獨有~ 依然過癮~!!
回覆刪除[版主回覆09/08/2011 12:47:00]無錯，從60年代開始可以畫到今天，係得壽星仔上官小強一個
我覺得無小強就無小文，當然兩位都係高人
回覆刪除[版主回覆09/10/2011 10:09:00]小強、小文同興豬都係攪笑能手！
我細個最鐘意壽星仔同小強漫畫集
回覆刪除有一本橫版 好似18期壽星仔 俾老豆一個唔該掉左............傷心
自始我就唔再儲公仔書
好鍾意壽星仔d封面 (直版書) 夠簡單
上信和見到小強唔敢叫佢
[版主回覆05/31/2012 10:09:41]我都勁鍾意壽星仔架，所以儲晒佢啲書！因為真係畫得好得意！啲封面都好有特式