2013年9月4日 星期三

上官小強、甘小文、利志達。壽星仔(完結篇)

501-551期係壽星仔漫畫最後歷程,作為見証港漫歲月中一套不可缺少、地位等同其他8大經典港漫嘅"壽星仔"可謂由頭至尾都咁精彩!
強哥除咗自己壽星仔嘅成功、創造咗港漫最長壽搞笑漫畫之外,最重要也給予咗一班助理、新人主筆大量實習同刋登機會,亦有大量有潛質高水準讀者投稿,這些都是其他港漫不能做到的!
在最後這一段"壽星仔"作品之中,上官小強之外、甘小文、利志達嘅作品亦有好多,而林祥焜鄧本邦大粒墨亦有刋載作品。
值得留意嘅係上官小強在這期間,仲有三套與其他筆合繪嘅作品連載,分別係:
市井壽之介,與小豆合繪
宇宙明王,與甘小文合繪
鐵血戰士,與大粒墨合繪






































市井壽之介,上官小強與小豆合繪


鄧本邦....


林祥焜....



鐵血戰士,上官小強與大粒墨合繪


甘小文畫愛情故事,少見哩...



甘小文畫怪獸故事,完全係楳圖一雄feel!  




以下係解答利君超级迷衛兄既問題:
利志達在壽星仔刊載"一紙兩稿"共有24篇,期數由507-530連續,以下貼出一部份







壽星月曆






"壽星仔"至551期停刋,原本係諗住改革,點知一停就停足一年,至1993年再以細本size出版"壽星仔"復刋號,但因為市道己經轉差,加上毫無宣傳下靜悄悄復刋,復刊第一期"滴水殺手",但大部份讀者根本不知,最終只出到5、6期便無疾而終,不過"壽星仔"嘅故事同型像將永遠存活在一班讀者心目中!"壽星仔"1973-1993(完)!


雖然這套"壽星仔"己經介紹完結,但係上官小強尚有好多其他作品會陸繼介紹,下一篇:小强40周年再會


下期預告:一套80年代電視武侠劇改编既冷門武侠漫畫

15 則留言:

  1. 封面靚到冇朋友
    [版主回覆09/04/2013 22:48:18]好多封面都好特別正呀!

    回覆刪除
  2. 壽星仔實在太強了,在當時以打斗為主的漫畫仍殺出一條血路.
    [版主回覆09/04/2013 22:53:01]好多打鬥漫畫都做唔到500期,但係搞笑同畫功一般既壽星仔可以做到!

    回覆刪除
  3. 那個公仔像八月十五的髪型好突出!
    [版主回覆09/04/2013 22:56:46]壽星仔型像係參考史諾比架!

    回覆刪除
  4. 雖然我冇睇過佢地D漫畫,但好懷念出色既漫畫人以前放左唔少心血而帶俾我們唔少既歡樂
    以前睇書仲緊要過返學架嘛!
    [版主回覆09/05/2013 14:48:38]冇錯!以前百花齊放嘅漫畫令人懷念,不過相信以目前咁睇,港漫好難再回復了,好彩還有以前剩下嘅大量舊書,仲可以得閒回味下
    [傻豬回覆09/05/2013 01:21:52]隨著社會既變遷同所謂既進步,找不到昔日既漫畫情懷同味道,想起都好懷念啊!呵呵~

    回覆刪除
  5. 程~~搬嗎?比地址我啊!

    我要搬啦!
    http://gutgutmama.blogspot.com/
    [傻豬回覆09/05/2013 21:04:47]唔該晒阿程同吉孖媽,thank you very much
    [版主回覆09/05/2013 14:51:41]原來吉孖媽都埋去blogspot,妳可以繼續貼到咁多相嘛,等我過去妳度參觀下先!
    [吉孖媽回覆09/05/2013 02:07:49]見大部份blog友都搬左去blogspot所以搬左先學啊!
    [傻豬回覆09/05/2013 01:40:12]唔好意思,妳好呀!個blog好冇用呀?除左post相,可否畫畫架?
    其實你果個平台我都有興趣,都仲考慮緊.....

    回覆刪除
  6. 想問呢個壽星仔...咩時候出架~~80年代??!!
    森伯一把年紀都未有留意到.......
    [森源回覆09/05/2013 16:59:06]嘩~~原來70年代開始架.........唔怪得冇咩印象~~
    [版主回覆09/05/2013 15:01:05]哈哈,森伯果然唔睇漫畫,壽星仔1975年己出現,至92年完結,造型參考史諾比!

    回覆刪除
  7. 上官小強之壽星仔係我看港漫之首 (除了老夫子外, 老夫子形式以四格, 同彩色港漫有些分别)
    甘小文及利志達係香港少有獨特風格之主筆 , 個人上很喜愛.
    [版主回覆09/05/2013 15:04:48]老夫子只係四格6格,唔算連環圖,壽星仔先係港漫最長壽連環圖,書中除壽星仔本書故事之外,加入甘小文利志達及好多其他主筆作品,亦係本書成功因素!

    回覆刪除
  8. 上次個電視節目,找您做顧問,多好多嘢睇!
    [版主回覆09/05/2013 21:56:19]我做顧問就請唔到咁多漫畫人亮相接受訪問了

    回覆刪除
  9. 呢本小雲見過! 不過好似未睇過!~
    [版主回覆09/05/2013 22:04:04]呢本雖然搞笑,但係啲風格應該唔啱你睇

    回覆刪除
  10. 程兄我好懷疑你係咪有部時光機,可以買番咁多精彩的香港漫畫。壽星仔我都有措到百幾本,後期那些已沒有再措了。文傳只復刻過二本,真想他們可以完全復刻。
    [版主回覆09/05/2013 22:12:04]我都希望有部時光機,可以去買返晒啲漫畫

    回覆刪除
  11. 你會搬嗎?
    [版主回覆09/05/2013 22:14:02]會!繼唔繼續都會搬去第個平台試一試先!

    回覆刪除
  12. 壽星仔,內容有趣,港漫應要好好發展!
    PS:程,你會搬去哪?
    好多YBLOG友搬了去PIXNET,
    我的是HIKARU25.PIXNET.NET
    [版主回覆09/05/2013 22:35:13]你啲資料同圖片都可以過檔喎
    [版主回覆09/05/2013 22:18:21]還在選擇同考慮之中,睇黎目前最多blog友搬去blogspot、PIXNET、同fb,等我過去你度參觀下先決定!

    回覆刪除
  13. 圖文並戊~~資料詳盡~~~甚謝了!!!!!!!
    ((PS:原來小弟"一紙兩稿"尚欠522/529同530三本~得閒幫手留意吓oY唔該!!!~~thx!!!!))
    [版主回覆09/05/2013 23:12:31]好嘅,同你留意下,只欠三本應該終點在望了

    回覆刪除
  14. 93年.....原來已經廿年了....
    [版主回覆09/07/2013 12:31:51]冇錯!最後一期距今都20年了!

    回覆刪除
  15. 細本size"壽星仔"復刋號,程兄有齊嗎?
    [版主回覆09/07/2013 12:32:33]尚欠一本

    回覆刪除