2013年4月23日 星期二

鄭健和、袁家寶。風雷

"風雷"是海洋1998年出品,袁家寶、鄭健和都係在下幾欣賞嘅漫畫人,鄭健和近期負責嘅"殺道行者"、"封神紀"、"脫北者",雖然在下尚未睇過,但均口碑唔錯,而佢早期還有拳皇96、凶獸武者及這套"風雷",我就覺得"風雷"就係佢早期代表作!
這套書不算太耐歷史,相信好多港漫朋友都有睇過,也就不作詳細介紹了。"風雷"第一輯全套40期,第二輯全套10本完,袁家寶主編、鄭健和編繪,特別一提;專欄設計係金城先生

















第20期居然印咗14期,離譜!















第二輯全套10本完









10 則留言:

  1. 我比较喜欢风雷I.

    袁家寶新作有捧场吗?
    [版主回覆04/24/2013 09:16:50]風雷1明顯好過風雷2!
    近年新出品都冇再捧場了

    回覆刪除
  2. 風雷第一輯比第二輯好睇,比較用心
    [金城KamShing回覆04/25/2013 00:27:50]第二輯因為銷量問題被迫提早結束........。
    [版主回覆04/24/2013 23:08:26]我都咁覺得,第二輯草草了事

    回覆刪除
  3. 哈哈~~~ 多謝你特別提點呀!『第20期居然印咗14期』.......... 原因係當年仍未用電腦正稿,依然係用人手正稿做封面字稿,話說貼了數字 20的正稿,送到分色公司後隻字甩咗 ( 應該係貼得唔實 ),分色公司冇為意照做菲林,出咗打稿又冇人發現 ( 我當日放咗假 ),就係咁印咗出街........。
    [金城KamShing回覆04/26/2013 00:07:39]哈哈~~~ 行家一出手便知有沒有 !!
    [偉回覆04/25/2013 18:44:46]其實睇漏眼呢樣嘢出版界都常有,好難講。『送到分色公司後隻字甩咗』,我初做手稿時都會發生,都係要各同事一齊跟才可減小出錯。
    [版主回覆04/25/2013 14:02:11]這些內裏原因你講先知,原來幾方面都發現唔到錯誤,到本書出街先知,認真神奇
    [金城KamShing回覆04/25/2013 00:20:21]最神奇就係海洋、分色、同印刷三方面都冇發現期數錯誤,值到出咗街有讀者投訴先知出錯,都算玄妙喇 ~~~~~~

    回覆刪除
  4. 另外再爆料,第38期封面字點解mark 白色字 ( 正路應該 mark 紅色字),原因係做封面的同事跣咗我一鑊,果晚佢遲遲未完成封面,但分色公司又密密來電追稿要發『封面字稿』俾佢哋做定先,我都等到尾班車要收工走人,所以問清楚做封面位同事擺放封面大字的地方會填什麼顏色,他說『藍色』,咁我就話藍底白字 ok 啦,佢都好認同,點知佢變咗『留白少藍』.......,真係吹漲!好彩我有留黑邊,如果唔係就大鑊,我都知果位同事唔係咁like我,但勢估唔到佢會咁過我一棟.......。
    [版主回覆04/25/2013 14:11:54]這個看封面影响都不算太大,當然紅字就好啲啦,有時工作上溝通有小問題好難避免,但工作還工作,私人恩怨若存心整古玩嘢就不太好!

    回覆刪除
  5. 其實要畫得好,真的很辛苦。
    [版主回覆04/26/2013 12:43:10]都係嘅,好多部份細節配合得好,先至有好效果,仲要睇讀者受唔受落,而要長期維持質素,都唔係咁容易!

    回覆刪除
  6. 我最鍾意和仔的作品係《魔神傳》。
    [版主回覆04/26/2013 12:45:29]魔神傳都唔錯喎,我只係睇咗頭兩輯,第三輯仲未有時間睇!
    [金城KamShing回覆04/26/2013 00:09:20]《魔神傳》都係一套唔錯的作品 !!

    回覆刪除
  7. 原祖風雷係續未日戰狼,主角係練雷童細佬練風雷[有出過廣告]
    [Jim Lai回覆04/26/2013 13:21:15]風雷出街已經係全新故事
    [版主回覆04/26/2013 12:48:20]末日都係好耐之前睇過,己冇晒印像,原來係同風雷都有關連架?

    回覆刪除
  8. 袁家寶之前負責繪畫,之後轉做主編;
    鄭健和之前負責繪畫,之後轉做主編;
    鄧志輝現在負責繪畫,以後轉做主編?
    [版主回覆04/28/2013 18:46:49]咁似乎鄧志輝嘅成績好啲!龍抬頭係報紙檔見過,係最新出嘅港漫,原來銷量麻麻又快完結......
    [金城KamShing回覆04/27/2013 13:44:14]鄧志輝在和仔公司bookone畫《殺道行者》、《脫北者》、《封神紀》等等至今。

    阿寶剛剛和一漫年合作的《龍抬頭》因銷量欠佳快將完結,之後可能獨立製作漫畫,再交由漫畫公司代理出版。
    [版主回覆04/27/2013 10:38:46]其實袁家寶同鄧志輝依家去咗邊同做緊乜

    回覆刪除
  9. 風雷頭幾期真係好睇, 10期之後故事暴走完全唔知做咩......
    其實 袁家寶所寫的漫畫, 大多數故事都唔掂, 得格鬥拳王1,2 和天煞狂刀2比較好, 其他......
    鄭健和 大部份作品都好看到!!!
    鄧志輝不用說寫畫越來越正!!!
    [五金回覆04/28/2013 20:08:56]Yes! 同一人
    [版主回覆04/28/2013 18:48:30]亞架係咪鄧志輝
    [五金回覆04/27/2013 18:55:45]和仔的武神鳯凰,殺道及封神幾都仍然吸引,起碼打鬥之中算有新意。
    亞架的好作品,故事全部來自他人,好難定論,不過畫功仍然是一級。
    [金城KamShing回覆04/27/2013 13:46:06]故事『暴走』係港漫的死因之一 .........................
    [版主回覆04/27/2013 10:47:43]港漫弊病就係keep唔到個故事,寫寫下會走晒樣
    袁家寶我覺得"黑豹"同"格鬥拳王"好睇啲之外,還沒有什麼代表作!
    鄭健和ok,但都係欠代表作
    鄧志輝黑豹、海虎、武神連串作品,都算係代表作吧!

    回覆刪除
  10. 風雷呢個名相當有型!李大雞要改為李風雷!
    [版主回覆05/15/2013 23:56:31]不如叫李小龍、李小虎仲有型啦

    回覆刪除