2013年3月30日 星期六

上官小强。壽星仔 part 1

在尖沙咀漫畫星光大道有一尊塑像"壽星仔",可能未必太多外界朋友識原作者上官小强!
論廣泛知名度,上官小强一定唔及王澤、馬榮成、黃玉郎、王司馬,甚至比唔上邱福龍、劉雲傑、李志清、温日良,但小强憑一套"壽星仔"從70年代一路畫到80年代90年代.....最近再將"壽星仔"延續到都市日報,及又在近期嘅漫畫之中連載,咁多年來都只靠畫一套書同角色、而且由70年代畫到今時今日還有執筆嘅漫畫家,香港漫畫界恐怕只有上官小强可以做到!係名符其實嘅"壽星仔"!
而港漫之中能夠經歷橫版時代再到直版書時代而完整完結超過500期嘅大長篇連環圖,除了龍虎門李小龍之外,就只得這套"壽星仔"!

"壽星仔"全套551本,1-91期為橫度書,92-551期為直度書。同時我將"壽星仔"列入港漫五大橫版之一,"壽星仔"1-91期橫版嘅收藏難度,在港漫5大橫版系列之中排行第2,而咁耐以來在下亦從未聽過或見過有人可以儲得齊全套551本"壽星仔"的!即使在下是超級上官小强+壽星仔粉絲,亦還尚欠約20本才能集齊大全套,所以這套書集齊嘅難度是超5星級的!

雖然在下尚欠約20本,但都會照post全部封面,尚欠嘅20本若日後尋回,將會在本篇內補回圖片!而這套書有500多本,所以會分為5至6  part貼出,頭兩part為橫版壽星仔,其後各part為直版,各part不會連續貼出,會分期post出。今次第一part先貼出1-20期,大家一齊黎重温這套7、80年代三套經典長篇香港連環圖之一"壽星仔"嘅至得意懷舊封面......























1-20期之中在下尚欠三期,若補回便會在本篇內貼回封面!





下回:五大港漫橫版介紹之"壽星仔"   part 2   21-91期全封面

壽星仔 part 2   21-91期:

http://blog.yahoo.com/_AIJTCUABVJ56MSVGALLVUP2MBA/articles/1084236/index


元祖壽星仔(小龍牌):

http://blog.yahoo.com/_AIJTCUABVJ56MSVGALLVUP2MBA/articles/569571/category/%E4%B8%8A%E5%AE%98%E5%B0%8F%E5%BC%B7%E4%BD%9C%E5%93%81

18 則留言:

  1. 講真,真係冇睇過,完全唔識.呵呵~
    內容講咩架?搞笑輕鬆小品牙?
    不過一蚊本真係對畫家講黎講付出唔少精神同汗水啦
    宜家一蚊買粒糖都好難喇
    [版主回覆03/31/2013 11:50:43]內容好搞笑,對白口語化幽默低死!以前賣一蚊雞,可能買到幾粒糖,依家就算出幾多蚊雞,都揾唔到一本

    回覆刪除
  2. 551期後, 好像有出過復活版. If I am not wrong!
    上官公子都係我的笑漫偶像之一!
    [版主回覆03/31/2013 11:54:49]係有嘅,而且幾個不同size版本,套書雖然正本去到551期完,但係"壽星仔"這個故事不斷復活延續下來!

    回覆刪除
  3. 以前這套壽星仔單睇封面都好有味道!
    [版主回覆03/31/2013 11:56:27]有壽頭嘅封面都係零舍得意啲嘅

    回覆刪除
  4. 哩套真係極少見!好嘢
    [版主回覆03/31/2013 11:59:29]呢套書勁難齊,依家無論係前後期橫版直版都係咁難揾

    回覆刪除
  5. 寿星仔以小制強,利害!
    [版主回覆04/01/2013 09:58:39]搞笑又低死,送飯特別開胃

    回覆刪除
  6. 原來都市日報都有壽星仔? 等我留意吓先!
    [版主回覆04/01/2013 10:01:38]都市日報創業時小强畫咗一段時間,而家冇咯,改咗喺另一本漫畫書內連載

    回覆刪除
  7. 程午安,
    超級漫畫粉絲,犀利!
    感謝您的到訪及留言,
    祝復活節開心愉快。
    [版主回覆04/01/2013 10:02:20]你好!多謝來訪!

    回覆刪除
  8. 原來上官小強咁厲害~~
    [版主回覆04/01/2013 10:04:50]講落又幾犀利架,在下個blog都要揾"壽星仔"做頭像

    回覆刪除
  9. 40年了 !!
    [版主回覆04/01/2013 10:06:03]有咯,70年代中至2013!

    回覆刪除
  10. 點解唔登佢嘅畫板呀
    [版主回覆04/01/2013 10:07:22]畫板?我冇佢啲畫板喎

    回覆刪除
  11. 咁多POST既漫畫, 都係你儲返黎架..超勁啦
    [版主回覆04/01/2013 13:14:39]係,全部都係逐啲儲返黎,但還有一些未有

    回覆刪除
  12. 那是他轉投玉郎的第一期,真正的第一期應是上官家族那邊出版。
    [版主回覆04/02/2013 13:06:57]你講"小龍牌"壽星仔?那套我之前己post過了。兩套一樣咁正!

    回覆刪除
  13. 程兄, 第一期《神經六》是那一年出版的?
    [版主回覆04/03/2013 09:33:32]約係1975、76年出第1期

    回覆刪除
  14. 可惜马来西亚代理商没引进太多寿星仔漫画,当年只在报摊看到零星的寿星仔漫画~
    [版主回覆04/04/2013 08:38:26]係呀!成日出來出去都係打書江湖書,雖然將其他書類屏除統一江湖,但係這些書銷量卻越低,只剩返睇打書江湖書讀者,太耐冇啲搞笑輕鬆、怪異鬼怪、愛情漫畫去調劑,其他讀者轉看日漫,市場窄咗,冇咗氣氛,漫畫行只會越來越萎縮剩返小量群眾。
    [Andy回覆04/03/2013 23:35:11]呵呵!可能吧!代理商只印刷出版打书,其他类型的漫画都是香港的回书,难怪“玉郎漫画”会取得骄人的成绩,市场就是需要不同类型的书来调剂一下~
    [版主回覆04/03/2013 21:56:11]可能星馬那邊打書比壽星仔好賣,所以入得少啲!但係有時睇得打書多都要有些像壽星仔咁嘅搞笑漫畫去調和下至得嘅!

    回覆刪除
  15. 第一次見橫版壽星仔!! 勁!!
    我睇嘅時候已經是300幾期!!
    [版主回覆04/04/2013 08:41:05]今次我要從第一期post到最後一期!好多得意嘅封面睇返真係非常之正

    回覆刪除
  16. 由於壽仔係單元形式,好多時根本唔知期數,程兄補回呢一點,好嘢。
    [版主回覆04/04/2013 23:03:48]客氣!若有一天能夠補齊所欠嘅幾期就好啦

    回覆刪除
  17. 橫版壽星仔11至18期我都曾經擁有,可惜不懂珍惜…
    [版主回覆04/04/2013 23:06:48]我都試過掉走唔少好嘢,現在又要慢慢揾返。但11-18期現在真係好難再揾到啦!

    回覆刪除
  18. 壽星仔竟然有橫裝書,你唔講我都唔知
    [版主回覆04/06/2013 10:26:33]仲有好多唔同款式唔同題材嘅橫版書架,遲啲介紹多啲

    回覆刪除