佢嘅最早作品係幾時？我估計至少80年已經有佢嘅作品，我都係在80年代到開始儲佢啲作品一路直到今時今日，依家佢仲有新作品推出緊，台灣嘅"東立"同香港嘅"天下"都係赤石路代作品嘅主要中文出版者。
不難了解佢嘅作品有幾受歡迎，因為各大漫畫店除咗佢最新一套著作仲有得賣之外，其他舊作都己經絕晒版賣晒啦，如果手塚治虫有400本作品計，咁赤石路代到目前都有近150本作品了，以200頁一本日漫及女漫畫家產量來計，都算係幾誇張！
唔好以為赤石路代係女漫畫家就必定係畫愛情故事為主，我儲佢啲書除了因佢啲公仔得意之外，仲因為佢啲故事還會包含咗超現實、科幻、懸疑、詭異等元素，有說赤石路代喜歡看世界文學名著，故其作品沁入漫畫詩人嘅感覺！
魔光迷影，全套6本
姬100%，全套4本
星海情緣,全套6本
赤石路代短篇精選，1期完
赤石路代短篇集，全套4本
雪嶺飄零/阿爾卑斯山玫瑰，台譯"伯爵女兒"全套8本
春日情韻，全套4本
替身天使，全套8本
SAINT聖者，全套5本
孤星望月，全套8本
亞歷山大帝，1期完
闇夜情仇，1期完
星印情緣，全套2本
下回預告：上官小寶比李小龍更早期嘅作品，咪走雞
有安達充Feel呀！孤星望月最似！
回覆刪除哈哈！下期預告，又引誘人嘞！
[版主回覆06/13/2012 10:51:21]同安達充各有特色，但啲公仔同樣具有親和力惹人好感，所以長畫長有，係佢哋成功之道
咁就唔只下期引誘人，仲有下下期、下下下期、再下下下期，唔信睇住黎
沒有聽過，對這個完全冇認識，算係冷門.....?
回覆刪除[版主回覆06/14/2012 09:43:20]唔算係冷門呀，只係對於男讀者冇乜人識啫！男讀者少看女畫家啲書，因為香港自古以來都極少女漫畫家選擇，日漫就有好多，所以我一貫揀書係唔會分男定女嘅，而係以內容同畫功好嘅都會選擇
估唔到你對呢類書種、漫畫家都有興趣。
回覆刪除[版主回覆06/16/2012 09:49:51]我係冇乜分男女畫家、乜嘢書種同港漫日漫，總之睇啱就會儲
原来程兄连少女漫画也收藏。近一两年出租日本漫画的店面临结业潮，通常结业會前把漫画作大贱卖，近日也曾走访一间。
回覆刪除[版主回覆06/18/2012 11:33:30]係！好多2毫港漫細書都係來自以前嘅租書店，不過依家應該都比人收晒咯
[金明回覆06/18/2012 00:53:18]日漫较易买到新书。而现时残留之港漫两角装小书、老台漫，大部份来自几家澳门租书店，有印甚至底页写满数字。我凭租书店之印查探，居然有一间尚健在，不过只有旧咸书，没旧漫画。
[版主回覆06/16/2012 10:04:38]以前都試過買啲平嘅出租日漫，依家就好少入啲有釘有印嘅二手書，因為始終儲書新淨啲先至好啲，除非一啲真係想要但無辦法揾到新書才會考慮啲有釘舊書。
[版主回覆06/16/2012 09:57:27]好似以前咁，香港完全冇乜女畫家，什麼丁小香、鷥鷥、上官思思、柳依依、紫丁香....咪統統係男扮女掛羊頭賣狗肉，以前咪一樣多人追捧！咁既然依家有咁多真正嘅女漫畫家，我唔介意選擇一些自己心水嘅去閱讀，咁樣會平行少少