馬榮成、葉明發。相隔30年的風流

不幸言中，雅虎blog命不久矣！但估不到會來得這麼快！12月尾壽終正寢，不過10月30後將不能够發新post、更改、回應及回复，換言之只能瀏覽。
此刻在此投訴、發牢騷己經係毫無意義，計劃迎接yahoo blog末日、如何為自己blog作出完結更加實際！
由今天至十月尾，有兩個月時間，在下會留守出post到最後階段，一齊見証yahoo blog死亡關閉一刻！但可能有大量blog友未到期限己經放棄或跳船離去！
兩個月時間原本正常可以出到大約20篇，但在下會盡量嚐試接近或去到300篇才完結，即是還須要出多40篇以上才可達到300篇之數！所以將有機會一日發出多於一個post，所以未來兩個月，鍾意港漫日漫嘅朋友，可以等待迎接在下源源不絕嘅藏書分享！
不過無論怎樣也絕無可能在這麼短時間完整地post出所有預定嘅項目！facebook平台完全唔適合在下這類發表大量圖片兼有文字評述嘅post，亦唔方便瀏覽、讀者提問及回复，所以若找不到一個適合出post平台，亦唔會強求在一個不適合平台去發表餘下嘅post，繼續與否或在什麼平台到時再在此通知大家！

風流是馬榮成1978年作品，係講一個殺手被其組織追殺嘅故事，其時己睇到馬仔畫功特佳，內文黑白製作，全部分成五輯完結，原本在漫畫報"青報"連載，單行本只出過第一第二集，即係頭兩輯，其後2008年鄺氏再出复刻版，一本完厚達200頁，不過size比原書細咗一半，縮細畫面大打折扣，亦令內文字、旁白細而難睇，兼且印刷比較之下反而比30多年前差，優點就只得可以一次過睇晒全部5輯故事！30多年之後，由葉明發重新再畫馬sir嘅"風流"，天下從鄺氏買回版權出版，一共8期完結。

黄偉釗、李高、葉明發、袁家寶、鍾國光。驚心動魄part 2(完結篇)

"驚心動魄"1985年創刋，全套60多本，但確實最後一期就唔敢肯定，在下揾到嘅最後一期係62。
由46-62期李高開始頂替黄偉釗成為該書主筆，若還冇記錯，李高之後還成為係龍虎門、如來神掌嘅主筆吧，在下則估計同幾肯定佢係憑這套"驚心動魄"表現而獲得重視的，不過黄偉釗就似乎在這套書後，極少再出作品了。
套書最後階段還加入咗葉明發、袁家寶、鍾國光....等等作品，當時佢哋仲係新秀，今日都己成為港漫畫壇前輩級主筆了，故在"驚心動魄"內這些他們初出道作品，都幾有收藏價值！

黄偉釗、李高、葉明發、袁家寶、鍾國光"驚心動魄"作品目錄：

46期：山狗、黄偉釗，渡客船、李高
47期：前生後世、黄偉釗，渡客船下集、李高
48期：同命、黄偉釗，邪神、李高
49期：命運戰士、黄偉釗，邪神下集、李高
50期：海上花、黄偉釗，凶靈、李高
51期：
52期：靈狐、李高
53期：靈狐下集、李高，鬼話、袁家寶，舞、葉明發
54期：攝青、李高，不變的臉、葉明發，夜半求醫、鍾國光
55期：攝青下集、李高，劫、伍枝源
56期：凶貓魂、李高，殘羹、葉明發，魔靨、鍾國光
57期：
58期：泥沼、李高，迫虎跳牆、葉明發，食肉使者、鍾國光
59期：
60期：咒語、李高，天道書樓、葉明發，艷鬼添粧、鍾國光
61期：邪教、李高，誰是無辜、袁家寶，幽靈之舞、伍枝源
62期

黄偉釗、謝志榮。驚心動魄

今月鬼書前後己經post咗近百本，不過以前出過嘅鬼書又豈止咁少少？今期就再拎多套有50本嘅鬼書出黎
旦凡黄偉釗、謝志榮、李高嘅書，己屬7、80年代冷門代表者，加上這套"驚心動魄"係80年代出、鬼書、銷量不高，種種因素結合，相信這套書冇任何人可以集齊一套了！
但係黄偉釗、謝志榮、李高這三個組合陣容，己經够晒吸引有足夠嘅收藏理由了吧？套書在下尚欠十餘本，唯有日後找到再在此補回。
"驚心動魄"係黄偉釗畫完"鐵血螳螂"之後緊接嘅作品，所以套書係屬於早期最長集數嘅鬼書之一，1985年玉郎圖書出版，1-36期全書皆為黄偉釗一人作品，37-45期加入謝志榮作品，46期後再加入李高作品，53期之後更有袁家寶、葉明發、鍾國光作品，當年都還是新秀嘅早期作品都曾在此書內發表！
由於圖片及主筆作品太多，本帖無奈要分兩part推出，今次先貼1-45期，全部為黄偉釗、謝志榮作品，餘下期數將於下次part  2再出

戇男、栢迪。戇男鬼故事

戇男故事、戇男戀曲、戇男漫畫、戇男鬼故.......以戇男為名嘅書仲多過"玉郎"！戇男鬼故事又係一套製作唔錯好有誠意嘅鬼書！而戇男、栢迪這個組合曾是絕強嘅配搭！
戇男鬼故事1989年出版，全書共11期，曾有第12期預告不過冇出過。1-7期以戇男主篇"天帝的陰謀"為主，8-11期則以戇男、栢迪短篇鬼故為主，當中好多篇，戇男都係以搞笑抵死手法去演譯鬼故、對白係口語化、粗俗低死一D，係唔覺得恐怖，只覺得搞笑嘅鬼故！基本上係好睇夠娛樂性嘅漫畫！

目錄：
1-7期：天帝的陰謀、戇男
4期：留住妳好嗎？戇男
5期：請你離去吧、栢迪
6期：戀魂、戇男+栢迪
7期：橫刀奪愛、栢迪
8期：叛逆漢子、戇男，一夜情、栢迪
9期：說慌的女人、戇男，初吻、栢迪
10期：夜半驚魂、戇男
11期：長洲殺人夜、戇男

七月十四盂蘭節，詭異世界系列。廖福成

又到農曆七月十四，揀返套鬼故漫畫睇就够晒應節
呢套"詭異世界系列"就係一套非常好睇嘅鬼故港漫佳作！鍾意睇鬼書嘅朋友一定唔會失望！這套書1-15期全為廖福成作品(最後一期第16期則為其他主筆作品)，每本書大約收錄咗十段故事，精裝版每本厚約190頁，所以包羅咗好多不同嘅神鬼奇異故事，當中也有唔少有關香港嘅風俗或傳說故事，這套書係由"玉皇朝"在回歸前所出嘅一系列港漫鬼書作品輯錄而成，內文則由彩色轉為黑白，授權台灣"東立"出版在台灣地區發行，所以香港係冇得出，在下都係要透過台灣網友代買，在此再次鳴謝"老劉"！
不過若從讀者立場，這套書要彈嘅係"東立"版封面設計太差、未够統一，內頁印刷質素失敗，十多年前嘅印刷水準與香港有大段距離，若然今日再出會有好大提升吧！
但印刷質素同主筆好壞係無關嘅！廖福成係近年除漢民之外在下幾喜歡嘅鬼故主筆，佢嘅無論故事內容、畫面編排、氣氛、畫功、驚嚇俱佳！撇除封面同印刷因素之外，這套鬼書係"近期"港漫鬼書最好睇嘅一套！

甘小文、謝志榮。鬼食泥

這本由甘小文、謝志榮所出嘅鬼書，兩人罕有嘅合作，係11年前君地出版，唔知大家有冇印像呢？
本書有五個故事，"鬼食泥"由極少畫鬼故嘅甘小文操刀，另四個故事則由好擅長畫鬼故嘅謝志榮負責(詳見下圖目錄)，全書厚超過110頁，先姑勿論內容故事如何，這些由熟識主筆所畫嘅鬼書，己經有足够吸引力吧！加埋十年後今日己經再沒有鬼書港漫出版，絕版貨源短缺之物，所以這些鬼書港漫都將會成為大家收藏之物，見到就咪錯過啦




封面製作：陳順康

黃國興。鬼泡妞

黃國興這套"鬼泡妞"係笑話+鬼故，1983年出版！
本書搞笑之處，係將上官小强真人漫畫化做本書主角，做一隻上陽間揾女仔做老婆嘅鬼，要將一個目標女仔害死，落陰間做佢老婆，最後個女仔雖然俾衰鬼上官小强害死，不過就上咗天堂.....仲同喺天堂做神仙嘅壽星仔結咗婚.....
衰鬼上官小强追到上天堂實行搞破壞，搶人，係咪够晒搞鬼呢？
書入面好多角色都係大家熟識嘅人物同漫畫角色，例如黃玉郎、榕叔、腦魔等等，實行無厘頭大兜亂

伍寄萍。民間傳奇故事 part 1

若以在下尚算頗密兩三天更新一篇網誌速度，這套民間傳奇故事如果要每次只post一本作詳盡介紹，簡直係天方夜譚！！因為這套由單元故事結集嘅民間傳奇故事接近300本，逐本介紹恐怕要足足花上三年時間
這套單元故事結集嘅"民間傳奇故事"全部由伍寄萍所畫，係最早期、最長紀錄、也是最冷門、最有系統由單元故事結集而成嘅港漫畫，每冊畫足34頁，售賣6毫子本係70年代嘅價值。
在下雖冇300本咁多，但都有近100本了，所以亦無可能去逐本內容慢慢介紹，只會分幾個part登下封面就算。
伍寄萍係前輩級漫畫家，作品包括了武俠、愛情、神鬼等作品，作品之多實在難以估計、難以想像，單單是他這套"民間傳奇故事"己經有近300本......
伍寄萍嘅畫功同實力，睇返本帖最後幾幅所登內容，集編、繪、實景於一身全部一手包辦晒，公仔面相、手畫己比當今好多主筆為佳，只係輸蝕咗黑白內文同包裝咋！
伍寄萍嘅畫功同描寫故事能力俱佳，加埋喺當年冇乜太多娛樂消遣嘅年代，這些書算係唔錯嘅消遣品！
今次就揀選一些有關鬼怪、神仙、精靈嘅內容出，亦符合今個月主題。

漢民。鬼牢

"鬼牢"應該係70年代尾至80年代初漢民嘅橫版著作，係由漫畫日報金報、生報等連載故事後輯錄成書，書內雖然冇打鬥場面，但係漢民畫中國古代鬼故却不多見，加埋係漢民橫版舊作、收藏港漫嘅朋友都該知係屬於罕有之品啦
故事係講當年女鬼身懷其子被男主角拋棄，吊頸而死，陰魂不息化成厲鬼纒身令男主角喪失記憶同理智，最終自困在牢室內與女鬼一起渡過餘生.......
故事就好簡單，但係在漢民筆下本書氣氛就幾陰沉懸疑同恐怖呢啲就係正宗港漫鬼書嘅味道，唔講咁多睇睇內文....

司徒劍僑、馮志明、永仁、黃國興、栢迪、大衛兒、利志達。妖魔鬼怪

"妖魔鬼怪"1988年由"金剛出版社"出版，全套24本，係一套由眾多主筆集合所組成嘅鬼書，這些主筆都係脫離咗大漫畫公司後在這套書內出作品結集，所以"妖魔鬼怪"又是一套可觀性非常高嘅鬼書，主筆陣容、內容、故事之多之豐富，唔係現代港漫、現今綜合作品可以比！係一套好值得收藏嘅書！
套書亦幾乎包羅咗每個讀者所喜歡嘅主筆在內，就算唔鍾意司徒劍僑、馮志明，仲有永仁、黃國興、栢迪，仲有大衛兒、利志達，其他還有嚴志超、自由戰士、伍錦寧、西華、井上村、蔡景東、雅廸等等.......
套書每期約出四個故事，各主筆輪流以妖、魔、鬼、怪各畫一段故事，例如第一期有司徒劍僑嘅"妖"八仙伏妖、馮志明嘅"魔"魔像、永仁嘅"鬼"鬼將軍等等....

"妖魔鬼怪"1-24期部份主筆作品一覽：

司徒劍僑：
八仙伏妖(1-7期連載)
龍戰紀(8-18期連載)
破邪(20-24期連載)
畫稿殺手(第12期連載)
狼童(第19期連載)

馮志明：
魔像(第1期連載)

永仁：
鬼將軍(第1期連載)
魔獸都市(第2期連載)
鬼計(第3期連載)
天地神魔(第4-17期連載)

自由戰士：
百慕村(第1期連載)
聖誕老人(第2期連載)
童靈(第3期連載)

伍錦寧：
兒童樂園(第2期連載)
受害者(第3期連載)
罐庒魔鬼(第4期連載)
UFO(第5期連載)

井上村：
多了一個(第4期連載)
兩個結局(第5期連載)

西華：
絕世佳人(第5期連載)

黃國興：
憤恕年青(第6、7期連載)

栢迪：
魔鬼一族(第8期連載)

蔡景東：
地獄無門(第10期連載)

大衛兒：
鬼靈精怪(第13-15期連載)
死神(第17期連載)
小偷傳奇(第19期連載)
尋兇記(第21期連載)
小天使(第22期連載)
中秋幽靈(第24期連載)

利志達：
第七天(第16期連載)

雅迪：
戰神(第9期連載)

嚴志超：
鬥神(第18-24期連載)

方維新、福建。異形神探(劉定堅、文敵 編)

"異形神探"係"自由人出版"新嚐試性質嘅題材，內容幾另類新奇，主筆方維新、福建亦係好新鮮同冷門組合，但係主篇嘅劉定堅+文敵就係非常强勁嘅組合！
"異形神探"，1991年出版，估唔到眨眼間己是20多年了，今日"自由人出版社"己經唔存在了，但留下了唔少港漫出品，"異形神探"便是其中一套，
內容係講一種類似"蠱"嘅異物變形虫入侵人體令其產生異變，成為怪物，但變形虫有好壞之分，新紮師兄"志文"被蠱虫入侵後成為"異形神探"對抗其他邪惡蠱虫異物，最後香港被變形虫侵佔無法收拾，須要毀滅放棄香港.......套書一開始就定咗10期完結，所以故事係完整嘅。