其實我係比較鍾意佢啲初出道時嘅作品多啲，尤其是係"怪異集"同"猛鬼冤魂"內連載嘅鬼故作品，真係好正！佢畫鬼故事比起畫其他類型題材更勝一籌，只係依家再無鬼故類市場
而佢出道至今，除咗有大量短篇鬼故事連載於"怪異集"、"猛鬼冤魂"等書內之外，其後都出咗成180本個人作品，而且大部份都係成百多二百頁嘅精製書，所以佢啲嘢要儲都幾多下！
驚神、烈神係清兒較早少少喺90、91年時嘅簿裝單行本較神怪武俠式作品，題材與他其後嘅個人作品都很有些分別。
驚神，全套12本，1991年作品
內文及驚神月曆...
烈神，2本，1990年作品
下回預告：七月，除咗係回歸月之外，亦係牛鬼蛇神齊出籠，七月猛鬼書月，本blog將全部以港漫日漫鬼書為主，一套套冷門少見鬼書拎出黎分享下，下回打頭陣係港漫鬼故之皇漢民
唔敢話李志清得奬作品好唔好，不過如果三國係香港市場的話，相信半年就收皮，又，佢以前啲畫好好多，三國我差不多睇晒，但畫功不及當年之餘仲少咗彩稿。
回覆刪除[版主回覆06/28/2012 22:22:17]佢以前啲畫好好多，絕對同意！射雕、三國、笑傲啲畫退步咗，估計係因稿量多咗而至質量下降。以前啲短篇作品可以有多啲時間燃靚啲！
睇到 D 書左上角的 logo，不免又諗起嗰個年代的漫畫歲月，快樂的童年時光
回覆刪除往事如煙，舊情如夢
[版主回覆06/28/2012 22:24:53]若果回到小流氓、李小龍時代就仲開心啲
清兒有出過180本書咁多
回覆刪除[版主回覆06/28/2012 22:32:46]咁計一計：射雕38本、笑傲江湖26本、烈神、驚神14本、三國誌29本、項羽劉邦10本、孫子攻略10本、水滸傳16本、孔子6本，這裏己經150本喇，而且多數係近200頁精裝本，仲未計其他一兩期完嘅書、若計埋佢啲畫集就仲多
舊嘢始終令人點味多Ｄ！
回覆刪除[版主回覆06/30/2012 12:19:45]舊嘢係讓人有更多回憶，所以好多人大個會比錢買返以前啲回憶
清兒係後期怪異集,寫過一期完既青蛇.........幾正..........
回覆刪除[版主回覆07/03/2012 11:16:05]清兒係怪異集前中期內都有唔少鬼故都唔錯架！仲有"猛鬼冤魂"都有大量清兒鬼故作品
仲有鐵將同英雄呀
回覆刪除[版主回覆07/03/2012 11:17:09]幾乎唔記得佢都有畫過中華英雄同鐵將縱橫添！