李志清最初係漢民助理之一，但好快即被提拔成為主筆，全盛時期嘅暢銷鬼書，"怪異集"、"猛鬼冤魂"、"72行鬼禁忌"等都連載過佢無數篇作品！
其後清兒嘅"三國誌"、"水滸傳"、"孔子"先後打入日本市場，成為最多作品可以攻入當地市場嘅香港漫畫家第一人，無論如何能有如此成績也是值得受每個讀者同漫畫人尊重、支持同學習吧！
而根據清兒憶述；當年日本方面都係睇咗佢嘅一些鬼書作品才决定揾佢合作畫"三國誌"在當地出版，所以可以說若沒有李志清嘅鬼書，也就沒有李志清嘅"三國誌"！亦可以講雖然目前香港主流一綫都係打書天下，但係能够打入日本市場嘅反而係一個擅長畫鬼故嘅主筆，
所以盡管他現在再無出鬼故作品、盡管現在他有N咁多套嘅歷史故事作品、武俠小說改篇作品，但我始終都只係最欣賞佢以前嘅鬼故！
"感驚世界"係清兒利用完成"三國誌"之後空餘所畫嘅四段作品結集而成，亦係佢目前唯一一本精裝鬼書單行本，1994年出版，內包含黄色雨衣、痴胎、不想她再被邪傷、烏盤寃四個故事，李志清嘅鬼書唔駛多講有晒保証，加埋這本書現時唔罕有、唔太難揾、價錢又唔會貴，推荐大家這本見到就唔好錯過了
下期預告：
葉明發、梁偉家、廖福成、曹志豪、鄺彬强、温浩賢、葉慶全、黎智昌、李志清、崔成安、徐大寶、米奇、嚴志超........港漫五大鬼書之72行鬼禁忌
先不談圖中的人物畫功，單係睇背景巳十分精彩，抄車、屋村走廊都畫得好仔細，相比起三國志更為出色（三國志反而頗多「白色背景」）。
回覆刪除P.S. 三國志係近我唯一睇完晒佢一套嘅作品
[偉回覆07/16/2012 10:21:58]其實套三國志係有朋友齊套所以借嚟睇，如果係小朋友睇就仲好，起碼對中史有一定的認識，但作為漫畫角度睇，其實頗悶....所以水滸傳都係pass算囉
[版主回覆07/14/2012 10:46:49]冇錯！點解要推荐這本書？因為覺得四段故事無論係構思、故事、背景、心機都係咁精彩，李志清畫鬼故，例如這本，絕對比他"三國誌"精彩。
另外如果你可以睇晒佢套"三國誌"，咁介紹你得閒睇埋套"水滸傳"啦，都差不多咁上下
憑鬼故發揚光大
回覆刪除畫三國繼往開來
[版主回覆07/14/2012 12:16:09]再揀我會選廖福成、葉慶全、葉明發
[Jim Lai回覆07/14/2012 11:45:28]近年最好寫鬼古係徐大寶同夏偉儀
[版主回覆07/14/2012 10:49:18]老實講，鬼故除咗漢民同崔成安之後，第三個就該數到李志清
依本最近先買$10
回覆刪除[版主回覆07/14/2012 10:51:17]原價都要30多蚊，10蚊本比新薄裝書還平，絕對低買
之後佢本包青天比較商業
回覆刪除[版主回覆07/14/2012 10:53:04]套包青天反而冇這本咁好睇喎！佢嘅專長真係鬼故高於其他！
這本早年己有買下，價錢相宜！
回覆刪除[版主回覆07/14/2012 10:58:54]所以我都話這本一定唔難揾、一定唔會貴囉！這裏唔單止淨show啲貴嘢少有嘢，而係不論高貴與平凡，只要係好嘢都會推介。好似這本又平又靚嘅鬼書，最啱炎夏睇凉浸浸喇
我都喜歡李志清寫鬼故，有氣氛，故事也都不錯！
回覆刪除[版主回覆07/14/2012 11:01:57]清兒畫鬼書太醒，所以才有機會過渡畫啲歷史漫畫，抵佢成功嘅
畫功當年以經一流,但恐佈氣氛未夠驚嚇,我都係較喜歡早期多D,不過佢嘅歷史故事就不作他選了
回覆刪除[版主回覆07/16/2012 10:15:14]佢早期啲鬼故大受歡迎，後期己轉為專注畫歷史故事同武俠改編漫畫，歷史故事都ok，但我覺得點都唔够佢以前啲鬼故吸引！
之後文傳又出左一套好似6本既"靈異怪談"細書,又係再印清兒及其他當年係怪異集專題漫畫,
回覆刪除都值得買.
只係好奇怪點解文傳唔出漢民,黃偉釗甚至白金龍既細本合訂本.
[版主回覆07/17/2012 10:35:21]"靈異怪談"係精裝版喎，不過因為係轉為黑白版，所以又同原來彩色版唔同，另有味道！值得買架！
黃偉釗甚至白金龍啲公仔麻麻啫，依而咁嘅市道我諗好難出返佢哋啲舊作咯。反而漢民有機會，但之前都出過佢怪異集合訂本，再出反舊作就要睇機緣了。
反而李志清寫笑畫就麻麻地.
回覆刪除[版主回覆07/18/2012 09:20:42]記憶之中李志清都極少笑畫呀，鬼故同歷史漫畫先最啱佢