今次就回味下志文嘅武俠作品，英雄劍係89年由天下出版，雙週刋，故事構思大綱係以一把"英雄劍"為故事主軸，不同時期獲得此劍嘅持劍者就自動成為故事主角，好似第一個獲得此劍嘅獨孤兒就成為第一輯嘅故事主角，直至獨孤兒戰死，第二個得到英雄劍嘅就成為第二輯故事主角，餘此類推，構思係唔錯，但好可惜套書只出到第二輯便爛尾
相隔十年後1998年志文又出咗两本"雪山飛狐"嘅序章篇，之後"雪山飛狐"嘅正篇就再未有下文......而2005年出嘅"書劍恩仇錄"全套只得30期，係志文最後期嘅兩套作品之一，另一套就係絕世無雙2
英雄劍"獨孤兒
"全書十期完，第二輯"爭霸"由第11期開始出到16期未完爛尾
第17期有預告架，不過就冇得出....
英雄劍海報一張
呢套近期嘅書劍入面嘅造型真係好靚
英雄劍期最後一頁出名家27代傳人名傲世....
回覆刪除fb我問過佢,應該不會續寫雪山飛狐
[版主回覆04/18/2012 22:15:15]雪山飛狐己經由天下買咗版權，黄水斌出咗20集嘅漫畫版啦
咦！書劍恩仇錄冇爛尾？
回覆刪除但得30期咁少，應該刪咗好多情節？
[版主回覆04/18/2012 22:24:03]書劍恩仇錄冇爛尾呀，真係删咗好多情節草草收場，趕住去畫"絕世無雙"2啩其實金庸改編漫畫真係唔係部部賣得。
個人覺得如書劍恩仇錄、雪山飛狐、鹿鼎記、連城訣等不太適宜改篇漫畫
英雄劍值得一看嗎?是否同天下真的有關係?
回覆刪除[版主回覆04/20/2012 00:30:17]好睇架，第1至10期又係完整故事，而且主角戰死，够晒出人意表！
由天下出版，馬仔寫序，頭七八期重期期有一篇"馬仔看畫壇"，你話同天下有冇關係啦
以前都好仲意睇志文D書，就唔知他現時有什麽最新計劃？
回覆刪除[版主回覆04/20/2012 00:32:59]志文啲書同公仔真係唔錯架，不過現時好似休息緊啩！
遇到《英雄剑》，通常是创刊号或一套，未遇过有创刊号以外之散书。
回覆刪除[版主回覆04/23/2012 10:39:43]英雄劍散書常見，但一套過我好似都未見過