我就推介這套係1963年千葉徹彌嘅"戰鬥飛行員"嘞，這套書係講述主角係一個技術高超兼有天份嘅飛行戰鬥部隊機師，作者描寫表達出戰爭時期嘅無奈；與家人長久分離不能見面、愛人、無數嘅朋友、戰友、以至在交戰中惺惺相識嘅敵方一一戰死！
作者描述主角係天才戰鬥飛行員，經常運用新創獨特嘅飛行秘技和技術去重創敵方軍隊，又或身陷險境以寡敵眾，亦有大量互相鼓勵振作同埋輕鬆搞笑場面，統統都係表現出當時期大和嘅不死精神！
本書初段似乎是頌讚日本戰鬥隊嘅戰鬥飛行員英勇、優秀、往往可以以一敵十、百戰百勝，但後段己見局勢開始逆轉，主角嘅戰友亦相繼戰死，伏下咗日本最終敗亡嘅史實！
末段：係描寫主角天才戰鬥飛行員瀧城太郎人生最後一段歷程.........
瀧城太郎從一個充滿天份、技術超卓百戰百勝、不知天高地厚嘅少年天才戰鬥飛行員，在戰鬥過程中目睹戰友、良師一一戰死離開，開始反思戰爭和人生，開始思考發動戰爭究竟是對或錯？亦都開始厭戰，最後甚至違抗上司命令而被嚴刑烤打及送上軍事法庭，雖然最終得到釋放，但在本書的最後,就係主角瀧城太郎無奈地被强編入"神風戰鬥隊".....
因為這套書未必有咁多人睇過，所以用多咗少少篇幅寫，千葉徹彌最終都係想帶出戰爭禍害嘅信息。
最後一頁；佢駕着愛機、向着敵方目標出發....當然不會再有回程..........
下期：野部利雄
1963年的題材, 到今天可能是一部電影的橋段, 場面浩大, 戰作資金以千萬元計......
回覆刪除有幾多人能夠在戰爭中反省？日本人何時才認真對待歷史......
[版主回覆01/20/2012 09:49:11]相信日本人己從事件中得到深刻的記憶同教訓，唔會再咁愚蠢去重覆犯錯。
千葉徹彌、手塚治虫都係日本"神級"嘅漫畫大師，同時亦是極度的反戰份子，多留意他們的作品，就會發覺很有意思！
有無睇過《基地88》?是很好看的作品。
回覆刪除我見識小，千葉只懂矢吹丈^^^
提早向程兄拜年：祝你心想事成，尋找到更多心愛的舊漫畫。
[版主回覆01/20/2012 09:57:44]都預祝偉兄身體健康、萬事如意！
無睇過《基地88》，不過有機會一定會睇下。其實千葉徹彌同手塚齊名，佢除了鐵拳浪子、劍道好小子之外，還有好多好睇作品，戰鬥飛行員就係其中一套！
日本漫畫真係領先香港好多,特別是早期的,往往滲有政治意味
回覆刪除[版主回覆01/20/2012 10:09:04]日本係漫畫王國，世界公認！自然無花無假領先香港好多！佢哋啲作品唔會一味靠打、一味靠吓，而係好多都有意思有內涵，你會經常被其內容所感動，但港漫就從來都無，有的或只係是最單純淺層次嘅視覺享受。所以只睇港漫而唔兼埋日漫，真係唔係咁好！
1963年?50年前...........還未出世............
回覆刪除[版主回覆01/20/2012 10:25:54]無錯！50年前嘅畫功、故事、內涵，即使放在今天都絕不失禮！
这题材太敏感，未必人人接受。基于立场不同，有些人见到封面有日本军旗就很抗拒。
回覆刪除[版主回覆01/20/2012 10:36:31]有时睇返的立场唔同、另一个角度的，也甚有意思。
午安好...＼(⌒o⌒)／
回覆刪除[版主回覆01/20/2012 18:26:50]你好，新年快樂！
沒有看過這套千葉老師的作品....................看畫面很精美 !!
回覆刪除祝你財源廣進, 龍馬精神 !!
[版主回覆01/21/2012 13:56:32]祝金城兄新年快樂、萬事如意！
千葉啲作品一向幾有保証，呢套都唔錯架！