現暫由舊時二角公仔書頂上，亦係哈囉喂第三擊-----二亳鬼書！
以前二亳子時代，通常係一兩期完，超過十期己經係好"長篇"，相比依家一套書閒閒地就超過百期，天下500期、黑豹成900期，龍虎門、李小龍，甚至古惑仔都過千期，稍為唔賣得就草草腰斬、稍為賣得都要拖長去留住讀者，這樣反覆殘舊用窮用盡嘅橋段同內容，對讀者也並非好事，對日漸萎縮嘅港漫市場更加不利！
所以論書種以前就真係多好多好多，二毫書嘅品種同題材，多到數之不盡，好多漫畫家用各種不同嘅筆名出書，陳小強、丁小香、夢妮、柳依依、上官小龍、上官思危、黄玄生、伍寄萍.....究竟出咗幾多本幾多套細書？多雜到根本無法统計！無人會清楚知道！相比馬榮成，一套中華英雄140多期、一套風雲500期就佔去大半個寫作生涯，其餘還有什麼作品，真係唔難去找尋！
而我收集嘅細書，都係以鬼怪書為主，以下只係其中幾本......
伍寄萍-碧血芳魂
玉棠-小鴕仙照田鷄
紫丁香-鬼筆勾魂
漫君-鬼婦產子
劍光-小鬼仔妖怪掃蕩戰
貼唔晒咁多本，幾本之中就選取這本登幾頁內文欣賞......
當年嘅鬼書內容同情節，不比現代差
鬼都識用手榴彈、機關槍，認真搞鬼
下期：玉郎漫畫part 1
好咸濕
回覆刪除所以我唔貼內文囉
回覆刪除大開眼界...
回覆刪除[版主回覆10/04/2011 09:30:00]二毫書仔仲有好多，希望你仲意
咁樣照田鷄
回覆刪除[版主回覆10/04/2011 09:31:00]咁血腥依家唔出得街架
以前d題材比較多元化~ 色情+血腥+暴力+神怪=大膽~!!
回覆刪除[版主回覆10/04/2011 09:40:00]就係啲前輩畫家色情+血腥+暴力+神怪+大膽，題材多元化，才造就咗後來8、90年代港漫嘅繁盛時期，一统江湖！睇返依家啲題材咁窄，係咪該反思一下？做返少啲期數、搞返多啲題材啦.......搞到得返打書同江湖書，會比人笑架
两角小书多数一期完，且年代久远（每本都比我年长），很难统计，不知有否漫画迷或文化研究者整理资料。已将搜集所得资料放在 此处 ，尚未完成。 玉棠之作品和锁匙牌都不多见。金钱和胜利牌之鬼故，封面多数没注明作者。
回覆刪除[版主回覆10/04/2011 09:50:00]你個網該係唯一有系统整理收集二亳書仔嘅網，唔錯噃！二亳書仔多如繁星又年代久遠，想统計得完整些真係難過登天！不過你嗰啲作者嘅作品，我仲有唔少，希望到時可以富豐到你嗰统計網啦！
好睇好睇
回覆刪除[版主回覆10/04/2011 09:52:00]多謝光臨，請繼續欣賞
現代釋譯既"照田雞"同以前睇相既定位真係唔同哂~~ 又係個句,"年代大倒退!!"而家d書重保守過兒童樂園.
回覆刪除[版主回覆10/04/2011 09:58:00]睇下上面"鬼筆勾魂"個封面就知啦，依家仲出唔出得？？，所以話依家啲市場搞到每况愈下不無原因
重有,得閒既話羅本"貓目小僧"對下,一定搵到佢孖生細路.
回覆刪除[版主回覆10/04/2011 10:08:00]"貓目小僧"？好彩我都有，對照一下啦！
不過雖然係抄，但都要讚一下，依家港漫邊有人會咁傻咁大胆用咁丑嘅妖怪做主角先？
呢D書入手好因難,亦無一定的市場價,本數亦無從查證,總之遇到後,價錢又可接受的,我都會購買,因真係好難遇到,特別是鬼古.
回覆刪除[版主回覆10/06/2011 13:46:00]除咗少數出名嘅幾個作者之外，其他都唔會太貴，只係比較少見啲