201期至300期嘅壽星仔，其實步入咗非常成熟隱定嘅時期，可以講啲內容同故事都好好睇，而正因壽星仔內容故事可以時空穿梭、隨意發揮，天馬行空，所以長畫長有唔會覺得題材重覆。因為當時期鬼書大行其道，於是睇到壽星仔故事加入大量神鬼魔幻嘅元素，有咗大量搞笑式神鬼魔幻故事，實為壽星仔獨有！
除此以外，壽星仔內容還有小强信箱、漫畫消息、漫畫人介紹，而讀者投稿專欄就包括咗唔少其後加入漫畫界成為主筆嘅初登之場，甘小文亦有大量早期短篇作品登於壽星仔之內！
282期開始，壽星仔內嘅人物角色更出獨立一頁故事如：和尚仔新篇、華應蟲手記、火蔴仁傳奇、肥婆四故事等等，陪我哋渡過咗80年代歲月！
以下為201-300期封面，其中有唔少過癮得意之作，同時刋登埋壽星仔月曆，當中有邱福龍、祖兒嘅壽星仔作品，更加唔好錯過官小强與馬仔黃玉郎等遊日本特輯、小强訪問池上遼一、藤子不二雄特輯！
200-300期在下尚欠三本，若然之後找到就會在此補回所欠嘅封面！
上官小强、邱福龍、祖兒"壽星仔"月曆：
建君黄偉建投稿"壽星仔"，其後成為"俠骨神鑑"主筆
梁偉家，家家初投稿於壽星仔內，其後成為主筆....
刋於壽星仔內北京陳、建君早期4格
好小子早期刋於壽星仔內短篇
200-300期內有大量甘小文短篇，其中黐線西遊係最多頁數，近十張稿架！
小强遊日本特輯，時間約係85年....
認得這幅相入面係都係邊個？個個出名架，兩日後開估
壽星仔小强訪問藤子不二雄特輯
壽星仔小强走訪池上遼一特輯
壽星仔小强生日特輯
左起：馮志明、馬仔、小強、黄國興、唔識
呢三個係乜水？！左右係兩大笑匠甘小文黃興豬！
小强話順便登埋其他friend啲生日喎
羣星祝賀壽星仔第300期1973-1986年，壽與天齊
下回預告：戇男
我都鐘意睇壽星仔,但就好少睇佢的鬼故.
回覆刪除[版主回覆05/23/2013 21:18:50]壽星仔內咁多鬼故，都係滙入咗搞笑元素少驚嚇，所以只此一家別無分號架
珍貴
回覆刪除[版主回覆05/23/2013 21:19:39]早些期數就比較少見啲啲
您有好多珍藏喎！有沒有上萬本呀！
回覆刪除[版主回覆05/23/2013 21:23:57]唔只上萬本，但真係不論平貴嘅書在下都會視為"珍藏"
感謝蒞臨敝博客。來這裡見到各位漫畫家們團結開心，令我想起～
回覆刪除一個很喜畫關公、武將軍的小學同學，如果他真的能在畫事上成就，生計無憂就好了！
[版主回覆05/24/2013 13:47:22]果時同一間公司，時移世易，現時己經各散東西，大半己經退出了漫畫界，相片只能成追憶
壽星仔，好睇！
回覆刪除[版主回覆05/24/2013 13:47:58]李小龍好好睇
嘩 ! 咁多漫畫 !
回覆刪除[版主回覆05/24/2013 13:49:19]此處正在建立一座漫畫之林
可以睇埋作者的近照，是很受讀者歡迎！
回覆刪除[版主回覆05/24/2013 13:51:01]作者平易近人，比較受歡迎啲，讀者亦鍾意睇
「無謂的愛」，個題材幾吸引，一定笑中有淚！
回覆刪除[版主回覆05/24/2013 13:54:01]都係好搞笑嘅故事，兩集完
好正啊! 有乜漫畫唔識要搵你喇? 讚!
回覆刪除[版主回覆05/24/2013 14:05:10]有好多書唔係我個年代就未必知架
我未睇過壽星仔...它的主題是否以靈異為主呢?!!
回覆刪除[版主回覆05/24/2013 14:13:07]其實以搞笑抵死為主，主角同啲角色可以出現在古代、現代或者係未來架，主要係睇果期係講乜嘢故事，所以內容可以係武俠、偵探、靈異、科幻、神鬼，當時興乜嘢主題就畫乜嘢，所以一路畫咗成500幾集！
我唔鐘意佢d公仔啊！唔靚嘅！
回覆刪除[版主回覆05/24/2013 15:11:06]公仔唔靚，但係好搞笑低死好得意，妳睇我個嘜頭都係佢
程兄的港漫收藏太豐富了，堪稱殖民地時期的流行文化寶藏，羨慕羨慕。
回覆刪除[版主回覆05/25/2013 09:57:15]百了兄過獎了，港漫確是殖民地時期的流行文化嘅標誌之一，除了幾款大路嘅漫畫之外，實在還有大量被人遺忘忽略嘅港漫，隨着時日耗損，己經變得越來越少，這些滄海遺珠，希望除了在下之外，還有更多朋友加入保存嘅行列吧！
齋睇封面都過癮。
回覆刪除[版主回覆05/25/2013 09:59:02]我都係咁話！呢啲咁特別嘅封面係壽星仔至有！
池上遼一訪問, 正呀~!! 可以Scan 俾我嗎？請問一下.....
回覆刪除[lark回覆05/26/2013 14:46:20]收到啦...但d字好矇，算啦，多謝晒～！！
[版主回覆05/26/2013 11:17:31]收到嘛
[lark回覆05/25/2013 16:46:51]paoluckman@yahoo.com.hk
Thanks~!!
[版主回覆05/25/2013 10:02:57]我冇printer，Scan唔到架，映幅清晰大相send比你就可以，留email啦
原來壽星仔有一大段時間封面都係鬼鬼怪怪，老實講都幾核凸~
回覆刪除回想起來那段時期的壽星仔我完全冇買冇睇…
[版主回覆05/26/2013 11:34:43]對比一下前200期，相對201-300期小強參與嘅封面比例係少咗好多，除咗主角人物之外，背景都係交俾助理做，而且鬼怪封面比之前200期大幅增加！不過對於在下黎講就唔係太介意這些封面，可能在下特別鍾意睇鬼怪嘢之故吧，亦引申咗壽星仔當期時正針對鬼故熱潮而製作咗、跨張一些嘅鬼怪封面，我唔會覺得啲封面太"肉酸"，但亦同意你同你一樣鍾意200期之前嘅封面更多一些
[太陽之牙回覆05/25/2013 23:56:33]我唔抗拒鬼怪書，仲好鍾意寫得正的獵奇作品 那段時期冇買壽星仔亦同封面無關…
[版主回覆05/25/2013 10:10:34]這時期鬼書多人睇，壽星仔就加入咗大量鬼怪故事。不過在下就發覺有些朋友幾抗拒鬼怪書，所以永遠唔會掂，或者當成邪物唔老黎，睇完都會丟晒，但現在21世紀己經無乜所謂啦，啲人屋企打機打怪獸打彊屍都不知幾high
嘩~~相當豐富的
回覆刪除[版主回覆05/25/2013 13:03:21]係啲書內容够豐富啫
照片揭盅，第一張集體相後排：甘小文、小強、德君、馬sir、少傑、老馮，另外兩張相答案己登於內文
回覆刪除漫畫資料庫,好勁。
回覆刪除[版主回覆05/26/2013 11:35:43]陸續還有來
我喜歡睇壽星仔，那些相片中一定有個馬榮成，對嗎?
回覆刪除[版主回覆05/26/2013 11:41:10]冇錯，好多幅相入面都有馬SIR，因為馬SIR做讀者時期，投咗唔少稿係"壽星仔"入面刋登，馬SIR都鍾意睇壽星仔，所以應該同小強好投契下
壽星仔漫畫是陪伴不少人成長漫畫，能成為七十年代最長壽港漫，上官小强功不可抹
回覆刪除[版主回覆05/26/2013 11:56:10]冇錯！壽星仔可以長壽過中華英雄、玉郎漫畫、刀劍笑這些書，重要係一本搞笑為主、公仔唔够靚仔嘅書，做到500多期認真大奇跡
壽星仔的封面最討人喜歡！咦？狄克生日是在“勞工節”woh!
回覆刪除[版主回覆05/26/2013 12:02:35]睇見壽星仔啲封面唔知點解特別開心啲
300之前的封面真係勁正,...尤其是217,我見猶憐笑死
回覆刪除[版主回覆05/28/2013 11:29:14]其實果時兩蚊雞(二手書更平)，淨係買個封面睇下都值回票價，都好過現在出什麽特別版動輒幾十蚊本