而相對於叮噹、忍者小靈精、Q太郎、神奇小子這些名作，這套藤子不二雄早期嘅SF短篇奇幻結集作品，唔係太多朋友睇過，但這套超過110個短篇所結集嘅早年作品之中，有來自未來的機械人、有時光機、有小鬼Q太郎、有來自未來嘅自己，對於藤子往後嘅一連串長篇著名創作如Q太郎、叮噹、神奇小子等有一定嘅啓發性影响！所以這全套共8本嘅奇幻大全集，有如日本版嘅"怪異集"，刋載咗自1968年起至1995年所有藤子嘅奇幻怪異著作短篇共112篇，應該係藤子迷收藏嘅寶鑑！
只可惜這套書香港還沒有出過中文版，只有台灣版本，而且訂價超貴，這套以書價近千元港幣從台灣托朋友購入嘅一手新書，對在下慣買二手平書黎講，己是超乎限額嘅數字，不過依然係覺得值得收藏
1968年至1995年
1968年，超市超人
在某個遙遠星球，人類變成為牛族嘅生畜，供為食用.......
1970年，我的機器人
1970年，怪傑小池先生
世上有個打不還手、駡不還口嘅濫好人先生，就如佛祖一樣，但老婆勾佬佢又會怎樣面對........
1970年，島梅先生的幸運
倒楣透頂嘅島梅先生，幸運地救了命運機器人，從此變成事事幸運......
倒楣透頂嘅島梅先生，幸運地救了命運機器人，從此變成事事幸運......
老伯意外上了天堂，才發覺家人對他懷念，佢要求神賜他復活，究竟再次復活是否值得？！
青年在家中遇到幾個坐時光機從未來嘅自己，他們開會討淪該如何安排、投資而令未來嘅自己過得好些......
1972年，輕鬆殺人去
一個有能力預知未來嘅少女，究竟擁有這能力是好是壞？
若果身體同靈魂可以互調，男與女身份可以互換......
1973年，小鬼Q太郎
1973年，惹人厭的傢伙
因為有成112個故事，所以版頭不能盡錄了，就只登齊第1集故事版頭
題材非常吸引喎。印製好精美，程兄又入到好珍品了，恭喜！
回覆刪除[版主回覆05/09/2013 11:51:15]冇錯，入面好多故事都幾吸引，這台版印製好好，不過折返港幣要成90蚊本
这套书的售价太贵了，不敢买～
回覆刪除[Andy回覆05/10/2013 13:34:59]嗯！一定会买来看的～
[版主回覆05/10/2013 10:32:13]每本雖厚達350頁，但同叮噹大全集咁厚仲差好遠，這套每本價仲貴啲！不過入面啲故事勝在好多未睇過！
[Andy回覆05/09/2013 22:20:21]页数没有哆啦A梦大长篇和大全集多，但是还是值得藤子迷买来收藏的，等买完了大全集和大长篇再考虑购买。。。
[版主回覆05/09/2013 11:53:53]見到信和都有一两套，要賣成$800，真係好貴！不過係藤子好早年作品，都要破費了
藤子老師早年短篇，好多精彩創作！
回覆刪除[版主回覆05/09/2013 11:55:41]係！入面都係佢早年作品，99%係68年到80年代初作品！
單看到你介紹那頭幾集的內容就已夠吸引了。
回覆刪除不知每一集的故事有多少篇章呢？
而你講要過千元的書價，如有超過百多篇漫畫，我覺得是值得買和有收藏價值。
[版主回覆05/10/2013 10:38:14]咁又係！諗諗下其實有啲港漫什麼特別版，內容同普通版一樣，只係封面唔同，就賣成100蚊，得30幾頁咋，真係咁揾笨！買返呢啲好過啦
[如心●恕也©回覆05/09/2013 17:20:53]唔貴，如果我喜歡，再貴些我都會買，況且又大本，故事又多，計起上來你有賺呢！
[版主回覆05/09/2013 11:59:47]共8本書，每本厚達350多頁，有112篇短篇故事，大部份都係佢68年-80年代初怪異之作，近100蚊本，若係鍾意睇藤子嘅都ok啦！
相信都唔少港人睇藤子不二雄的作品成長~~
回覆刪除[版主回覆05/09/2013 12:01:50]我諗冇乜邊位朋友細個冇睇過藤子先生嘅叮噹Q太郎忍者小靈精啩！
你估攞去賣值唔值錢嗱?
回覆刪除[版主回覆05/10/2013 12:43:39]唔知你先生果啲50年前係乜嘢書，不過例如妳所講嘅"兒童樂園", 都係30年前書，依家分分要7、80蚊先買到一本
[阿黃!回覆05/10/2013 12:28:10]唔怪得知, 我老公50年前的幾箱"學生XX", 類似"兒童樂園", 一搬出來, 垃圾佬馬上過來口甜舌滑, 話幫我運去垃圾站, no problem, 幫女人, 唔收錢禾! 死佬!
[版主回覆05/10/2013 10:41:29]嗱，新書就唔值錢，但舊書就唔同咁計，要睇下你個仔儲嘅係乜嘢書、有幾多年歷史架！
[阿黃!回覆05/09/2013 13:35:53]咁好浪費禾! 我仔都有很多, 擺係屋企都成問題.
[版主回覆05/09/2013 12:04:03]新書拎去賣都唔值錢架，當二手書收俾200蚊都唔知得唔得
Love it..
回覆刪除[版主回覆05/10/2013 10:42:51]
日本漫畫家一般最好看的就是短篇故事。
回覆刪除[版主回覆05/10/2013 10:46:11]冇錯！日本嘢就算係大長篇幾十集都好，都係一小段落一小段落咁，感覺上故事唔會拖長容易睇啲！
我覺得藤子既短篇比手塚既仲好睇
回覆刪除[版主回覆05/10/2013 10:48:26]我覺得差不多啦，好接近，兩個啲短篇都幾好睇，都係此中高手
這可是好東西，我自己只能找到兩本《藤子．Ｆ．不二雄少年SF短篇集》（香港青文），不知有多少編同時收錄在這個版本呢？如「偷取未來的人」等
回覆刪除[版主回覆05/10/2013 10:53:12]少年SF短篇集只有兩本！不過仲有異色短篇4本，至於有幾多係收錄在這個全集之內，我會在介紹以上幾套書嘅時候作個詳細嘅比較同報告！
好多漫畫書！
回覆刪除[版主回覆05/11/2013 11:38:02]舊漫畫係一種回憶，都係留下好啲
[赤煉仙子回覆05/10/2013 17:42:20]我扔掉了，將睇番都唔得。
[版主回覆05/10/2013 12:45:10]呢度乜都冇，只有漫畫書
朋友,午安。藍田傳說(2)-《消失了的第9座》~第一個傳說已經寫成了。歡迎到訪瀏覽。在此謹祝各位週五過得開心愉快。
回覆刪除[版主回覆05/11/2013 11:34:54]一陣去睇睇，週末愉快呀
最鍾意忍者小靈精~~
回覆刪除[版主回覆05/11/2013 11:39:55]係一套好開心嘅漫畫，我都好鍾意！
祝您和家人母親節開心愉快。
回覆刪除[版主回覆05/11/2013 11:41:21]大家咁話，母親節快樂
這套我都有，但我的好你的版本不同！
回覆刪除我記得好像是一套四本的！
所有故事都好有意義，無得頂
[版主回覆05/12/2013 12:50:53]但這四本賣平好多架
[Jaycee C回覆05/11/2013 22:28:01]我都數過，四本加埋得五十幾個故事，的確沒你這套多！
[版主回覆05/11/2013 11:58:02]冇錯！青文有套叫"藤子.F.不二雄異色短篇集"一套有4本，你應該係講呢一套！仲有一套亦香港青文版"藤子.F.不二雄少年SF短篇集"有2本，唔知你有冇？而我今次所介紹嘅"SF短篇完全版"亦係青文所出，不過係台灣青文，8本全集比香港嘅異色短篇故事多好多架。也請留意遲些PART 2我就會介紹更多嘅版本同短篇集
[Jaycee C回覆05/10/2013 23:39:33]啱啱係櫃搵返我套書，係香港版來㗎！
一套四本，青文出版社出版
書後寫售價$30一本
經典！
回覆刪除[版主回覆05/11/2013 12:00:02]這些大多係藤子30幾40年前作品，够晒歷史架
冇睇過.......... 經你介紹後有興趣找來看 ^_^
回覆刪除[版主回覆05/11/2013 13:16:14]實在其他各期內都還有好多精彩故事
幾特別,包裝很精美乾淨呢
回覆刪除[版主回覆05/12/2013 12:52:00]雙嬴兄對藤子也有興趣嗎
程兄真是超級漫畫迷 。
回覆刪除叮噹是很多80後的偶像 !
[版主回覆05/12/2013 12:53:17]叮噹算係最佳兒童和漫畫讀物
果時我都想買尼套, 但都幾貴, 所以打消左諗頭
回覆刪除[版主回覆05/14/2013 12:15:43]我前幾天還見到信和一樓、三樓各有一整套8本賣，800蚊以下！
[池上遼一粉絲回覆05/13/2013 23:38:55]信和而家有得買$99本, 攪到我又心思思
[版主回覆05/12/2013 12:56:02]池上兄原來除池上遼一外對藤子也有興趣？這套訂價確是高了些！
題材多元化，也看出日漫勝港漫之處，無容否定。
回覆刪除[版主回覆05/14/2013 12:20:33]睇返本blog雖然以港漫為主，但係介紹日漫似乎更能獲得回應，由此睇到港漫題材窄、讀者少，前途實在不樂觀了
日本版既怪異集???嘩~完全唔覺囉!
回覆刪除似睇緊多部喜劇卡通片集多d喎!
[版主回覆05/15/2013 10:15:38]真係全部唔恐怖喎，只係奇幻怪異咁！
[傻豬回覆05/14/2013 23:36:37]但直覺應該唔會太恐怖囉
[版主回覆05/14/2013 12:23:11]全部都係講怪異事件喎！
不過套書真係有好多故事都好好架，正
原來還有咁多短篇,我只懂Q太郎,除了多拉A夢,他的作品就最愛Q太郎了.
回覆刪除[版主回覆05/14/2013 12:26:48]Q太郎好睇呀！不過這套都有好多好正好睇嘅幻奇短篇，而且最珍貴係9成都係藤子6、70年代作品，强力推介
原來佢有畫短篇故事，真未見過呢套書。
回覆刪除[版主回覆05/17/2013 12:56:43]其實佢之前出過幾套這類短篇架！
早幾日係信和見到, 個價實在太靚.
回覆刪除希望文傳遲D會出Q太郎完全版啦.
[版主回覆05/28/2013 11:32:54]信和賣價己經打咗8折囉！不過誠言都仲係太貴！
我都勁想佢出Q太郎，仲有怪物小王子
這套貴可能因為係初版的關係，現在買會因版本不齊，書脊都唔同，你好好運，我都收唔到！
回覆刪除[版主回覆05/29/2013 22:56:34]旺角信和仲見有幾套賣，睇完貴啲都覺值得，因為收錄咗唔少好睇短篇