公仔書係邱福龍第一本個人作品，套書由龍乘風出版社出版，日期大約係90-91年，龍少個主打故事係"鐵血戰士"，以怪獸科幻類作為龍少第一本作品嘅題材，當然係完全適合佢發揮！
不過實際這套書是一套綜合漫畫，除邱福龍外，主筆尚有周勝、西華、梁偉傑、余健培、李志全等。而龍少套"鐵血戰士"喺第一期內畫足36頁，所以佢第一本單行本作品實為"公仔書"(鐵血戰士)第一期，而"公仔書"(鐵血戰士)第二期只佔一半便完結咗故事，第二期另一半則為周勝接力嘅新故事"魔界追魂"，
第三期就成為百份百綜合漫畫，除有邱福龍與西華合寫嘅"逃走"之外，尚有余健培、梁偉傑嘅作品，邱福龍只畫到第3期，之後就全力投入第二套個人新書"東方不敗"，冇咗龍少，"公仔書"只去到第6期便告完結。
公仔書第一至六期全目錄；
第一期：鐵血戰士(邱福龍)
第二期：鐵血戰士下集(邱福龍)、魔界追魂1(周勝)
第三期：逃走(邱福龍、西華)、魔界追魂2(周勝)、ET GIRL(余健培)、貳星情緣(梁偉傑)、外星趣兒1(余健培)
第四期：魔界追魂3(周勝)、外星趣兒2(余健培)、交換命運(李志全)
第五期：魔界追魂4(周勝)、外星趣兒3(余健培)、夢殺(李志全)
第六期：魔界追魂完結篇(周勝)、外星趣兒4(余健培)、野心胎夢(李志全)
頭兩期封面邱福龍畫
公仔書全書6期完
龍少第1本個人作品，公仔書(鐵血戰士)，兩期完
內容似足異獸戰
周勝"魔界追魂"，5期完
本應今期係選擇咗戇男作品登，不過原因此作品主題貼合一個特別日子，故抽起留返六月四日才出！
下回預告：王澤
無獨有偶, 我早期也寫過一篇.
回覆刪除http://blog.yahoo.com/cjj2009/articles/90741/category/%E6%BC%AB%E7%95%AB%E7%8F%8D%E8%97%8F
這本是我的珍藏！
[版主回覆05/26/2013 12:07:11]原來Albert 一早又寫咗
果時邱福龍既畫功好[恆],好有勁喎
回覆刪除[版主回覆05/28/2013 18:50:57]所以話現今版權條例有得亦有失！
[aaa回覆05/28/2013 11:43:09]係呀,當時筆功好有力,好有勁力,可惜畫異形今日會因版權問題唔可以復刻,可惜
[版主回覆05/27/2013 10:08:55]我都好鍾意佢呢套初期作品，畫異獸異形啱晒佢，不過兩期貨短咗啲！
公仔好書！
回覆刪除[版主回覆05/27/2013 10:10:34]呢套唔錯架，6期玩完就短咗啲！
程兄:有少少意見，圖片方面好像不太清楚（睇完Albert J的相同圖片後），你在資料同文字方面已非常好，如再改善圖片質數就更加一流了。。。
回覆刪除[版主回覆05/27/2013 10:26:37]eric兄一語中的，圖片清晣度對在下來說，確是首要改善嘅問題，因為在下唔用scan只用拍照方式，因為如此可以節省好多scan時間而映到大量封面！不過相機型號舊、像素清晰度較低，故出來照片效果在陰暗天氣更是明顯差，換"架生"似乎是改善嘅唯一辦法，相信我，暫時請忍耐一下，遲些必有改善的
龍哥畫這類異獸漫畫非常到家。
回覆刪除[版主回覆05/27/2013 10:35:38]其實龍哥本就該朝着他最舒服最喜愛最擅長嘅方向去畫嘢，怪獸、異形、超人、龍神、科幻就係至適合佢，但幾可惜現在市場只可容納武打書，所以要一路畫鐵將縱橫2，但唔好意思，在下還是沒有購買欣賞
其實這套鐵血戰士好睇過他第二套東方不敗，只是這套故事太短
回覆刪除[版主回覆05/27/2013 10:43:08]在下都認為鐵血戰士好睇過隨後嘅東方不敗喎！而最慘不忍睹係東方不敗尾段畫到烏喱單刀，曳到不似漫畫，雖然主筆己經換咗唔係龍哥，但係都極之令人失望
昨晚無線分享每周一次香港漫畫有冇睇呀？
回覆刪除[版主回覆05/27/2013 18:40:57]都係黃玉郎作品
[Stella回覆05/27/2013 15:18:08]我都有睇過"臭香港"
[版主回覆05/27/2013 10:50:24]有架！佢哋今集佔相當編幅重點介紹果套"臭香港"，本blog都一早有介紹架，重温一下啦：
http://blog.yahoo.com/_AIJTCUABVJ56MSVGALLVUP2MBA/articles/144322/index
無做市場調查，所以好叻都好，失敗率好高。
回覆刪除[StoryTeller回覆05/29/2013 17:03:15]可惜啦
[版主回覆05/28/2013 18:52:55]好多好畫功有潛質嘅人己經不在本行了
[StoryTeller回覆05/28/2013 17:03:58]這些是否死不認錯，結果浪費了好畫功的人呢？
[版主回覆05/28/2013 11:14:12]以前失敗率己經高，現在就更加之高
近年香港都無晒呢D綜合性漫畫集, 以前, 小強漫畫集, 玉郎漫畫, 漫畫王等等都培養好多新人.
回覆刪除[版主回覆05/28/2013 11:23:46]係！小強漫畫集, 玉郎漫畫....甚至係壽星仔、怪異集都培育過大量新人成為主筆，現在己經無晒呢啲途徑了
謝謝分享！
回覆刪除[版主回覆05/28/2013 18:53:17]多謝光臨
竟然有鐡血戰士和異形故事,唔知當年銷量如何?
回覆刪除[版主回覆05/28/2013 18:55:24]我諗麻麻地所以才咁快完，因當年選擇較多，呢類細出版社嘅書好難生存
有睇，唔錯 !!
回覆刪除[版主回覆05/28/2013 18:56:28]我諗當時大部份漫畫人都有睇過的
幾正喎, 有terminator feel
回覆刪除[版主回覆05/28/2013 18:58:20]係囉，好神似有terminator feel架，龍少畫呢啲異形仔最正
直接叫公仔書咁抵死.
回覆刪除[版主回覆05/28/2013 18:59:43]書名對睇開、睇過公仔書嘅朋友有吸引力架
原來有D咁的書
回覆刪除[版主回覆05/29/2013 09:47:01]仲有大把滄海遺珠架
好利害既書迷，但唔見有 温日良 作品既？
回覆刪除[版主回覆05/29/2013 09:47:59]你好！温日良啲書因為較新，要遲些才出了
尼本小弟仲KEEP住頭三期, 因為有龍少. 戇男作品-情與義?
回覆刪除[版主回覆05/29/2013 09:49:26]頭三期有龍少所以都好多朋友keep。
好嘢！冇錯係情與義！
有無睇過 [財叔] 作品
回覆刪除[版主回覆05/29/2013 09:51:14]財叔有睇過幾本但冇儲，年代久遠了
千面神龍主角出場方式勁似魔界追魂個主角出場,同樣被女記者影到.............
回覆刪除[版主回覆05/29/2013 21:33:39]係？！周勝返抄橋段？等我拎出黎對照下先！
财叔>60年代作品
回覆刪除[版主回覆05/29/2013 21:34:38]財叔好似有成100集
邱福龍吸收了大量噴畫技巧; 經多番刻苦; 作品屬- 仙級'- 世間難尋也!
回覆刪除[歡迎闖進虫網回覆05/29/2013 22:24:30]千日琵琶百日琴!
[版主回覆05/29/2013 21:36:46]世間難尋咁犀利
呢本初期超正, 後期小了龍少畫, 就.......
回覆刪除[版主回覆06/03/2013 10:49:57]冇咗龍少作品撑場確是差了些，佢要搞"東方不敗"嘛
邱福龍第一本個人作品應該是《鐵將縱橫》，不是這本。
回覆刪除[版主回覆07/01/2013 10:48:59]我諗兩套書出版好接近，但將"鐵將"作佢第一套作品亦都啱！因為的確係佢第一套個人作品
[KWOK YAN回覆06/30/2013 13:58:25]我記得的時序不是這樣，邱福龍出《鐵將》仍然在玉郎，是他的首本作品。後來離開玉郎後才出版其他作品如這本《公仔書》。
[版主回覆06/30/2013 10:35:26]其實兩套幾乎係同時製作，事實上"公仔書"出先過鐵將，不過公仔書係綜合漫畫，所以你可以話真正個人作品係鐵將都啱