最初直覺告訴我安達充啲公仔同畫風，絕對唔係我鍾意睇嘅類型，我相信佢啲畫同作品絕對唔啱我睇！
但係當我偶然咁好勉强咁揭過佢一套作品睇咗幾頁之後，從此安達充先生就變成在下至愛至TOP嘅漫畫家！瘋狂咁愛上佢嘅公仔同佢嘅作品，講緊係當我82年初次閱讀安達充先生作品時嘅心情........
時至今時今日，佢係唯一一個所有作品我都會優先睇晒嘅漫畫家！冇錯，佢就係在下No.1至愛嘅漫畫家！
安達充嘅作品好生活化、小品、自然，筆觸清新而簡練，人物感情隨心而就，純真而簡樸，又有對人物性格幽默嘅諷刺，佢筆下男主角通常都係小人物，女主角雖然都標榜"可愛"，但性格通常都係男仔頭。
安達充漫畫風格柔合咗少女與少男漫畫，加入咗熱血青春運動項目元素，所以形成佢嘅漫畫適合男性與女性讀者閱讀，而能夠做到對男女讀者均有引吸力受歡迎嘅漫畫，難度可謂超高級！可以講香港加日本嘅漫畫家可以做到嘅屈指可數！
安達充首部作品見於1970年，1990年時，其單行本突破1億銷量，2008年，其單行本突破2億銷量，佢嘅作品被改編拍成無數大受歡迎嘅電視劇、電影、卡通等！
安達充作品一覧：
《Nine》《九優》 全5冊
《夕陽升起》（《夕陽上升》） 全2冊
《陽光普照》 全5冊
《美雪美雪》 全12冊
《Touch》全26冊
《短篇集》 全3冊
《含羞草》全7冊
《Rough》 全12冊
《虹色辣椒》 全11冊
《H2》 全34冊
《親子戀人》 全1冊
《超能力美空》全5冊
《KATSU!》全16冊
《四葉游戲》連載中
早期作品，陽光普照，有普通版，一套5本，及特厚本全2冊
早期作品：憂傷男孩，全2本
早期作品：NINE，全2本
早期作品：初戀甲子園，1期完
短篇集：藍色浪漫
美雪。美雪特厚本全套共5本：
另一套好鍾意嘅漫畫，虹色辣椒，故事背景是古代還是未來不詳，只知是一個忍者嘅時代.....全套11本
以下是搜集至網絡圖片，一齊來欣賞下安達充先生嘅青春畫作
安達 充本人
自畫像：
大眼公仔，線條很柔，這風格有女性緣喔！
回覆刪除[版主回覆05/06/2013 09:55:52]能够兼顧男女讀者嘅漫畫家，就一定有銷量保證
好多作品 !
回覆刪除[版主回覆05/06/2013 09:57:22]佢啲作品同發行量，都己經算是驚人數量！
安達充的作品真的是經典..構圖 分鏡...永遠給人寧靜感覺...touch 簡直要向他致敬
回覆刪除[版主回覆05/06/2013 10:02:29]安達充絕對係一個頂級漫畫家代表人物，佢嘅作品永遠都係咁平平靜靜，但就含有吸引力，美雪美雪、touch、H2、ROUGH....套套經典！
很多漫畫啊！
回覆刪除[版主回覆05/06/2013 18:40:19]漫畫係人生必須品啊
有點似相聚一刻果隻style
回覆刪除[版主回覆05/06/2013 18:42:38]完全正確！相聚一刻高橋留美子同安達充嘅作品，都係適合男女讀者市場嘅代表！
我只識H2同埋和也'達也
回覆刪除[版主回覆05/06/2013 18:44:20]H2、和也'達也tounh這套作品曾經瘋魔一時架
朋友,午安。祝各位週一身心康泰,開心愉快。
回覆刪除[版主回覆05/06/2013 18:44:52]你好！多謝晒
安達充作品初看時也有與你同感 , 很簡單的畫風 , 起初不太吸引 , 但看後深刻感動.
回覆刪除[版主回覆05/06/2013 18:50:18]冇錯！其實安達充嘅作品都係劇情簡潔、故事平靜、畫風平實簡單，但係配合起來就有齊流行元素、感動同共嗚，真係好正！
最迷佢時就係《Touch》，之後《Rough》同《H2》都有睇，可惜結構完全一樣......
回覆刪除[版主回覆05/06/2013 18:59:01]無錯！睇佢嘅作品好多朋友感覺都係咁；故事簡單、結構、甚至內容情節、以至人物造型，可謂千篇一律！不過鍾意嘅朋友依然會長期咁支持佢嘅作品，呢啲可能就係魅力所在！
不過諗深一層，港漫打書又何嚐不是千篇一律？結構咪又一樣，只係場景打鬥換湯不換藥啫！
電視台節目最近都有介紹，但沒有您的深入！
回覆刪除[版主回覆05/07/2013 11:01:09]留意下先，thx！
[StoryTeller回覆05/06/2013 19:05:22]星期日晚做，上網看啦！
[版主回覆05/06/2013 18:59:58]係？！我完全冇睇過！錯過了
安達充筆下少女確實可愛. TOUCH, H2, CROSS GAME 都係至愛.
回覆刪除但BLOG 主介紹嘅虹色辣椒, 係我維一半途放棄, 因中段實在太悶. :<
[版主回覆05/07/2013 11:05:18]其實當年畫和也死嘅一幕，都表現得好含蓄同平靜，但係就俾到讀者一種突然嘅震憾，呢種漫畫表達手法認真高超！
[Lo回覆05/06/2013 21:17:04]其實當年初睇TOUCH, 睇到和也死, 真係估佢唔到. 可能初看愛情+笑漫畫, 未見過死人. :P
[版主回覆05/06/2013 19:05:08]哈哈，其實佢啲故事好多都預知到劇情同發展，好多時睇佢作品都係要耐心啲體味佢筆觸內所表達嘅魅力，而我就比較鍾意睇佢嘅公仔同畫風，所以覺得套套都好睇
昨晚TVB播懷舊漫畫, 好有懷舊FEEL, 可惜我好少睇的, 所以又答不上嘴喇!
回覆刪除謝謝分享!
[版主回覆05/07/2013 11:08:52]電視播懷舊漫畫，相信會出到唔少令人懷念嘅舊漫畫同一些令人懷念嘅漫畫家訪問
好多人喜歡的卡通呀!
回覆刪除[版主回覆05/07/2013 11:14:22]安達充啲作品應該大部份己拍成電視、卡通或電影了，卡通片大受歡迎之餘，聽講入面啲主角角色係各大藝人爭住演！
以前D少女漫畫, 由兩個半賣到三個半一本, 都幾貴下.
回覆刪除[版主回覆05/07/2013 11:15:31]冇辦法，印刷成本同人工越來越貴嘛
就咁睇封面，好似虹色辣椒既有趣咁喎，可惜無卡通睇。
回覆刪除[版主回覆05/07/2013 11:19:03]虹色辣椒係作者惟一一套古裝漫畫，情節相當得意，好睇
當年我正是在漫畫週刊追看「美雪‧美雪」，而亞視亦差點播放其動畫版（連電視廣告亦出了街），最後卻不了了之，據說由於故事關於兄妹戀（亂倫），因而過不了電檢處
回覆刪除[版主回覆05/07/2013 11:25:01]美雪‧美雪風趣幽默低死又温馨，超好睇
所以話香港啲電檢落後又不知所謂！人哋主角只係哎呀兄妹，無血緣關係，何來亂倫
你最喜歡漫畫家，過了200篇之後才介紹
回覆刪除[版主回覆05/07/2013 11:32:34]有啲朋友鍾意一開blog就率先介紹自己最鍾意嘅嗰個漫畫家，甚至全個blog都淨係介紹自己至愛嗰位漫畫家，不過在下無乜所謂又比較慢熱，喜歡慢慢來，2百幾篇之後先介紹至愛，都未算遲嘅，仲有大把排緊隊出場架
安達充也是小弟喜愛的作家之一, 既然程兄提起, 小弟也來聊聊 ^^
回覆刪除TOUCH的經典, ROUGH淡淡的憂愁, CROSS GAME 的清新, H2的青春熱血等, 簡單的人物配上細膩的背景, 都叫人十分喜愛 (當然不可不提得啖笑的讀者服務) ;
不過, 安達充作品中在情感方面, 就主人翁的描寫, 大多是含蓄而且是喜歡心領神會, 曾有友人笑說, 小時若是看得太多安達充會中毒, 會不自覺追求那份精神上純真的感情, 那是跟現今的現實社會較為難以找尋的...
p.s. 自己個人是蠻喜歡虹色辣椒~
[版主回覆05/07/2013 18:41:36]估唔到亦証明咗真係唔少blog友都係安達充fans，好明顯天白兄亦係好安達充嘅同道啦！你講得幾啱，睇佢啲書有機會上癮同中毒嘅，從TOUCH到ROUGH、到CROSS GAME 、H2等等，其實故事簡練、人物唔多，描寫的感情又平靜含蓄，但係點解咁耐以來仲有大批男女讀者？我諗佢啲公仔同描寫真係幾生動及親和力
又見識了~~
回覆刪除[版主回覆05/07/2013 18:43:20]客氣客氣
與我同一年代呀!雖然不是漫畫迷但都知道其大名,確實有很大感染力。
回覆刪除[版主回覆05/07/2013 18:49:07]哈哈，或者若我向妳介紹漫畫，我只會推薦妳睇下安達充嘅作品
我不太熟悉安達充的作品，只知道touch
回覆刪除[版主回覆05/08/2013 11:41:31]咁推薦你有時間睇下安達充嘅美雪美雪同ROUGH！
淡淡嘅情懷，好貼近生活週邊環境嘅漫畫，都係我至愛漫畫家
回覆刪除[版主回覆05/08/2013 11:42:58]睇安達充同藤子不二雄嘅作品都會有開心同期待嘅感覺
第一次接触安达充先生的作品是在“漫画周刊”连载的“ROUGH",还没看之前确实很抗拒这类漫画，看了过后却迷上了安达充先生的作品，他的短篇作品具有回味无穷的魔力，虽然篇幅短，但是每个故事都很精彩～
回覆刪除[Andy回覆05/09/2013 22:21:45]呵呵！很值得期待啊！
[版主回覆05/09/2013 12:14:50]含羞草都好好睇。我相信安達充先生現在還一直畫落去，累積銷量一定去到一個更驚人數字，而作品之多亦有機會突破手塚嘅總數，期待
[Andy回覆05/08/2013 22:48:13]我第一部购买的安达充漫画是“含羞草”，程兄喜欢的安达充作品也是我喜欢的，看安达充先生的作品是一种享受，现在的港漫只能让它慢慢烂下去。。。。。
[版主回覆05/08/2013 11:53:56]安達充即是長篇作品，都係以短篇形式去完成每一篇，所以佢啲書會睇得好快而唔會有過長沉悶感覺。清新+青春嘅元素就係佢作品嘅魅力所在。同我哋睇開嘅港漫真可謂截然兩個世界！
在下至愛嘅作品係美雪美雪、ROUGH、touch、H2、虹色辣椒、含羞草、KATSU!....
曾幾何時, 也買過Rough日文版收藏, 後來也賣掉了.....
回覆刪除[版主回覆05/14/2013 12:28:56]檔主日文版都買埋
安達充先生的作品中ROUGH同H2都先後被拍成真人電影&日劇
回覆刪除[版主回覆05/14/2013 12:31:05]係呀！啲藝人紅星仲爭住拍，因為知道改篇佢啲作品實收得，紅硬囉
小弟曾經儲晒安達充D中文版, 直至舊年先送晒比人
回覆刪除[版主回覆05/14/2013 12:33:49]點解唔儲呢？雖然佢同池上啲風格完全唔同，但係啲公仔同樣咁吸引！
安達充有新作出版 - "MIX"
回覆刪除[版主回覆05/14/2013 12:37:08]安達充啲書印量好多、版本又多，二手價錢又唔貴，幾時入都得，MIX都係等出齊一套再一次過買黎睇
yeah yeah~我好like安達充...d漫畫架!
回覆刪除其實我都係睇過電視版既touch之後就瘋狂愛上啦!本人很喜歡佢既畫功同故事情節,好喜歡!
最近都好喜歡"幸運四葉草"架!你見我畫佢個樣做logo就知我有幾著迷啦kaka~
我d blog友們都話:美雪美雪,好好睇喎?!我都想睇呀!!!咁你知唔知美雪美雪有冇出過電視動畫版架?或是只係漫畫書架咋?!
[版主回覆05/15/2013 10:18:37]安達充啲故事一向大團圓架！美雪結局更加係好到不得之了......都係唔講咁多，留番有機會妳自己睇
[傻豬回覆05/14/2013 23:38:08]喂喂~咁你記唔記得美雪結局好唔好架?如唔好會那住那住
[版主回覆05/14/2013 12:45:06]睇妳個logo頭像就知妳幾咁鍾意睇安達充啲漫畫啦
佢套四葉草好睇、touch都好好睇！不過在下更鍾意佢嘅含羞草、Rough、H2同虹色辣椒！更加推介必睇美雪美雪，這套有出過動畫版同真人版喎！
勁呀!你也有好多珍藏品
回覆刪除[版主回覆05/18/2013 12:30:03]你啲龍虎門貼紙都好正呀！
印象最深刻是rough
回覆刪除[版主回覆05/31/2013 18:30:20]的確係佢一套好出色作品，在下都極喜歡
安達充，平生最愛日本漫畫家No 1!!! 猶以故事的風格而言，三十多年前由美雪美雪開始，一看難忘！三四十年後，依舊感動我心。
回覆刪除安達充，平生最愛日本漫畫家No 1!!! 猶以故事的風格而言，三十多年前由美雪美雪開始，一看難忘！三四十年後，依舊感動我心。
回覆刪除回覆
安達充都是我最愛,所有作品都收藏!
刪除