壽星仔由301-400集嘅時期，係1986-1988年出版，當年雖然漫畫市場極度蓬勃，但能够去到這期數嘅港漫也就只有龍虎門同李小龍，甚至後來極受歡迎嘅中華英雄、刀劍笑、玉郎漫畫、街頭霸王等等都去唔到這麼長嘅期數，可見"壽星仔"在小強嘅經營下內部非常團結同隱定，
"壽星仔"維持到咁長時間小強應記一功！
這段時期"壽星仔"封面好多都己非小强所畫，內文方面，除了原有"壽星仔"故事，甘小文長駐每期均有幾頁稿，值得一提係小文在這段時期，有幾段鬼故及正經漫畫，這類佢極少有題材，只刋於"壽星仔"之內！除此以外，邱福龍、司徒劍僑、利志達等喺"壽星仔"一書獨家設計嘅海報、月曆，均好值得珍藏，"壽星仔"還不時有其他主筆客串，客串嘅主筆畫稿就有許景琛、黄偉建、邱福龍、清兒李志清、阿富汗、林雨才、大粒墨、好小子、周日明、司徒劍橋、利志達、BEN、大衛兒，主筆之外，"讀者投稿"亦不乏有好多高水準創作，所以一套如此豐富、經典嘅漫畫書絕對係不可多得、難能可貴！
邱福龍400期"壽星仔"海報。
壽星仔301-400封面(在下尚欠2本，找齊後會在此補回)：
小強生日會，馬仔、老馮、小文、興豬等到賀.......
小强+馬仔+?
主筆待尋，周日明是否日月明兄
阿富汗.....
李志清客串一個故事
嘉賓主筆大衛兒
建君黄偉建早期作品刋於壽星仔內！
小文難得一見嘅幾段正經怪異作品......
利志達"中華英雄"月曆
邱福龍嘅壽星仔賀咭、月曆及海報.......
邱福龍嘅壽星仔賀咭、月曆及海報.......
壽星仔名人巨星月曆.........
司徒劍僑貓眼兒月曆
壽星幫海報
500期再見
下回：安彥良和
絕對係港漫時代經典之一 !!
回覆刪除[版主回覆06/17/2013 09:58:58]絕對同意！港漫若缺少了壽星仔，肯定係讀者損失
那兩期Q版異形做封面的超正！
回覆刪除[版主回覆06/17/2013 10:00:13]其他封面好多都好正呀
整套書除壽星仔本身之外，其他作品水準也很不俗！
回覆刪除[版主回覆06/17/2013 10:02:25]壽星仔根本就係漫畫人、讀者投稿嘅表演場，大量有水準作品目不暇給！
睇完會笑
回覆刪除唔睇會愁
[版主回覆06/17/2013 10:03:37]除嘅睇完會笑，仲會好開心架
玉郎漫畫就係將壽星仔嘅路線照抄，只不過玉有明星做賣點，sale本地化，沒有小強sale埋外國科幻，壽星仔除cover、太公報外，其他所有嘢都高玉郎漫畫幾班，而且不小主筆都有參與，又不論內容方向。
回覆刪除程兄文中所提及小文老師的鬼異漫畫，我也好有印象（但就不是文中所post的故事），其講故事能力也不差，可惜對白始終不脫其夾雜粗口、搞笑、無厘頭。如果他朝出到一些小文老師的短篇集，相信也有一定市場。
[版主回覆06/18/2013 10:15:10]冇錯呀，壽星仔後來標榜係本綜合漫畫。玉郎漫畫封面統一啲，但壽星仔封面因為多人參與就成日有驚喜，雖然本書成本比玉郎漫畫細好多，冇佢咁多故事同主筆助陣，但係壽星仔內主筆故事自由度高好多，創作亦冇咁多規範，所以會畫得開心啲free啲，包括封面包括內容都係，這些讀者係會感覺得到的。
甘小文己經出咗好多作品啦，有朝一日會拍住小强同小威了！
駕飛機那張好正呀!
回覆刪除[版主回覆06/18/2013 10:16:19]你會睇到好多封面都好正好吸引同有特色架
你好！本人今日第一次在這處寫字，你介紹的各類漫画很詳細，值得一讚，請問80年代玉郎機構時期出過一套大本裝名叫[漫画王]，可否詳細介紹這套漫画？
回覆刪除[版主回覆06/18/2013 10:24:27]你好！漫畫王係我最早掉去嘅一套書，因為大本阻住比家長狂炳
好怀念八十八代的手彩封面和海报，真的很用心去制作，现在的电脑上色封面就没有了惊喜与美感，感觉冷冰冰的，阿杰多上色的封面是否太泛滥了呢？好希望再次看到龍少的手彩，当年的“漫画王”封面和海报都很有惊喜～
回覆刪除[版主回覆06/19/2013 11:25:17]那時漫畫人材眾多，風格各有不同，畫壇因而豐富精彩，創造咗好多特色精彩嘅封面，小强嘅漫畫就係其中之一！
[Andy回覆06/18/2013 11:27:10]所以八十年代是港漫盛放的年代，每位主笔都在突破自己，不断的尝试各种绘画技巧，封面制作真的很精彩，很多八十年代的港漫封面和海报还残留在脑海里～
[版主回覆06/18/2013 10:32:31]睇返啲封面雖然唔同人畫，沒有統一感，但係呢啲花厘花碌各自表達嘅封面，內容豐富熱鬧，正正是壽星仔封面特色，各畫手為突出自己作品而努力製作嘅封面，好多都有甚高水準！龍少封面確有特色，希望佢結集出近本畫集！
下面有師兄提到玉郎漫畫個COVER, 其實我自己鍾意寿仔同小強漫畫D封面, 玉郎主要靠阮大勇單天保至尊. 反而小強D封面好多元化.
回覆刪除<漫畫王> 周刊, 當年主要係面對海豹嘅漫畫周刊壓力, 所以出左一本大大本, 主要用科幻題材, 又加埋小魔神, 好似出過幾本至十本左右, 小魔神一完, 其他都唔係咁得, 就執左.
[版主回覆06/18/2013 10:41:30]冇錯！壽星仔啲封面冇玉郎漫畫咁統一，但係就够晒豐富同多元化，做到更加天馬行空同熱鬧嘅氣氛，也是各大畫手精心設計嘅表演場，非常之精彩！
漫畫王當年主要是打擊漫畫周刋，早期有好成績但最終都係虎頭蛇尾頂不住，反而漫畫周刊出到600多後才因版權問題而停刋！
無價之寶
回覆刪除[版主回覆06/18/2013 10:43:09]這套書都幾肯定冇人齊一套
「上身」「床下鬼」都好吸引。占士甸的素描很正！
回覆刪除[版主回覆06/18/2013 10:47:18]好多封面都好精彩吸引架，而我都係鍾意鬼怪封面多一啲
聾兄苦弟果張係扮RAIDAS既吸煙的女人封面
回覆刪除[版主回覆06/18/2013 10:49:10]哈哈，講起又係噃，當年在下勁鍾意RAIDAS啲歌
程早晨呀！謝謝您！我祝您週二快樂身體安康愉快！
回覆刪除[版主回覆06/18/2013 10:50:43]大龍兄早晨img](smile)[/img]
看來 程 .....收藏漫畫作品...真喺目不暇給！
回覆刪除[版主回覆06/19/2013 11:28:36]多謝你欣賞，仲有好多不同類型漫畫排隊黎緊
朋友,午安。《少年偵探隊~死亡皇后島幽靈殺人事件(1)》寫成了。有興趣歡迎到訪瀏覽。在此祝大家週二安康愉快。
回覆刪除[版主回覆06/19/2013 11:29:10]又有新作
好有價值的收藏.
回覆刪除[版主回覆06/19/2013 11:32:42]對在下黎講算係好有價值
原來壽星仔咁多有趣的題材
回覆刪除[版主回覆06/19/2013 11:36:05]係！啲故事題材隨着流行而走，電影、電視劇都會被改篇加入書內！
程:早晨!有紀念價值...謝謝分享!
回覆刪除[版主回覆06/19/2013 11:37:11]早晨！歡迎光臨
死囉，我都唔記得畫過呢篇稿，因為吸血小伯爵那段期間的壽星仔一本都冇留起，而家見番有點恍如隔世，兩段都有羅永康客串。
回覆刪除[版主回覆06/19/2013 22:15:28]Ben哥，呢段期數壽星仔見到你有唔少篇作品，吸血小伯爵相當得意
小强+馬仔+........
回覆刪除好似係馬仔親妹淑珠…
[版主回覆06/19/2013 23:25:21]哈哈，好嘢！中
壽星仔/小強漫畫集之後香港都冇一本漫畫係咁鼓勵同接納讀者投稿…
回覆刪除[版主回覆06/19/2013 23:30:35]壽星仔/小強漫畫集真係差唔多期期有一頁讀者投稿，好多畫稿質素甚高，礙於篇幅無法一一刋登，但小强真係俾好多機會新人，難怪佢咁受後輩愛戴！
只知周日明画鬼故，曾与黄仲伟合編《魔异集》，是八十年代冷门鬼书。
回覆刪除[版主回覆06/20/2013 10:22:26]魔異集有印像，但唔記得周日明有份畫！
我對壽星仔都係嘛嘛地....
回覆刪除[版主回覆06/24/2013 18:32:54]咁又係，果時太多選擇，但細路仔邊有咁多錢買公仔書？唯有揀啲啱睇嘅漫畫，而壽星仔通常係擺後啲嘅選揀
[歡迎闖進虫網回覆06/22/2013 20:22:16]所以就算鍾意食都睇季節; 唔鍾意就自動行遠D....70年代邊有家陣咁多有錢人, 唔揀住; 就住嚟睇....都唔得啦
[版主回覆06/22/2013 11:17:57]當然唔會個個都咁適應佢啲漫畫，就好似食榴槤咁，鍾意就上晒癮，唔鍾意嘅就離遠就避開
昨晚"畫時代"有介紹甘小文呢! :)
回覆刪除[版主回覆06/24/2013 18:35:36]昨晚介紹嘅漢民甘小文遲啲都會再介紹架
文傳不知是否會在動漫節推出一本”壽星仔“精裝合訂本湊湊熱鬧？
回覆刪除[版主回覆06/26/2013 21:58:56]我諗都好難再出壽星仔精裝合訂本咯，不過小强自己遲啲就會出本畫集