橫版漫畫連環圖大概約70年代中後至80年初產物，而基於排版、版權、原稿遺失、銷量、稿質等問題，絕大部份這時期橫版書，己經沒有重新復刻機會，當中這些漢民橫版留存量極少，即使80年代嘅時候，好多讀者己無緣欣賞佢嘅橫版舊作了！
因為80年代中期鬼書甚受歡迎，"怪異集"須求大量故事題材，於是漢民先生想出了"舊稿新畫"嘅構想，就是參照了他自己以前嘅橫版舊故事，選取當中精彩、自己鍾意嘅舊作重新再畫，變成直版嘅怪異集故事，所以有少量漢民橫版故事，得以"重生"，橫版同直度版都同出自漢民手筆，故事相同，但裏面嘅公仔造型、背景、編排都有分別，於是舊著與新著，橫版同直版，以如此形式出現，全港只有漢民獨有。
魔樹非鬼書，而係科幻怪異類；植物學家抽取培植樹液注入自己體內，產生異變，最後變成了失去理智嘅殺人魔"樹人"，到醒覺嘅一刻，迎接他是悲慘嘅命運同結局.......
漢民喜歡這個故事，於是多年後再按照橫版"魔樹"重新再畫，取名"食人怪魔"刋於"怪異集"57期內。
橫版"魔樹"與直版"怪異集"食人怪魔"對照
變成樹人對照：
橫版內最後還有祁文杰等搞笑四格，同樣經典精彩！
下回：東方庸、畫松樓
漢民橫直對照...我反而覺橫度仲靚啲
回覆刪除我見有些人在facebook 像你放懷舊書分享，不如你都考慮開個faekbook...會更多人看到..(yhaoo小咗好多人,我都主力在F)
如你開咗記的add我
[版主回覆06/07/2013 14:22:54]好多朋友都覺得舊作好過新作
facebook格局似乎暫時唔啱我這類須要擺好多圖片嘅人，所以冇考慮過用facebook，若開咗當然會add你
對呀,咁有心思、誠意的精彩作品,好讓更多人可以欣賞到呀!
回覆刪除[版主回覆06/07/2013 14:27:27]這些書己經好似武功秘笈咁失傳咗
樹魔正呀,好想睇
回覆刪除舊版個名正D呢
[版主回覆06/08/2013 09:45:57]舊書情意結，舊嘢幾時都吸引過新嘢
舊稿新畫还有甚么例子？
回覆刪除[版主回覆06/08/2013 09:50:10]記憶之中橫版前世人、陰間都有舊稿新畫
三劍俠中, 我較喜歡祁文傑的漫畫. 程兄有介紹過祁文傑的作品嗎?
回覆刪除[版主回覆06/08/2013 09:53:08]祁生個人作品好少喎，我仲有本咸趣花生、祁趣錄，不過唔記得擺咗喺邊
魔樹封面氣氛好正！本書好新淨
回覆刪除[版主回覆06/08/2013 09:56:42]漢民封面一向好吸引嘅，呢本書我曾有三本，當然揀返本9成以上新留返比自己
這些書現在真的極難見
回覆刪除[版主回覆06/08/2013 09:58:38]聽啲朋友話原來這本是好罕見下喎
祁文杰的笑話當年我都好捧塲,漢民先生無論科幻鬼故同樣精彩.
回覆刪除[版主回覆06/08/2013 10:01:08]祁生啲笑話唔錯！漢民鬼故稱王，但其他科幻怪異類一樣無得彈！
早晨老友記：我祝您週末週日快樂身體安康愉快！
回覆刪除[版主回覆06/08/2013 10:55:56]週末愉快呀朋友
魔樹畫風不錯
回覆刪除[版主回覆06/09/2013 10:57:39]漢民舊作够晒吸引
原來恐怖的漫畫也不少
回覆刪除[版主回覆06/09/2013 10:58:44]絕對、直情係多到滿潟
兄台識唔識90年代中唔知邊本鬼漫畫中
回覆刪除有個專欄[異色迷離]其中有個由陳學海畫既[廉價漫畫]?
果個好正,好想睇番,兄台搵得到嗎?
[版主回覆06/09/2013 11:01:53]我都勁喜歡陳學海啲作品，怪異集尾段部份就連載咗好多佢啲作品，遲些會介紹下
啊！原來漢民是「新著」的先行者！
回覆刪除[Andy回覆06/11/2013 12:06:56]总好过文传的扫描版和玉郎的不知所谓版多多声，卖座率一定比新著强，希望文传不妨考虑考虑～
[版主回覆06/10/2013 13:43:04]原汁原味的舊龍，再加少少修訂，一定有市場啦，慳水慳力咁重畫，又執多一千幾百期，有得諗架
[Andy回覆06/10/2013 10:34:35]要原汁原味的旧龍啊！经典的港漫肌肉纹，剧情和构图及文字就算照抄旧龍都无所谓，到时一定支持～
[版主回覆06/09/2013 11:07:23]冇錯！舊著重畫漢民係先行者，龍虎門就發揚光大，連入面啲內容橋段都改變晒！我諗遲啲可以再出返套真正依照舊書重畫嘅"龍虎門"，一樣有銷路，又可以做多千多期架
我對港漫印象不多，如魔樹的介紹，感覺新鮮
回覆刪除[版主回覆06/10/2013 13:47:50]以前一些懸疑科幻故事，其實係非常好睇，若只集中於某一兩類題材漫畫，重複又重複，其實失去咗好多樂趣
一直都觉得漫画出修订本是应该重新去修订漫画错漏的地方和修订部分画面或实景，最好能修订一些因周刊连载而出现一些不合理的剧情，作出适当的增删。看到漢民很用心的重新绘制自己的旧作，赋予了旧作新生命（漫画王连载的小魔神和小傻仙有一点惊喜），就像金庸再三的修订自己的作品般，回顾整个香港漫画坛，类似的情况可谓少之又少，失败的新著比比皆是，那些雄心万丈的主笔想要超越旧著，最后都落得狼狈收场，哪怕是原作者~
回覆刪除[版主回覆06/13/2013 21:50:52]風雲合訂本除新馬有市場，還有台灣市場，而內地也有些須求。
潮珍版其實市場唔太適應這種版本，可能係長久以來大家習慣了薄裝港漫，所以現時香港都好少出潮華版。
[Andy回覆06/13/2013 16:59:00]“风云合订本”还有新马市场，相信还有盈利，其他合订本漫画在马来西亚就买不到了，代理商连玉皇朝的潮珍版也没引进。。。
[版主回覆06/12/2013 22:59:37]風雲好賣應該出得晒，其他就難講了。不過現在出咁多以前嘅合訂本，某程度上代表了新書唔係好得要靠賣舊貨幫補市場
[Andy回覆06/12/2013 22:29:20]确实那些合订本都是不完整的，销量不好就腰斩，现在唯有希望出了20多年的“风云”合订本能坚持下去，相信“风云”会是香港出版最久及最多期数的合订本漫画了～
[版主回覆06/12/2013 09:21:52]舊著漫畫要學金庸咁重新修訂是須要好大勇氣和金錢，相信現今市道下冇人會咁做。可以賺錢嘅都出晒合訂本，好似舊龍咁，出咗N套合訂本，出到最好賣嘅期數之後腰斬就算數，所以冇一套合訂本是完整出完，真係好識做生意，哈哈.....
所以更枉論要求嘥心機出重新修訂版！
[Andy回覆06/11/2013 12:32:53]重新修订是需要投入心血与金钱的，部分画稿更需要重新制作，奈何出版社只注重眼前利益。玉记的潮珍版就越出就越薄，天2的“始皇功业篇”就惨被阉割了，希望出版社多尊重读者，出版有质数的漫画或合订本，读者是会拿着新著与旧著对比的，新不如旧只能说明该主笔的能力连以前都不如～
[版主回覆06/10/2013 14:05:30]將啲經典漫畫重新修訂再出，都係一個吸引方法，我諗銷量會好過完全百份百復刻，但係現在嘅萎縮市場，好難保証唔蝕！以前就一定冇問題。
漢民能够一早諗到咁樣做，足以証明佢係先知先覺高層次級數嘅港漫畫家！
現在打着新著，或者新一輯嘅書比比皆是，皆因新作一波弱過一波、新著可以超越舊著者，鳳毛麟角。太多"新著"太多"新一輯"，了無創新，讀者都厭倦，所以永遠超不了前著！
很有余過四人夜話的味道，我自已反喜愛這類短編漫畫，可惜現在港漫並沒有這些漫畫
回覆刪除[版主回覆06/11/2013 10:36:15]係，以前鬼書唔少取材自余過四人夜話，佢啲短篇故事非常適合改篇漫畫，當然再加上漢民畫就更加錦上添花！
程兄對於六七十年代o既畫壇情況同作品, 好似有好深研究?
回覆刪除[版主回覆06/12/2013 09:26:55]其實都係睇以前作者嘅專欄、讀者信箱，從而了解、結集嘅信息，唔算什麼深層研究啫
呢本一睇我已覺好熟面口，原來正是怪異集出版過~
回覆刪除[版主回覆06/15/2013 11:22:15]仲有幾本係咁架，遲啲再介紹。
陰間都係，各有各風味，怪異集畫功時期係好啲；但橫版的故事編排較細緻
回覆刪除[版主回覆06/18/2013 11:31:17]冇錯！陰間都係！你講得啱怪異集時期畫功係好啲，最簡單大家比較近兩本封面個女仔，己經靚咗好多！橫版的故事編排較細緻、格數够多、頁數够多，相對內容就比較詳細一些！
中意魔樹既故仔。
回覆刪除[版主回覆07/06/2013 18:47:46]個故仔係非常好，樹人悲慘下場令人無奈！