活屍係漢民先生怪談系列嘅作品之一，83年出版，兩期完嘅故事相對於漢民嘅作品己算是"長篇"，亦係好早期以彩色印刷嘅鬼書！
編寫鬼書除了公仔要嚇得人、有氣氛之外，內容編排同講故事能力都好重要，尤其是鬼故，咁先可以感染讀者興趣，否則就算有好好嘅故事橋段而編排混亂、欠缺講故事能力及感染力，套書出來效果就大打折扣！
"活屍"就完全係一套好吸引嘅鬼書示範本！有齊所有以上須要具備嘅元素。
本性善良嘅男主角生意失敗加上失戀，於是跳樓尋死，但在跳下嘅剎那被"魔鬼"所救，從此被它控制，成為無痛無感、不死不滅嘅"活死人"..........
魔鬼控制着男主角做出種種違背心願嘅壞事，在過程中慢慢成為最有財有勢喚雨呼風嘅黑道大佬，但權力令人腐、利慾可薰心，善良嘅男主角最後被培育成兇殘邪惡嘅人，原來這一切只是一塲魔鬼嘅實驗......當魔鬼決定要離開唔再擺佈男主角時，他最終的下場會是怎樣？！
套書唔係恐怖嚇人，但係恐怖嘅係財富權力令人心變質嘅信息，一套發人深省嘅故事！
睇反以前漢民啲書格數多而細密，絕無欺塲，比較現在嘅港漫絕對再見唔到有咁密嘅格數......
享受酷刑......
變成殺人機器.....
魔鬼控制....利慾薰心、篡權奪位.....
最終變成了"魔鬼".........不過善惡到頭終須還，是本書終局......
同依家啲喪屍片差唔多咁喎
回覆刪除[版主回覆06/26/2013 21:11:14]啱啱睇完套"地球末日戰"所以專登拺選這套書post上黎先
封面好正,好實感,
回覆刪除畫功幾有70年代日漫感
[版主回覆06/26/2013 21:15:12]封面够晒吸引啦！
港漫鬼故大王漢民，鬼故好睇過當時日漫鬼書，畫功亦比起大師級了！
我對他認識不太深，不過能畫到那麼多本鬼怪的書，他想他的創作力真的很好
回覆刪除[版主回覆06/26/2013 21:19:11]當時因鬼故須求太大，所以漢民鬼故好多是來自小說，不過當然佢嘅故事編排同氣氛亦好重要，都係成功因素！
我最中意睇last版嗰D場面！
回覆刪除[版主回覆06/26/2013 22:33:10]咪制呀！個男主角攪完之後，下一頁就瓜瓜
不愧是(鬼王)真人原來是咁莊重.
回覆刪除[版主回覆06/27/2013 18:16:51]依家係鐵板神數大師
真係好鬼正,初出版有買來睇,好懷念
回覆刪除[版主回覆06/27/2013 18:17:59]係佢其中一套好睇嘅作品
漢民，必讀既書之一，到今日重記得有個換頭既故仔
回覆刪除[版主回覆06/27/2013 18:28:06]佢有唔少故事都好深刻，睇到封面就記起內容
最怕鬼故……
回覆刪除[版主回覆06/27/2013 19:29:54]炎炎夏日最好睇鬼故
啱啱睇左畢彼特喪屍片！
回覆刪除[版主回覆06/27/2013 22:47:55]我都係啱啱睇咗，所以就諗到呢本
星期日, 看到無記劃時代訪問左漢文, 諗細個都買過多期怪異集, 佢畫公仔好令.
回覆刪除[版主回覆06/28/2013 10:56:58]以前睇鬼故最好睇嘅就係漢民畫嗰啲，公仔靚故仔又吸引，都己成為集體回憶
漢民早年鬼古好有心機；不過到怪異集週刊後就一般了
回覆刪除[版主回覆06/29/2013 18:44:00]係，當時睇鬼書第一本梗係買咗怪異集先，別無選揀，就如買打書先揀中華英雄一樣
[oiman回覆06/29/2013 14:27:05]是的，不過我個人喜好都是怪異集週刊前，特別是頭三十期；但週刊後內容的確豐富咗，有不同的短篇登場，更加插多篇真人真事，當年睇得又驚又要睇
[版主回覆06/28/2013 18:54:16]早年嘅橫版同直版鬼古唔錯，而怪異集都唔差，無論畫功、銷量同人氣都係最好，也是漢民古鬼同事業高鋒，至今好多人都將漢民、鬼古、怪異集劃上等號！
鬼故事,有d驚驚地.....
回覆刪除[版主回覆06/28/2013 18:56:12]睇鬼古係要驚驚地至啱
真係勁，E本你刀友
回覆刪除[版主回覆06/29/2013 12:57:48]E套比較鍾意，所以唔只有一套
怪異集之前直版怪談該不多過30本
回覆刪除[版主回覆06/29/2013 12:58:29]直版怪談共有22本
漢民著作內容一向帶有些警惕世人意味,強調善惡到頭终有報,所以他著作故事內結局壞人一定不會得到任何利益回報
回覆刪除[版主回覆06/29/2013 13:09:13]冇錯！其實一位良心作者係應該多啲注重故事內容同結局排編，若角色太過宣染暴力强者、壞人不死，對某部份讀者影响係好負面嘅！
佢好少寫其他題
回覆刪除[版主回覆07/01/2013 10:19:34]因為佢啲鬼故銷量好好多！
[Jim Lai回覆06/30/2013 11:14:23]所以豪放女比較少有
[版主回覆06/30/2013 10:31:22]最早期寫過唔少愛情故事，之後就集中寫怪異同鬼故類
創作漫畫的作家們，都很富於心思和技巧。
回覆刪除[版主回覆07/01/2013 10:18:35]漫畫同創作係分唔開，但亦有唔少係參考小說故事