內容方面；
"最後一星期"，三個病人被醫生告知只有一星期生命，三個不同命運、不同階層背景嘅人，他們用三種唔同方式去面對死亡，而最後嘅結果亦都各自不同！警世勵人反省，這類故事現今睇雖己非新鮮，但是咁多年前嘅漫畫可以出到這類題材同故事，依家港漫冇這類引發思考嘅漫畫！
"生靈"，女主角被壞人追殺，丈夫憑耳邊出現嘅奇異幻聲指引趕到案發現場救出妻子，送院檢查原來己經懷孕，咁男主角耳邊的呼叫聲是否妻子肚內嘅"生靈"在危急情救了母親呢？
兩段故事都唔算鬼故，而畫面簡單，沒有豪華細緻嘅背景、沒有絢爛瑰麗嘅色彩和招式，但係那時嘅畫中氣氛、故事情節，今時今天再睇返一次，都仲覺得好睇過而家嘅書喎！
點解？！唔係話依家啲書畫功差咗、畫面曳咗，但係一味靠打嘅內容同情節，打咗4、50年嘅港漫主流，今日還就只能留住少量讀者！沒有小朋友啱睇嘅益智啓發思考想像力如"叮噹"、又沒有女性讀者啱睇嘅愛情故事類和男女都啱睇嘅懸疑鬼故類，所以讀者群越來越窄得返一小撮追看咗幾十年打書嘅"大朋友"睇漫畫，只剩返一少撮"大朋友"睇嘅漫畫而缺少咗啱小朋友同女性讀者啱睇嘅漫畫，單一化、空泛、一味靠打，趕走咗其他類型讀者嘅漫畫市場，餅只會越做越細，是畸型同走向末路嘅發展！
睇開在下blog嘅朋友，都會清楚在下儲書嘅題材是多元化，所以至唔鍾意就係睇到今日咁單一乏味嘅局面，也正正是這樣才會覺得現時嘅港漫趨勢越離譜，有資金但冇心機冇勇氣嚐試其他題材、害怕失敗者，就唔好怪讀者離棄了！
本篇執筆發帖之前，有位本blog讀者，私下都有好多次email聯絡同傾談，他告之在下將會訪問謝志榮先生，故在下配合本篇也摷返本謝生舊作刋登，也祝你訪問成功
謝志榮好像有套天龍記是嘛？
回覆刪除[版主回覆04/15/2013 10:10:29]冇錯！以前有套天龍記，係小說射雕嘅故事
很可惜謝志榮沒有一部代表作。
回覆刪除[版主回覆04/15/2013 10:12:33]又真係諗唔到邊套可以算是謝生代表作，鐵血英雄好勉强算吧
未聽過呢!
回覆刪除[版主回覆04/15/2013 10:14:32]以前出過好多一本過漫畫，好多未必見過架。
現在D漫畫書, 打多, 內容乏味, 對白少, 而且俗. 小朋友睇多了, 學壞, 最慘連文章都寫得一塌糊塗, 一句接不了一句.
回覆刪除[版主回覆04/15/2013 10:27:34]現時香港主流啲連環圖咪靠打靠除衫、靠爆粗，所謂編劇喎，除咗識靠改編流行小說之外，統統不知所謂
謝志榮都出過唔少，畫鬼故幾好，另有一種味道，有時故事同劇情，加上有懷舊因素，新書無可替代！
回覆刪除[版主回覆04/15/2013 10:34:46]以前除漢民之外，謝志榮啲怪異題材漫畫都ok架，舊書嘅印像比睇一本新書嘅記憶深刻好多，是否因為故事情節比較有戲味啲呢？
以前呢類漫畫, 是否給小朋友睇的呢?!! 題材好成年人~~
回覆刪除[版主回覆04/15/2013 10:41:28]以前這類港漫未必啱小朋友，不過題材繁多，歷史漫畫、愛情故事、怪異題材、搞笑輕鬆，科幻、超人怪獸、綜合漫畫，梗有得選擇，男女都有啱睇嘅漫畫
現在D漫畫, 不論繪圖, 或是題材, 或是對白, 粗俗不堪. 對社會確實有害冇益. 單看現時的街霸, 網霸, 校霸, 斬殺父母, 便知有多恐怖.
回覆刪除[版主回覆04/15/2013 11:18:54]粗俗不堪不是代表全部，但係有某部份就搞到全部形像差咗！不熟識嘅朋友會以偏概全，所以港漫便在某些朋友心目中係負面的！但係漫畫業界不可怪別人指責苛刻，因為消費者、讀者付出，就有批評嘅權利！
當我還記得當年自由人劉定堅如何變質，對港漫造成幾深遠影响.....但這亦只是其中禍延港漫嘅其中一糟例子啫！
謝志榮現在那行業發展？
回覆刪除[版主回覆04/15/2013 11:47:22]好似幫人睇相、出書，佢好似有FACEBOOK！
好似有啲印象~
回覆刪除[版主回覆04/15/2013 18:48:51]這本都算幾少見！
你簡直說出我的心聲喇真係
回覆刪除其實都要多謝你介紹咁多本好書,好讓我們知道以前真的不少佳書架!好似呢本咁..齋睇書面真係唔知講咩?要你執筆提攜下才會顯得光芒,雖好像有點跨張,但事實如是嘛..讓我們好好懷念...曾經有段多麼值得閱歷漫畫既回憶
呢本俾你講左D故事內容,本人非常有興趣,好好好好睇囉!難得你仲珍藏得咁好,犀利呀
[版主回覆04/16/2013 10:46:45]我呢啲星斗微不足道小讀者都係無聊時發下嗡風啫，唔駛鼓掌咁客氣咯
我都係因為冇乜新書睇所以先至登返啲舊嘢緬懷下咁
多元化真係好重要呢!
回覆刪除[版主回覆04/17/2013 09:56:18]係！乜嘢太過單一無選擇都係唔掂嘅！
就算畫功也無現在比以前進步感覺，現在也無甚麽突出風格，模仿前人居多，充其量算是印刷品質比以前好，加上有電腦輔助
回覆刪除[版主回覆04/17/2013 10:05:52]係！好似龍虎門天下咁，個個主筆都係咁嘅風格畫風，讀者好難有驚喜同新鮮感！
現在又的確係靠電腦多一些、鑽研畫功上就少咗，成日聽見人話某某主筆啲畫功"回塘"，可能確有其事！
幾有松森正FEEL
回覆刪除[版主回覆04/17/2013 10:07:36]以咁多年前啲作品，算係咁啦
非常認同你的講法.
回覆刪除[版主回覆04/17/2013 22:33:49]純個人愚見啫
其實謝志榮都好用心，可惜際遇麻麻
回覆刪除[版主回覆04/18/2013 18:49:25]係！少咗一兩套代表作，喺漫畫成績上應該可以再好啲！
謝志榮黑白舊作品靚好多。。。。
回覆刪除佢最近好fackbook活躍,你有冇add佢？
[版主回覆04/18/2013 18:53:56]而家都冇時間玩fackbook，冇睇過，所以都唔知邊個打邊個
大約在《超人之子》《陳真》(套作品好似叫精武英雄…？) 時期我覺得謝志榮會有潛質，可惜之後冇進步之餘仲越畫越差，完完全全被師兄弟老馮馬仔遠遠拋離…
回覆刪除[版主回覆04/19/2013 11:06:18]超人之子時期嘅謝志榮真係好有潛力，但係冇打鐵趁熱持續落去，之後冇乜進一步嘅代表作真係幾可惜
嘩這本太厲害了吧~~~我想要啊~~~
回覆刪除[版主回覆04/20/2013 10:20:44]今期出咗啦，漢民你會更啱啩