忍忍忍忍....藤子不二雄 A嘅另一套名作"忍者小靈精"，主題曲深入民心無人不識，"忍者小靈精"書內人物小靈精、健仔、小玲瓏、獅子狗、甘麥基、俏皮猫......耳熟能詳，故事結構簡單，漫畫簡潔易畫，但能瘋魔萬千讀者，是為漫畫至高境界！藤子不二雄嘅作品就有這種魅力！
日本富山縣的冰見市，這裏正是"忍者小靈精"之父藤子不二雄 A 的故鄉，全市有"忍者小靈精"專設火車、人物塑像、博物展品館，充份體驗咗日本政府、市民對漫畫作者嘅尊敬和喜愛！
"忍者小靈精"，1964年首連載於漫畫周刋內，較叮噹更早成名，香港TVB無綫於1983年首播"忍者小靈精"卡通，其後文化傳信出版全套共16本"忍者小靈精"，直至今時今日相信大家都還記得"忍者小靈精"吧！
1964年作品，全套16本，好多朋友還未出世...
日本富山縣的冰見市嘅小靈精專車、塑像、展品館....
藤子不二雄A
忍者小靈精大結局係點？
回覆刪除[版主回覆04/06/2013 09:57:56]大結局冇乜特別，都係一個短篇故仔，講健仔媽媽記憶返以前鍾意睇嘅漫畫書....
小靈精雖好，我至愛都係多啦A夢
回覆刪除[版主回覆04/06/2013 09:59:40]小靈精係佢成名作，而多啦A夢係佢最著名作
我好喜歡這齣動畫.
回覆刪除[版主回覆04/06/2013 10:00:55]係真正啱小朋友嘅卡通片代表！
我都係鐘情叮噹多啲.
回覆刪除[版主回覆04/06/2013 10:02:09]冇辦法，叮噹實在太多人鍾意太出名啦！
你是超級漫畫迷，
回覆刪除[版主回覆04/06/2013 10:07:30]我諗仲未算真正漫畫迷，因為在下還有選擇性收藏，而且好少儲埋漫畫週邊產品如手辦、貼紙、兵器、特別版，所以未算"超級"，更唔算"瘋狂"
主題曲仲記得點唱~ 又越過高山, 又越過谷...(廣東話版) ^^
回覆刪除佩服日本可以整架專車俾忍車小靈精~ 相反港鐵肯唔肯整返架
麥嘜, 老夫子專車呢 ><
[版主回覆04/06/2013 10:13:18]這首卡通歌真係至尊金曲，我哋細細個己經唱到熟
日本在對待"漫畫"這方面嘅專注同認真程度，真係冇得比！香港政府唯一做到嘅就係設咗一絛漫畫星光大道。
好正，日系漫畫影响我們很大
回覆刪除[版主回覆04/07/2013 10:09:03]同意！日漫影响力好大，唔只對香港！
忍者小靈精，我對這些日漫，在那個時候我已甚少去睇，但還是能深入人心，這真是了不起！
回覆刪除[版主回覆04/07/2013 09:45:51]好似叮噹、忍者小靈精呢類漫畫，即使你唔去睇，都一定會從唔同渠道接收到佢嘅訊息、聽過佢啲主題曲，呢啲就係佢潛在力能！同一啲無聲無息出完便消失嘅漫畫有好大分別！
最中意都係叮噹.
回覆刪除[版主回覆04/07/2013 09:46:50]叮噹確是日漫之中無可取締嘅作品
睇佢大架！
回覆刪除[版主回覆04/07/2013 09:49:31]藤子嘅叮噹、Q太郎、神奇小子、忍者小靈精等，陪伴着一代又一代小朋友成長
最懷念是那首主題曲：又遇過高山又遇過谷，忍者身體似飛機，天空任意飛.......
回覆刪除[版主回覆04/07/2013 09:52:43]套書賣得，連帶套卡通收得，主題曲都一樣令人難忘，代表呢套作品威力有幾强大！
漫畫王都有個港版的！ ^^
回覆刪除[版主回覆04/07/2013 18:50:18]記得好似有叮噹，由小威畫，但唔記得還有小靈精。
YES,我好LIKE忍者小靈精,Q太郎同神奇小子架,反而叮噹就麻麻地!!
回覆刪除我好少睇漫畫,多數睇毛線播,好好睇囉!
最遺憾係我買唔返忍者同神奇小子既玩具,想懷念吓囉嘻嘻~
[版主回覆04/08/2013 13:29:38]其實四套作品都好好睇各有特式，果時呢幾套電視卡通片真係好多人追看，我哋印像深刻，現在睇返真係勾起唔少回憶架！
若果你鍾意儲公仔，我諗這些公仔、玩具俾你見到實唔會放過
我印像還有怪物小王子、超能力魔美、奇天烈百科全書等等
回覆刪除[版主回覆04/08/2013 13:31:37]你講得啱，還有這幾套，只係稍後冇咁熱門，我遲些都會介紹下。
当年电视播其动画，每晚必收看。而八十年代初，卡乐B薯片送卡通咭，包括《忍者小灵精》、《叮噹》、《IQ博士》。《忍者小灵精》的咭背面介绍忍术，而《叮噹》的就介绍法宝。
回覆刪除[版主回覆04/09/2013 09:38:39]犀利！卡樂B送卡通咭金兄都記得！我剩係記得"乖乖"當年每包送小玩具咋！
當年這幾部卡通全部大熱，冇乜小朋友未睇過，今時今日這些人物這些漫畫己經成為我們童年回憶嘅一部份，所以依家儲返嘅唔係一套書咁簡單，而係一啲美好嘅回憶
又一經典，正！
回覆刪除話時話忍者小靈精結局係咩？
[版主回覆04/09/2013 09:44:38]"忍者小靈精"確是己經成為經典
結局最後一篇其實並無特別，也無完結聲明，只係普通一篇短篇故事，這類沒有結局、樣完未完嘅書，隨時可以伸延再畫之外，亦給予大家想像與期待
當年因為這套卡通片，使我愛上了忍者 。當年筆和筆盒都有忍者圖案
回覆刪除[版主回覆04/10/2013 09:59:59]藤子嘅漫畫改篇卡通，都會成為大熱，小靈精也不例外，簡單得意嘅造型，留下嘅印像卻是深刻！帶給我們不少回憶！
好可愛的忍者小靈精呀
回覆刪除[版主回覆04/10/2013 10:00:57]古怪得意本事又可愛，正
很多80後的男男女女，都是叮噹迷！
回覆刪除”又越過高山，又越過谷！”叮噹嚟啦！藤子不二雄，創造了一個嶄新的漫畫高峰！
[版主回覆04/13/2013 10:31:09]藤子不二雄所創造嘅漫畫角色，確己成為經典卡通代表，例如叮噹系列電影在日本己突破一億入場人次嘅最高日本紀錄，更成為日本申辦2020奧運大使！
这套文传版的我也有买，小时候也买过“漫画王”里连载过的山寨版“忍者小灵精”的单行本，藤子不二雄先生的作品都是让人爱不释手的～
回覆刪除[版主回覆04/16/2013 13:32:55]這就是源於對作品對漫畫和對讀者嘅尊重！幾時要買返一本舊日漫來重温返都非難事，各種新舊版本齊備，圖書館亦有，相反喺香港要揾返本舊港漫睇，除龍虎門中華英雄熱門之外，其他好難揾返，或是期數殘缺不全.....因為除咗小部份儲漫畫書之外，根本冇人會關心賣剩舊書如何處置，最終都變廢紙！
[Andy回覆04/16/2013 11:21:29]日漫的复刻版真的做的很好，除了少部分失去原稿才采用复印版，基本上都是采用原稿印刷的，而且也会在书上标明哪些是没有原稿的复印版，港漫的复刻版就直接拿扫描版来出版，封面也用PS去掉文字来处理（旧龍），港漫的故事也只局限于一小部分的读者，所以就越卖越差了～
[版主回覆04/15/2013 10:57:02]咁經典出名嘅漫畫，點都要儲返套！藤子先生嘅作品係有其吸引之處！港漫就係欠缺這類適合大小朋友睇嘅漫畫，所以藤子不二雄嘅書在香港、以至在亞洲不愁冇人買，再三復刻都有銷路！