旦凡黄偉釗、謝志榮、李高嘅書，己屬7、80年代冷門代表者，加上這套"驚心動魄"係80年代出、鬼書、銷量不高，種種因素結合，相信這套書冇任何人可以集齊一套了！
但係黄偉釗、謝志榮、李高這三個組合陣容，己經够晒吸引有足夠嘅收藏理由了吧？套書在下尚欠十餘本，唯有日後找到再在此補回。
"驚心動魄"係黄偉釗畫完"鐵血螳螂"之後緊接嘅作品，所以套書係屬於早期最長集數嘅鬼書之一，1985年玉郎圖書出版，1-36期全書皆為黄偉釗一人作品，37-45期加入謝志榮作品，46期後再加入李高作品，53期之後更有袁家寶、葉明發、鍾國光作品，當年都還是新秀嘅早期作品都曾在此書內發表！
由於圖片及主筆作品太多，本帖無奈要分兩part推出，今次先貼1-45期，全部為黄偉釗、謝志榮作品，餘下期數將於下次part 2再出
書目故事太多，不能在此一一詳細盡錄，只能拺選少量版頭同內文貼出了....
第一期：招魂傘
第二期：神曲
足球鬼故都有.....
37期：鏡
38期：凶鏡續集
39期：面具人
41期：凶櫃
42期：換魂
43期：凶鏡第三集
44期：盜墳上集
45期：盜墳下集
謝志榮,凶鏡
謝志榮，面具人
謝志榮，凶櫃
謝志榮，換魂
謝志榮，盜墳
1985年左右，本人正為事業打拼，錯過了很多當年非常精彩的漫畫！
回覆刪除三十年後，本人仍然撈得一盤枯而已！
[版主回覆08/25/2013 18:47:30]錯過呢套都冇乜大不了，閣下並冇錯過"李小龍"嘛！
人生有幾多個30年？在下都只係撈得一粒桔咋
香港的鬼故慢畫亦有相當的吸引力，大概跟香港多城市傳聞＆怪談有關～
回覆刪除[版主回覆08/25/2013 18:50:44]係！香港資訊、娛樂發達，留傳着好多唔同嘅城市傳聞同怪談，可以創作好多鬼故漫畫
以前好多不同鬼書，以家無Lu，以前D封面靚依家D好多倍
回覆刪除[版主回覆08/25/2013 18:52:57]睇返以前啲封面都好靚好特別，鬼書種類又百花齊放，現在就單調乏味好多！
黑白印刷有一種陰森感覺，
回覆刪除早七，八年前唔識貨，
係舊書檔，只搵彩色鬼書
原來難搵度，收藏價值黑白比彩色
高
[版主回覆08/26/2013 09:38:19]其實黑白印刷鬼故先至係以前舊D嘅書，都係出得少比較難揾同有價值D嘅，
當中又以橫版鬼書較為罕缺！
程兄真係鬼書大王, 情有獨忠.
回覆刪除黃偉釗, 鐵血螳螂時都好紅, 後來真係靜晒..而家唔知做邊行呢?
[版主回覆08/26/2013 09:47:44]鬼書以前冇人要，或者唔敢儲，所以又平又靚，賣唔去好多好快去晒堆填，不過今時就唔同往日，好多人揾返舊鬼書架。在下就鍾意睇之餘還會本本儲返，所以依家都有唔少
黃偉釗好似畫完呢套驚心動魄之後就逐漸失咗踪
睇完你D圖片....好似有D陰風陣陣...咁！
回覆刪除[版主回覆08/26/2013 09:49:00]咁樣咪够晒消暑清涼囉
哩套你都有咁多本，勁
回覆刪除[版主回覆08/26/2013 09:51:16]其實呢套過後先儲返，差十餘本揾極都冇算係好失敗
程兄厲害,同我有得揮下...
回覆刪除[版主回覆08/26/2013 09:55:11]嘩！你有齊頭30期唔够你犀利咯，有冇啲多出我冇架
圖片遺失真可惜！不如補返佢啦
[雙贏回覆08/26/2013 08:38:32]http://blog.yahoo.com/_4TLZAD62EPUZ7G3KKG5JUOG6MM/articles/98764
當年製作的網誌,也是諗住分幾part出,之後忘記左,而家再開返個網誌,所有照片都遺失了~~~
利害
回覆刪除[版主回覆08/26/2013 10:50:26]
而家冇鬼書港漫了............
回覆刪除[版主回覆08/26/2013 18:28:23]冇人够膽冒險出鬼書了
我對(神曲有印象)
回覆刪除[版主回覆08/26/2013 18:29:26]咁閣下都係好資深港漫讀者
一套書都有50本,您個貨倉一定好大...
回覆刪除[版主回覆08/26/2013 18:30:07]啱啱相反，地方唔够用呀
冇乜印象睇過呢類漫畫, 不過內裡的插畫畫得好靚........
回覆刪除[版主回覆08/26/2013 18:41:14]若當年冇睇呢啲漫畫就唔會有印像，因為每日出得太多不同種類漫畫了！
我多看漢民.
回覆刪除[版主回覆08/26/2013 18:42:36]鬼書之中在下都係最鍾意睇漢民
真是多謝有你這 fan 佇這類書提供懷念的時刻.
回覆刪除[版主回覆08/26/2013 18:46:52]港漫係香港特有嘅另類文化遺產，希望盡量展出不同年代不同嘅有代表一D嘅作品俾大家懷念下
黃偉釗的畫功不錯呀！
回覆刪除[版主回覆08/26/2013 18:48:33]佢曾經係黄玉郎得力助手，都有番咁上下架
我得倆三本
回覆刪除有買新著英雄嗎
[Albert J回覆08/28/2013 22:53:48]外國佬畫嘅中華英雄？！程兄一定要介紹了!
[版主回覆08/27/2013 10:02:57]依家都好難揾咯！
新英雄梗係-----冇買啦，反而書展買咗本外國佬畫嘅中華英雄
Thanks for visit my blog!
回覆刪除我細個都有睇呢d薄薄的定期鬼漫畫，但唔記得咩名lu,以前個d而家睇返都係一樣咁恐怖，唔知點解呢?
[版主回覆08/27/2013 10:09:27]好多blog友雖然寫blog從來唔講漫畫，但可以肯定大家都係鍾意睇漫畫、有好多以前都係睇香港漫畫嘅
現在己冇晒鬼故漫畫，睇返以前果啲，除咗還一樣咁驚之外，還多了份懷舊感
鬼書~~好應節呀！
回覆刪除[版主回覆08/27/2013 10:10:19]鬼節鬼月鬼書來應節
謝分享！我記起以前有本一樣講怪異故仔的書叫怪異集，好正架！
回覆刪除[版主回覆08/27/2013 10:12:44]怪異集呢套書在鬼書之中就最出名架，畫得靚故事好銷量又高
真唔知有咁多鬼漫畫書睇!
回覆刪除[版主回覆08/27/2013 10:15:15]這裡登出嘅到目前為止只係佔少少咋，仲有大把
其實你保留左咁多舊漫畫，會唔會得閒都拎番出黎重睇？定只會睇新出既漫畫？
回覆刪除[版主回覆08/27/2013 10:19:30]有時間好多都會重睇下，因為睇返啲舊書就好似時光倒流咁諗返好耐嘅事同物，新書就唔會有啲感覺，所以好多新書反而擺度未睇
黃偉釗畫的封面都好鬼靚 !
回覆刪除[版主回覆08/27/2013 18:39:24]1-19期係黃偉釗畫封面，其餘則不是，不過在下都一樣鍾意黃偉釗嘅封面，原汁原嘛
原來出左咁多集,我都係睇過2至3本到~
回覆刪除[版主回覆08/27/2013 18:42:20]當年有太多其他選擇，呢套未必咁留意架！
您真的有好多書，可惜我一本也沒有看過。
回覆刪除[StoryTeller回覆08/28/2013 20:28:10]哈哈哈，小說就有，漫畫就無囉！
[版主回覆08/27/2013 18:44:05]我仲以為你睇過一啲漫畫，先至講到咁多故事
最近動漫基地搞馬榮成的展覽，有時間去看看，我去了，覺得不錯啊
回覆刪除[版主回覆08/28/2013 14:44:53]頭炮馬榮成嘅展覽，應該唔錯，我都會去睇睇！
咁多珍藏,你家空間可不小呀!
回覆刪除[版主回覆08/28/2013 14:46:04]己經堆到上天花板，真係冇乜空間啦
當年真的出咗好多靈異漫畫，現在一本都冇...
回覆刪除[版主回覆08/28/2013 14:47:25]當年這類漫畫真太多太行，估唔到今日一本都冇！
後期的封面也曾是一個潮流.
回覆刪除[版主回覆08/28/2013 23:07:00]冇錯，後期呢類封面一度成為鬼書潮流！
以前都有看 , 那時在鬼節期間總有一兩本新鬼書出 , 現今好似不再.
回覆刪除[版主回覆08/30/2013 11:53:35]香港己有好多年冇再出過鬼書漫畫了，同以前每日出幾本差天共地！
真犀利，有那麼多鬼書你都知道呀
回覆刪除[版主回覆08/30/2013 14:47:20]仲有成幾千本近萬本架
吓!!!Yahoo Blog玩撚完!!!@@
回覆刪除咁呢度點算好?
仲有好多好多漫畫未介紹啊~~~~~~~~~~~~~~~!!!
>0<
[版主回覆08/30/2013 14:51:05]10月30日Yahoo Blog末日
真係仲有好多好多好多未曾介紹到，還有什麼地方近似這個衰blog而可以繼續架