不過千葉徹彌就只有"鐵拳浪子""我是鐵兵"喺香港有出中文版，要買佢其他作品就必須從台灣入！千葉徹彌工作室授權台灣東立嘅中文版就出晒佢啲大部份作品。
點解要睇佢嘅漫畫？其實都俾唔到乜嘢理由唔睇呢啲漫畫，而且應該係率先睇晒作為"漫畫"嘅入門！因為佢除與手塚齊名之外，佢嘅漫畫好多景物都充滿小鎮、鄉間、小島風光，古樸純厚嘅鄉村情懷同氣息是其他作品所找不到的！
今次介紹嘅幾套作品，統統都至少係近50年前嘅作品，但即使係超過半世紀嘅作品，一樣咁有味道，"漫畫之王"絕非浪得虛名！
島之子，1964年作品
美紀乘搭嘅輪船被迫在貧寒落後嘅小島停泊，美紀一家與古怪落後嘅島民溝通、感化，促使小島建設改變"脫貧"，成為樂園.......
望海的少女，1959年作品
雅華母親病逝，父親在外國失踪，變成孤女，她一方面在孤兒院生活，一方面守護住舊屋，堅信一天父親會歸來，可惜.......
小蟻之歌，1965年作品
城大介出到一個偏遠山區做教師，面對一群山區小朋友，遇到種種難題，如何去解決和教導他們呢......？
小雪的太陽，原名「yuki的太陽」，1963年作品
孤女小雪被富家人收養，搖身一變成為千金小姐，她將要面對和適應與以前截然不同嘅生活和事物，究竟她最後會如何决擇生活方式？
萬能旋風兒
石田國松有超過人嘅運動細胞，棒球、劍擊、柔道、拳擊、足球......等等都係佢强項，每次佢加入學校不同嘅運動學會，都誓要奪取冠軍！
望海少女，1959年作品，全套5本
小蟻之歌，1965年作品，3期完
萬能旋風兒，10期完
島之子，1964年作品，5期完
小雪的太陽....
島之子....
雅華母親病逝，父親在外國失踪，變成孤女，她一方面在孤兒院生活，一方面守護住舊屋，堅信一天父親會歸來，可惜.......
七月十四，猛鬼出籠，鬼靈精怪，8月主題：鬼書，乜鬼古怪冷熱新舊鬼書都有，咪鬼錯過
<好小子>, <大個子>?
回覆刪除[版主回覆07/30/2013 11:49:34]這兩套集數太多，下次先
尊敬這些前輩畫家。早年都好有少女漫畫feel
回覆刪除[版主回覆07/30/2013 11:52:15]可能係呢類漫畫用女主角比較適合，就如好多早年港漫細書都係好少女漫畫feel！
島之子...畫得好仔細、緊凑 (遇上輪船意外那幾幅圖片)
回覆刪除[版主回覆07/30/2013 18:53:39]島之子己經係佢1964年嘅作品，可想而見以佢當時嘅畫功、背景同場面己經係首屈一指！
都幾~~~陌生!
回覆刪除[版主回覆07/30/2013 18:55:16]其實同手塚、藤子不二雄都係同一級數架！
你的資料真豐富啊! 讚!
回覆刪除[版主回覆07/30/2013 18:56:45]都希望做到各式各樣豐富一啲
老鬼淨係睇過鐵拳浪子同劍道好小子
回覆刪除[版主回覆07/30/2013 19:00:00]其實佢啲作品若選擇睇，鐵拳同劍道己經係至出名同經典，在下都係鍾意佢呢兩套先至睇埋佢其他作品
他們的畫風相近，但故事內容就有很大的差別。
回覆刪除[版主回覆07/30/2013 19:02:59]係！千葉徹彌同手塚畫風幾近，但千葉就完全係畫以上類型題材、無科幻神鬼類題材，相反手塚就好多！
書店見到有老夫子狐狸仙外傳，出晒，不過好貴，好像要近三百蚊。
回覆刪除[版主回覆07/31/2013 22:11:56]咁等我安排稍後介紹下
[藍天浪子回覆07/31/2013 22:10:22]等你介紹，我好心急呀，哈哈
[藍天浪子回覆07/31/2013 22:09:52]程兄，雖然書展已過，但我想知道在書展買狐狸仙外傳，有無折扣呢?
[Stella回覆07/31/2013 16:39:41]E倚！老夫子狐狸仙外傳！好吸引喎！
[版主回覆07/30/2013 19:06:47]內文全彩色，兩本要成320！都算離譜無奈在下都喺書展買咗，等遲下同舊版狐狸仙一齊介紹下！
你真的是漫畫迷, 我都有好多本幾米和老夫子架
回覆刪除[版主回覆07/31/2013 12:34:19]只係多儲啲漫畫咁幾米仲未拜讀過，希望有時間揾黎睇下啦！
他的書真的全部好健康適合所有小朋友看
回覆刪除[版主回覆07/31/2013 12:37:24]佢啲書的確係幾干淨好健康，畫嘅都係以運動、鄉村為主，畫品一流！
我淨係識矢吹丈㗎咋
回覆刪除[版主回覆07/31/2013 19:08:52]千葉老師還有唔少舊作唔錯架！
下篇有鬼！好鬼驚！唔嚟呢！
回覆刪除[版主回覆07/31/2013 22:13:16]點只有鬼，仲有妖怪同異形架
沒有你介紹，真的不知道有這些書
回覆刪除[版主回覆07/31/2013 22:16:42]因為好多書香港都冇出中文版，錯過唔少好書！
翻版年代時睇過不少他的作品。最喜愛是「劍道好小子」。
回覆刪除[版主回覆08/02/2013 12:27:33]劍道好小子都係在下至愛嘅千葉徹彌作品！