今次就先介紹漢民兩本涉及奇異特別力量嘅"巫術"及外太空科幻嘅"異聲"......
睇漢民嘅作品，又未必一定係鬼故，以科幻、懸疑、未來、風水、怪異也佔佢作品唔少嘅百份比，而這些故事作品嘅結局又未必係悲劇收場，例如今次介紹這兩本漢民怪談系列巫術、異聲，故事都係有完滿結局！
"巫術"係講兩位擅使巫術異能嘅高手比試功力各顯神通，故事是源自余過嘅小說"四人夜話"
"異聲"內容係講美國太空總署收到來自外太空傳來嘅訊息，每次皆能百份佰準確預言到未來所發生嘅事件，原來訊息乃來自外太空超智能生物.........
這兩本咁精彩懸疑嘅作品，是屬於漢民22本怪談系列其中兩本，係漢民怪談系列較少見嘅兩本，也是在"怪異集"之前嘅漢民著作
漢民怪談系列除故事之外，書尾還有好精彩嘅助理專欄，給予助理自由發揮嘅機會：鄭裕成專欄
陸偉昌專欄：
異聲是1983年4月出版，而巫術則是1983年6月出版：
下期預告：陳年科幻著作一套
回覆刪除[版主回覆02/03/2013 11:07:08]唔關事嘅，呢两本係講科幻同奇人異術，而且都係大團圓結局好完美架
異聲封底個漫畫丁引好正！
回覆刪除[版主回覆02/04/2013 11:03:08]當時套戲又真係牽起過一陣熱潮架！
[李大雞 Adam回覆02/03/2013 12:46:08]其實我中意套戲，當時嚟講，特技好正。
丁引嘅外型，後來好多漫畫照copy。
[版主回覆02/03/2013 11:09:44]陸偉昌嗰個唔錯，不過這裡我比較鍾意鄭裕成嗰個專欄多啲
我看过“怪异集”合订本连载的“异声”，这个还有一点点印象，汗民先生的作品都很多元化，并不会局限在单一的题材，这样才能带给读者不同的阅读乐趣，经典就是经典，当年的画稿都是比较密的，这样对故事的推进很有帮助，看的很舒服。
回覆刪除[版主回覆02/05/2013 10:58:40]呵呵....極之同意！Andy兄一針見血，一切正在不言中.....
[Andy回覆02/04/2013 22:09:49]那些不合群不埋堆，不甘幕后代笔的主笔，除了转行都没有什么好选择的了，出版社不多，但是制度却很多，来来去去也就剩下那几个代笔的主笔，交出来的都是行货，故事和画质才是决定销路的先决条件，金漆招牌已经不管用的了～
[版主回覆02/04/2013 18:54:48]好多唔錯嘅主筆都唔見晒，可能空間有限轉咗行或離開咗但少咗競争者唔代表係好事，有時無乜競爭做唔到好作品，也越少讀者再捧場，加埋其他因素，市場進一步萎縮！
香港啲漫畫得返打打殺殺同古惑仔，遲早啲人轉晒去睇多元化嘅日漫，咁香港可以收工喇
[Andy回覆02/04/2013 13:57:11]呵呵！随着这些主笔的随便画，读者就越来越少，到最后这些主笔都得改行了，香港漫画真的可以成为历史了。
日本漫画家比较专注在自己的作品，他们的作品不多，但是大部分都很受男女老少的欢迎，这些就是漫画神奇魅力所在了～
[版主回覆02/04/2013 13:27:32]呵呵，而家讀者少咗銷量跌咁多，主筆都唔够進取冇乜心機畫靚啲囉加上賣得麻麻資源有限，主編、助理都cut多啲，好難有吸引嘅出品！
真係架！凡係受歡迎賣得嘅作品，一定係要兼顧包攬到男女讀者先得！香港這方面就好弱，只有幾位可以話兼顧到男女讀者，漢民就係歷來其中之一，其餘諗到嘅就只有劉雲傑、馬榮成。
又例如日本，安達充、高橋留美子、伊藤潤二、手塚、藤子、蒲沢直樹等都係可以成功吸納男女讀者嘅代表！
[Andy回覆02/04/2013 12:29:25]呵呵！现在漫画的质量连当年的周刊漫画都不如，其实最大的区别是有心和没用心去做，好的主编会花心思去画漫画，会想故事，会去分镜，会去监督，会加入不同的元素在自己的漫画里，尝试不同的题材去吸引更多读者去阅读，所以汗民先生的作品一直都受到男女读者的欢迎～
[版主回覆02/04/2013 11:15:31]漢民先生啲作品範圍好廣泛嘅，像"怪異集"內什麼故事題材都有一些。幾平每一期都是一個新的獨立故事、新的人物和主角，而又要一路保持着一定嘅銷量，單是這一點現在漫畫好難做到！當然睇返這些書當年嘅質量同畫功，直到現在都唔係有太多主筆可以比拼的！
多年前的畫功己經一流！這些書如果今天再版再出也一樣吸引。
回覆刪除[版主回覆02/04/2013 11:19:48]好提議！不過以目前咁嘅市道，就算中華英雄、龍虎門再出版都未必會有太好銷路！
令我記起細個有本周刊叫怪異集. 剪頭髮時必睇.
回覆刪除[版主回覆02/04/2013 11:25:19]怪異集係鬼書之王，也是香港最長壽嘅鬼故漫畫，好多人都睇過！而上面這兩本就係漢民先生著作怪異集之前嘅作品！
常說漫畫記錄了當代人民生活的景況，那款細領裇衫，窄領帶，火鳳凰年代周潤發的髮型，看電視劇要等重播，看漫畫付出適當金錢，慢慢細味箇中內容，人生快事~!!
回覆刪除[版主回覆02/04/2013 18:58:11]係！漢民喺人物髮型髮飾同衫款上花咗唔少心思及參考，可以講話本書反映咗當時嘅流行同習慣
上圖某頁，男角戴眼鏡、穿恤衫、扣喉鈕、戴煲呔上床瞓覺，令我想起謝賢係亞視劇上由朝到晚，兼到上床瞓覺，都係要戴住個黑超…
回覆刪除[版主回覆02/06/2013 23:51:29]係！若睇返果時期漢民先生嘅衣着，都會同意佢係將自己嘅服飾品味溶入其漫畫作品之內
[貴回覆02/06/2013 20:56:04]我猜，那些服飾雖有所據，但多反映漢民自己的品味傾向，譬如西裝、恤衫的細領和窄呔。我八十年代穿西裝恤衫領呔，都有同樣傾向，覺得稍闊的領和呔很「老餅」，不夠朝氣、有型。其實中領中呔什麼年代都流行，而且看起來較成熟穩重，我現在要穿時，只考慮中領中呔，覺得比較合身份、年齡，細領窄呔似輕浮。留意漫畫中那些老餅，一樣穿細領窄呔，其實不太合乎典型中年人的模樣(尤其七八十年代)，所以，我認為，畫中服飾較反映漢民自己當年的品味傾向多於切合真實現象。
[版主回覆02/06/2013 10:29:48]咁佢啲確係有搜集唔少這方面資料同參考好多時裝雜誌架！當然啲公仔衣着服飾反映咗當時潮流也反映咗漢民先生本身嘅個人喜好，因為佢週時衣着都係西裝打呔官仔骨骨架
[偉回覆02/06/2013 01:35:56]兩位有無留意，漢民啲畫好有當時「電視營造」出來的上流社會格調，男的西裝、恤衫、髮型、煙斗、外籍人士等等；女的就有西方帽、套裝上班服、高跟鞋、晚禮服等等......唔通漢民以前經常出入上流ball場，還是參考電視劇？
[貴回覆02/05/2013 21:35:54]原來如此。
[版主回覆02/05/2013 11:04:04]果段故事係講男主角被巫術傳送到女主角牀上嘅但當然啲服飾都係參照返當年7、80年代嘅時裝！
快新年啦
回覆刪除[版主回覆02/06/2013 10:23:13]咁就要新年快樂啦
還是做細路時,很喜愛漢民的作品.
回覆刪除[版主回覆02/09/2013 10:45:45]唔算恐怖，可能漢民啲表達手法好，啲故事真係覺得好好睇。
[沒有叮噹回覆02/08/2013 13:09:57]公仔唔算恐怖,但故事精彩.
[版主回覆02/08/2013 09:51:50]當時鬼書大行其道，漢民鬼書就最多人追看
咁有主題既漫畫, 真係買少見少
回覆刪除[版主回覆02/15/2013 10:46:23]而家冇晒呢類漫畫，想睇只有揾返舊書又或者係選擇睇日漫
還記得怪異集當時的漫畫令人回味.
回覆刪除[版主回覆02/22/2013 12:36:38]怪異集內有好多精彩故事，一代鬼書令人印像深刻難忘！
漢民既出品好正- 畫功好; 易睇易明, 又有故事性...很掂!
回覆刪除[版主回覆04/07/2013 09:38:42]漢民係本港最好嘅鬼故大師，佢啲作品一支獨秀，零舍突出好睇啲