佢主編過龍虎門、李小龍、醉拳、如來神掌、中華英雄五大港漫，前無古人後無來者，因為這五套至經典書己經完結了！不過可惜的是以佢自己名字出版嘅漫畫卻沒有一套是成功或持久的，反而大多數卻是爛尾之作，只能嘆一句天意如此.......又或者當初揾漢民先生看看八字，改個筆名，會否好一些？但無論如何，萬有不再畫嘢，某程度上係讀者嘅損失吧
極道惡拳應該係萬有最後一套作品，原本7期完，但到第6期己經捱唔住爛尾！這套書佢要勾頭、畫身、起稿度橋一腳踢，冇晒助理，書況稿質自然唔好要求太高，但畢竟係佢老人家最後一套作品，那些年我哋睇過晒佢嘅龍虎門、李小龍、醉拳、如來神掌、中華英雄，就算冇感情，也該有回憶吧？作為長期嘅讀者，張萬有係其中一位不能缺少同忘記嘅主筆！這幾本佢最後作品，怎樣也應該保留返一套留念吧！
這書最後係與Connie合作嘅，Connie即係佢太太，負責本書統籌同埋寫專欄，所以套書有佢倆人大量合照
雖然己經介紹咗張萬有嘅最後作品，但未完架！本BLOG稍後會陸續出埋萬有嘅其他作品架！
下回：白金龍陳年舊作一套
萬有嘅作品自有一套「狂、霸」之氣，當年佢嘅老祖宗真係好正，另外王小龍係咪佢整死㗎？
回覆刪除[版主回覆01/04/2013 11:13:02]萬有啲畫風不嬲以剛猛霸氣見稱！老祖宗就好有代表性！
王小龍係佢整死嘅！
張萬有夫婦真是英姿颯爽！令人欽羨。
回覆刪除[版主回覆01/04/2013 11:14:35]倆公婆都咁鍾意電單車，够晒合襯
祝程兄新年快樂樂安康！
回覆刪除[版主回覆01/04/2013 11:15:51]秋葉新年快樂、最緊要身體健康
龍虎門轉入神魔故事也是出自萬有之手
回覆刪除成也萬有，敗也萬有
[版主回覆01/04/2013 11:30:36]冇辦法！咁多段故事又要兼顧咁多嘢，梗有啲失敗之作嘅！在下雖從不在其位，但亦都好了解明白創作有時係難免保持長久精彩，故事情節出現高低係好自然，鬼叫啲龍虎門觀眾咁長情咩
張生份人都好nice呀！
回覆刪除[版主回覆01/09/2013 20:28:43]我諗依家張生都應該生活得唔錯！
[北斗之迷chan回覆01/08/2013 04:51:58]張生同你食飯？？？？佢E家點呀？？？？？！
我92至97年係港漫人，曾經係邱福龍，周勝，謝志榮嘅助理。見到好多主筆今時今日都吾係好惦！！！有D三餐都成問題，真辛苦！
[芹回覆01/05/2013 11:29:13]唔記得係2010定2011年食lu 係個一次咋嗎！
[版主回覆01/05/2013 10:31:09]犀利喎！估唔到妳同萬有食過飯
[芹回覆01/05/2013 09:16:07]個次一齊食飯時佢真係nice架
我都知佢在其他評台係多發表啲
[版主回覆01/04/2013 11:34:38]張生真人我就冇見過，但話佢nice就第一次聽，通常都係聽見人話張生難頂啫
萬有係畫壇奇人！
回覆刪除[版主回覆01/04/2013 11:35:49]唔只係奇人，我直頭覺得佢係異人
萬友最好睇獨立之作，可能是野狼傳！
回覆刪除[版主回覆01/05/2013 10:34:26]野狼傳唔錯呀！不過區區十零廿期都係捱唔到尾最後要揾其他人接手喎
原本係鄺氏時出新書''蓋世霸王拳''同文傳時出''黑龍傳奇''最後都無出..........
回覆刪除[版主回覆01/06/2013 09:36:07]''蓋世霸王拳''個名够晒吸引,若萬有畫會唔錯!
完全未看過，好看嗎？
回覆刪除[版主回覆01/06/2013 18:55:01]普普通通喇，但一貫張萬有風格
張萬有早期的四格漫畫現在可非常罕有哦! ^^
回覆刪除[版主回覆01/06/2013 18:57:18]你係話趣怪漫畫吧？這套確是少見！
有時不到你不信命，冇老細命就係冇老細命。
回覆刪除[版主回覆01/14/2013 18:54:13]你講得啱！真係不由你不信命！萬有只適合輔助他人，自己開書就.....