黃玉郎、廖福成、張萬有、梁偉家、關榮遇。如來神掌part 3(完結篇)

今次登埋521-720期封面，即全套"如來神掌"己齊，雖然隨後那些年這套書也重新復刻再推出過，但係二款復刻版"金裝如來神掌"、"彩色合訂本"統統都唔係出晒全套，只係出到某個段落某個部份為止，全套就只有睇返呢720本單行本了。而留意此套書最後嘅100本，係比前頭1-100期更難以儲齊，因為讀者大都放棄關係，以致發行量同留存量甚少，但係這段落還有廖福成張萬有梁偉家關榮遇做主編，如此陣容己成絕嚮！

最後嘅100本，比頭段一百本更難齊全

故事最後两頁.....

關榮遇最後致詞，內容大致係講本書由黃玉郎做主編開始，如來神掌輾轉了多位主編云云.........

720本嘅高度：
因為要完整貼齊全套封面，所以要喺書堆中掘返成套咁多本出黎，咁就唔好嘥，拍返張足本全套！
720本嘅全高度原來叠成一條係有成個人咁高架，呢張相要企上摺櫈先至映到全幢書，不過映完兩張之後，成條"如來神掌"企唔住就冧咗

這套如來神掌復刻"彩色合訂本"共出咗34期完結，彩色版合訂本第一冊至34冊完，是由原著第73期開始至241期嘅故事：

第一冊人物介紹及之前故事大綱：

這套是由李高主編如來神掌"千歲武帝篇"，全套6期，只有台灣版本：

如來神掌歷年出過嘅小冊子及海報：

第300期附送嘅小冊子"如來神掌漫畫特刋"，係由邱福龍、清兒、黄國興、許景琛等聯合編繪嘅。

歷年所出嘅海報並不多：

張萬有三款拉頁大海報

李志清700期海報

如來神掌，第1期，1982年2月創刋，至1996年9月，第720期，全書完結。

下回預告：崔成安