這套小龍牌"壽星仔"約於1975年出版，近40年歷史，套書有幾犀利？因為連當年還未入行嘅馬榮成、馮志明、黃國興等統統係這套書嘅fans，當年佢哋都還未入行，仲以讀者嘅身份多次投稿這套書內嘅"讀者園地"，佢哋嘅投稿同評分，都刋載於這套書內，可以講係佢哋嘅最早登場作品無疑！
有否發現旦凡改"上官"姓氏的都會成為畫壇成功人物？上官小龍、上官小寶、上官玉郎、上官小威.....
而其中上官小强真係好犀利，從2毫子細書開始己經見到佢老人家大量作品，後又有一套壽星仔從橫版書時代開始一路畫到直版，共畫至541期才完結，可以與龍虎門李小龍兩套書同時代而又這麼長壽的，就只有"壽星仔"！
"壽星仔"分別有小龍牌同玉郎牌；這套小龍牌更加係元祖"壽星仔"，應該共有20多期，係喺玉郎牌541期嘅正宗"壽星仔"之前出版，所以公仔上還是比較幼嫩，但正正是如此才更加有味道！
小龍牌"壽星仔"可以由直度書過渡到橫版書，己經係港漫之中絕無僅有嘅例子，加埋期後玉郎牌"正宗"壽星仔"又由橫度書時代過渡到直度書，可以經歷到咁樣嘅香港連環圖轉變過程者，除壽星仔之外，又係只得小流氓龍虎門同李小龍可以做到！
這套小龍牌"壽星仔"其實肯定比"玉郎牌"正宗"壽星仔"更有歷史同價值，不過玉郎牌"壽星仔"因為讀者更加廣泛、名氣更加大，早期嘅玉郎牌橫版"壽星仔"亦非常罕有了！
元祖小龍牌"壽星仔"直度書連橫版書共20多期，約於1975年出版，我這裏去到第25期，唔知有冇大哥知道這套嘅確實期數呢？
最鍾意這套書花花碌碌嘅封面設計，够晒鮮艷搶眼
1-14期直度書，都有成9成新架，所謂界手貨，因為太耐，好容易吹彈得破，驚一揭分分鍾甩頁，只今次因為101期先拎出黎架，之後就會一直封存唔會再攞出黎啦
少少內文....
鄧本邦
興豬啲評分好高架，分別有95同94分！
馬榮成都有投過兩三次投，以"馬雲龍"做筆名，這幅登在這套"壽星仔"內嘅作品，極可能係佢最早登場嘅作品囉
漫畫人温紹倫都有份投稿，七金剛、小魔棍畫得好正
最後登埋馮志明當年讀者時期嘅投稿作品，分數、評價亦好高！
徵求：這套書嘅橫版我還差幾期未齊，我嘅欠書若有朋友有多或手上得一兩期，而肯讓給在下，會不勝感激！交換書或購買都有商量架，請聯絡本人喇
下回：司徒劍僑絕早期個人作品！
這是勁嘢、好嘢
回覆刪除而家全套元祖小魔神，有錢都可能買到。呢套元祖壽星仔，卻是一本都好難搵⋯
[李大雞 Adam回覆05/23/2012 00:10:03]係！係！係！
我記得衛兄提過我⋯
一拖多年，甚感抱歉！
衛兄，放心，我好快貼出嚟，一定唔使你再等幾年㗎
[衛斯理回覆05/22/2012 23:18:49]程兄~套書我己經等o左癲人兄幾年啦~~~~!!!!!
[版主回覆05/22/2012 13:53:03]唔記得咗上官玉郎/顏文健版小魔神我都有幾本嘅,但己經唔知攝咗去邊，同埋因為唔太齊所以唔想POST上黎咯
[版主回覆05/22/2012 13:45:44]都話你收埋啲好嘢啦！咁你快D貼出黎喇！冇人有你咁齊架
[李大雞 Adam回覆05/22/2012 12:39:21]咦！龍兄、程兄，咁橋嘅！呢套上官玉郎版小魔神我卻是有全套，以我所知，係有10期。
當初我寫漫畫網誌，有預告要貼出，後來見各位大佬D收藏咁勁，我D小兒科藏品都唔敢貼出嚟，我嗰漫畫網誌隨即收檔
等我貼出呢套書，癲雞漫畫網誌重出江湖，湊下熱鬧
[版主回覆05/22/2012 11:04:19]上官玉郎/顏文健版小魔神好似有4期定5期
[龍 Wing Lung回覆05/22/2012 10:55:15]上官玉郎/顏文健版小魔神應該難搵過元祖版.
[版主回覆05/21/2012 18:53:58]我喺雙贏兄個blog見過，除此之外都未曾喺第度見過咯。相信尤其係前面嘅1-14期，想揾返一本都唔容易架
証明我還後生..一本都未睇過╮(╯3╰)╭.......其實可惜我一本都無(┬＿┬).
回覆刪除[版主回覆05/22/2012 10:25:39]未睇過唔出奇架！連馬榮成、馮志明、黃國興當時都仲未入行，仲只係讀者咋！
正呀,好多都未見過呀,真正漫畫書達人呀~~~
回覆刪除[版主回覆05/22/2012 10:30:41]呢套嘢唔錯架，啲公仔又好鬼得意！係果段時期嘅歷史見証
細個係後巷飛髮時有睇過壽星仔, 好懷念~
回覆刪除[版主回覆05/22/2012 14:02:14]壽星仔絕對係惹笑連環圖經典，冇得頂！
真係好鬼怀念這个壽星仔，轉眼又過左幾十年！
回覆刪除[版主回覆05/23/2012 10:49:27]又係同道中人！壽星仔真係超有懷舊feel，一睇到啲封面就有好多回憶囉
壽星仔咁細個就扯煙........無語.
回覆刪除之前文傳好似出過一套上下集細本裝"壽星仔",
而家都好難搵.
謝分享.
[金明回覆05/24/2012 01:03:34]文化傳信出过两本精装《壽星仔》，可能尚有存货，不妨致电问问。而精装、复刻版往往会在漫画展之特价区出售。
[版主回覆05/23/2012 10:53:50]講粗口、扯煙、老積、搞笑，係壽星仔人細鬼大嘅表演手法！
一套上下集精裝"壽星仔",間中都仲見到在得賣架
初夏的天气。是一年中最好的季节。
回覆刪除每一个在汉城的街道满是芬芳的玫瑰。
我的绰号是真正的人民在汉城。
Happy always...
[版主回覆05/23/2012 10:55:30]多謝光臨
壽星仔可謂港漫史上版權歸回作者的奇蹟~~盡管出版社不同,小強老師也可帶來帶走~~~~
回覆刪除[版主回覆05/23/2012 10:59:17]係，小龍牌、玉郎牌兩套書都可以以"正宗壽星仔"做書名，醒！不過小強本身都算係畫壇奇蹟啦！
壽星仔，笑漫至尊，無可取締！
回覆刪除[版主回覆05/23/2012 11:03:18]無錯！我諗除咗老夫子之外，搞笑漫書無出其右！但嚴格上黎講，真正最長壽嘅搞笑連環圖只得"壽星仔"，老夫子只算係四格、六格漫畫！
呢個童年回憶冇我份
回覆刪除[版主回覆05/23/2012 11:11:07]同阿癲 嘅年代可能唔太啱啫。不過畫作或漫畫呢家嘢，都係欣賞為主，在什麼時間見到或遇到唔係問題
兩年前...將1-4期換左本「黃玄生」返來（補$給我）。而家重有本15期（第一本橫版），又係想換「黃玄生」，哈哈哈！
回覆刪除[版主回覆05/23/2012 23:10:27]大哥呀！黃生啲書就算有都唔會keep多一本喇，點換比你呢？仲要二角子仲要你冇果D？咪講笑喇
[yan回覆05/23/2012 16:55:52]唔需要一定「黃玄生」，「黃玉郎」都可以，但要二角裝（我無最好），我補錢比你又點話！
[版主回覆05/23/2012 11:30:29]老實講，呢套嘢真係幾值得收藏，換轉係我，就真係要睇下係邊本"黃玄生"，值唔值得先至會換囉。不過yan兄作為黃生嘅頭號收藏家，我都明白嘅
原來你有本15期
我都係保留幾本四百幾期壽星仔,....因為有我當年投四格,....
回覆刪除[版主回覆05/23/2012 23:19:45]因為這套期數太多，我都唔會近期POST，不過到時你放先我放先都冇所謂，各自有唔同演譯啫
[日月明回覆05/23/2012 23:03:11]thx,我都有想過登出來的,但唔會係最近放...
[版主回覆05/23/2012 22:50:40]放心，這些期數我統統都有，到時一定登晒你啲大作出黎
[日月明回覆05/23/2012 22:40:22]408,424.429,456.459,.445,449,481,487
我用(猶秲)的筆明
睇下你搵唔搵到
[版主回覆05/23/2012 11:41:05]吓？四百幾期邊啲確實期數呀？等我第時寫"壽星仔"時摷返你啲投稿比大家欣賞下
有没有九十年代初《GAMECLUB》？部份期数有寿星仔。
回覆刪除[版主回覆04/04/2013 23:23:59]我要揾返黎睇睇
[太陽之牙回覆04/04/2013 22:21:33]有唔少80後唯一接觸過壽星仔就係在九十年代初《GAMECLUB》~
[版主回覆05/24/2012 01:15:59]《GAMECLUB》？？？？唔知有出過壽星仔
猛料,終於出嚟啦,鼓掌
回覆刪除[版主回覆05/25/2012 09:58:36]仲有大把未出，慢慢黎
讀者時期的漫畫家們都已經有這麼好的水準. 該他們成功!
回覆刪除[版主回覆05/25/2012 18:33:15]留意新書"石黑龍傳"，小强又有畫嘢喇！
[偉回覆05/25/2012 13:48:17]Albert兄，聞說壽仔有搞作呀，要留意！
[版主回覆05/25/2012 10:06:39]睇佢哋果陣時咁積極投稿嘅熱情，唔係一般人可以做得到，後來就真係比佢哋入到行，仲係漫畫行佔一席位，唔知佢哋各位仲記唔記得當年畫畫投稿嘅情景呢？現時還有沒有當年心中嘅一團火呢？
勁到無倫，支持小強，支持壽星仔，支持程兄
回覆刪除[版主回覆05/26/2012 11:36:57]暫時只知佢會喺這本書內畫嘢，其他冇乜消息
[偉回覆05/26/2012 07:35:06]可惜這本新書我一定唔會睇.....咁小強仲會唔會出新單行本？我見福龍本書有講佢會有嘢搞。
[版主回覆05/25/2012 18:35:27]上官小强同壽星仔，喺新書"石黑龍傳"又復活喇
好珍貴 !! 希望上官小強老師會重出壽星仔漫畫 !!
回覆刪除[版主回覆05/27/2012 22:11:23]好多人都望穿秋水架，希望佢老人家再畫多少少啦！
如果我有一本都已經瞓唔著啦~
回覆刪除你仲咁多本, 犀利!!
[真中淳平回覆05/29/2012 10:58:39]多謝你花時間睇睇~~hehe~~
[版主回覆05/29/2012 10:30:50]各有喜好啫，啲簽名版都幾有價值，都好多人鍾意架
[真中淳平回覆05/28/2012 11:02:05]我好內冇更新啦~因為post 相好慢好唔方便, 所以張我的所謂收藏放上facebook了
haha, 我d板都係普通料, 見唔到大場面, 見笑了
[版主回覆05/27/2012 22:13:45]依家想揾返本都難矣！
但你啲簽名版都好吸引呀
如果這個版本的壽星仔有複刻就正了…雖然係絕對完全冇可能！
回覆刪除睇馬SIR1975年的投稿，那會想到3年多後他已寫出《風流》，進步驚人！
[版主回覆04/04/2013 23:28:03]真係絕對冇可能了！
馬sir畫功果時真係有好大嘅進步，努力之後也得到極大回報！
好很正!!!!!
回覆刪除[版主回覆04/27/2013 10:36:19]我個嘜頭都用佢
強記接受訪問, 說最初阿壽是寫成神仙那樣的 (像小傻仙), 但看其後版本, 又不覺有這跡像, 會否是在這元祖版中的情況?
回覆刪除又是強記訪問, 他說自己是畫1亳子漫畫出身的, 你這裡說是自2亳子起, 是否即他有比你收藏的更早期作品?
[版主回覆05/23/2013 17:07:07]元祖版又唔覺是寫成神仙咁喎！
小强嘅第一本個人作品"摔角小霸王"己經係2毫子啦！若果佢話1毫子時出身，係咪講畫散稿呀
事緣前排我托blog友去問下佢啲相關問題，佢自己都冇晒啲書啦，好多書想佢解答嘅佢都忘記晒咯