而自橫版時代到90年代，漢民先生畫過作品近350本，其中非鬼故神怪類嘅就只有區區幾本，這套橫版小姐1、2更加係漢民72本橫版書中唯一两本非鬼書類作品，尤其是第二期漢民以"韋鴻"做筆名更加係得這一本，
以我經驗所得，這本第2期以"韋鴻"做筆名嘅橫版漢民書，更加己經比大部份嘅漢民橫版矜貴，而是實上，這本第二期我亦只在以前一位舊blog友嘅blog入面見齊2本一次、喺我朋友嘅珍藏中見過一本第2期咁大把，故再加上上述種種原因，這本就絕對配得上"罕"這一個字。
講返本書，兩本"小姐"均是獨立故事，但題材都係大概講風月塲所"小姐"嘅辛酸事，第二期更加係講個主角"靚女"小姐原來係個變性人
兩本封面都做得好靚
好鍾意啲封面，有機會都唔介意儲多一本囉
那年代報紙是賣幾毫子，這些書賣一元，好貴啦。
回覆刪除所以係報紙睇過，大多數人唔會再買，所以存世量不多。
但係人人都係報紙睇過龍虎門，但出書時又會照買喎！
[版主回覆03/25/2012 10:35:53]當然，喺鬼故內無長期主角、無英雄無偶像，大部份朋友睇完即掉亦唔會重看，造成大量嘅鬼故書都被消滅咗。
不過儲開漢民嘅就係以儲"漢民"為目的，點都會買返嚟keep嘅
[版主回覆03/25/2012 10:27:12]其實其中一個原因係，龍虎門翻出又翻出、復刻又復刻、合訂本出完又出精裝版，每次發行數量又多，人人都有一套，矜貴極有限，數量供應太多，所以龍虎門橫版只有個別期數會賣貴少少。
而橫版漢民書因為己經不能復刻、從來都未有再出，亦都唔會再出，加上每本當年嘅發行量亦不多，自然物以罕為貴！
[偉回覆03/24/2012 23:00:09]小弟愚見：龍記、李小龍的角色，真係有人當係偶像，好似足球小將一樣有影響力而產生一個中田英壽，但鬼古就難小小，所以睇過到出周刊，讀者都會再買及保存。
小姐原來係個變性人......>.<''
回覆刪除[版主回覆03/26/2012 11:32:10]怪異集共有570本架
[Jim Lai回覆03/26/2012 10:38:58]怪異集221-38?
[版主回覆03/26/2012 10:30:28]成500幾本好難執齊架
[Jim Lai回覆03/25/2012 20:20:30]我有部份怪異集係於街上執翻黎.....^.^''
[版主回覆03/25/2012 19:09:44]冇辦法，香港市塲細。所以想睇港漫鬼書嘅朋友更加只能揾返啲舊書睇囉！
[Jim Lai回覆03/25/2012 18:49:12]可惜今時今日得武打做主流
[版主回覆03/25/2012 10:36:59]題材己經够晒吸引同前衛啦
~無價之寶~厲害!!!
回覆刪除[版主回覆03/25/2012 10:38:19]你啲收藏都唔少嘢啦
相比对手上官家族，玉郎集团较保守，很少以風月塲所作题材。
回覆刪除[版主回覆03/25/2012 10:40:59]係呀！呢啲題材玉郎比鄺氏少好多好多，唔知係咪形像關係
最尾那個封面好有80年代感覺，就算而家睇返都唔覺太老套，漢民手畫好得。
回覆刪除[版主回覆03/25/2012 10:43:56]題材前衛、畫功又靚，唔怪得之咁多人鍾意要追返佢啲書架！
以當時橫版年代，有兩個人啲畫功直頭超幾班，其中一個就是漢民；另一個相信唔駛講大家都古到，所以佢兩人的橫版而家特別貴，特別難找，有幾本直情有錢都未必買到....
回覆刪除[LauNapoleon回覆03/27/2012 09:13:44]都係多得你肯讓我啫~~
[版主回覆03/26/2012 10:57:58]To LauNapoleon：
你邊度大鑊呀？啲橫版比你老哥吸晒啦
[版主回覆03/26/2012 10:51:10]To eric：
有時畫公仔都係好講天份架，唔一定要學過囉。
To Jim Lai ：
唔只得你，十個收藏漫畫嘅九個都無！呢啲橫版鬼書以前啲人個個看完即掉，唔係邊得依家個個無貨、本本天價呢
[LauNapoleon回覆03/25/2012 21:06:16]如果你一本都冇就要恭喜你！洗濕個頭就大大鑊！重慘過吸毒！你負擔得起都重要睇下市場上有冇貨共應，等到有貨都重要睇吓呀程大哥肯唔肯放過你！請三思呀！
[Jim Lai回覆03/25/2012 20:18:06]我一本都無呀
[eric回覆03/25/2012 19:26:57]如果我無記錯,漢民佢話過佢自己從來無正式學過畫畫,所以真係天才(⊙ｏ⊙)
[版主回覆03/25/2012 18:45:21]你啲橫版咁多
[LauNapoleon回覆03/25/2012 13:53:01]講我就叻！專家係你！圖文並茂，解說長盡，佩服！
[版主回覆03/25/2012 10:51:47]你係專家就最清楚！因為漢民橫版己經冇得再復刻，無得再版，咪叫做"絕版"囉，本本橫版都己經喺30幾年前絕咗版，貴、天價係順理成章架！
因鬼故一般睇一次就算.....好少會翻睇,加上多數一期完,不需追看,可選擇性買...最後都係保留了其它書種多d,如龍虎門,如來等等的書籍...我想大部分同我一樣有睇但無留...又一可惜(┬＿┬)
回覆刪除[版主回覆03/26/2012 10:33:29]復刻出咗3本，可能因銷量問題就停了，所以除了橫版漢民之外，連帶怪異集以後都好難有復刻了
[Jim Lai回覆03/25/2012 20:16:31]12.3年前左右,文傳出過早期怪異集黑白復刻版
[版主回覆03/25/2012 18:57:42]你講得非常啱！因為啲鬼故一本完冇連貫性，最驚最刺激都係第一次睇，好少翻睇，所以就算有睇港漫有睇鬼書嘅，十個有九個半都會睇完即掉，加上橫版鬼書己經發行量少，30多年前絕版，30多年來都冇復刻過、亦唔會再復刻，天價咪就咁樣形成囉。我諗十個港漫收藏家九個都冇收藏呢類橫版鬼書，依家咪供不應求囉
除左目瞪口呆之外,冇字可以形容到.見都未見過.
回覆刪除最佩服漢民既畫功,當年已經咁勁,而且又有心機去做,好多格都有畫實景,唔會求其撇線就算.
謝謝程兄分享.
[版主回覆03/26/2012 11:04:29]係呀，漢民先生對啲稿質要求一向好嚴格，絕唔會交寒貨，所以儲佢啲書可以好放心！而30多年前己經可以畫到咁靚，無乜幾多個做到囉
本小姐封面畫得咁靚，原來係男人.....這兩本真係超罕有，值5個勁！同時有齊兩本的人應該不多了。
回覆刪除[版主回覆03/26/2012 11:08:36]你真識貨！據在下明查暗訪所知有齊兩本嘅應該唔超過三個
往事只能成追憶~
回覆刪除[版主回覆03/26/2012 11:10:28]丹丹兄咁大感足，莫非曾經擁有
第二期真係少見，兩本都絕對是值得收藏，相信漢民師父都無諗過自己的舊作，係現在咁有魔力
回覆刪除[版主回覆03/29/2012 01:49:51]oiman 兄你係漢民行家，邊幾本罕有少見就最清楚啦！
非打鬥非鬼怪的文藝漫畫，好像很有戲味~
回覆刪除據說《小姐》在金報連載時有露點的，不知在單行本是否全部和諧了？
[版主回覆04/02/2012 10:33:03]無錯！漢民橫版非鬼怪、講風月場所嘅漫畫喺得這两本！
書中有無露點就唔記得了，不過單行本被和諧也不出奇！
內頁黑白稿現在看也覺得很美，三十多年前的港漫有如此高質的作品！
回覆刪除[版主回覆04/02/2012 10:36:51]30多年前己有這麽高質嘅畫稿真係唔易揾架，漢民喺其中一個
周現在d漫畫真係冇得比~~呢本100分
回覆刪除[版主回覆04/05/2012 18:41:41]呵呵，呢本真係值100分