這是元祖漫画王

今次介紹這本屬於二亳子時期嘅"漫画王"，是勁罕見少有漫畫！乃是真真正正嘅元祖級"漫画王"，亦係80年代玉郎集團出版嘅"漫畫王"書名來源！
皆因這元祖級系列嘅"漫画王"集內，曾經有唔少"黃玄生"即黃玉郎嘅作品，即係引証咗黃生於80年代由玉郎集團出版嘅"漫畫王"取名乃百份百源自這套元祖"漫画王"！
其實我本身唔止得這一本，還有幾本摷唔到出嚟，而這本己經係第16期，緣因為近日在網上見到有人拎這套書嘅第9期出嚟拍賣，當中有黃生作品，標價成4k，所以我都拎返本第16期post出嚟寫下....
這套書雖然單單一本己經貴到離譜，但因為一來够耐歷史、二來勁少有，同埋這套書係真真正正堪稱得上為漫畫之王架！因為這套書每一本都超特厚有成300頁，莫說在當年，即使今天亦難有這麽厚度嘅港漫！
此套書每本有8個完整故事，所以每一期每一本都可以完整獨立睇，而我這本第16期內嘅8段故事，主筆係邊個完全沒有註明、沒有資料，所以睇怕真係要揾的勁資深嘅收藏家或讀者，先至可以分辨得出咯！
以下我特將這本書內嘅8段故事內頁逐段post出嚟，等各位C兄睇下可唔可以認得出一個半個作者係邊個.......







每段故事都超過30頁，一本等於8本書嘅頁數，係名符其實嘅漫畫之王！
第一段故事：鬼哥哥
以打仗為題材現今己經少見，打仗+鬼故兩溝嘅漫畫，犀利

第2段故事...