我睇第一套千葉徹彌作品係劍道好小子即港版"我是鐵兵"，當時己經覺得好精彩好好睇，但係後來睇埋佢另一套"鐵拳浪子"之後，先至可以講得係千葉徹彌最精彩經典嘅代表作！從而讓我去收集埋佢嘅其他作品。
我呢度唔會詳盡單獨介紹套"鐵拳浪子"，因為其實無論係睇開日漫或者係淨睇港漫嘅朋友，都應該撥少少時間去睇返呢套咁經典嘅書，誠言係一套唔應該缺看或錯過嘅書！但我相信真係好多人都己經睇過呢套，所以會盡量show返多啲千葉徹彌嘅其他舊作，這些書嘅創作年份，好多都始於六七十年代，而佢最早面世嘅作品，係1958年。咁除咗"鐵拳浪子"之外，你又睇過佢邊幾套書呢？
鐵拳浪子：
blog友Ah-Wai 都要用矢吹丈做頭像，就知套書幾有吸引力啦！
電視天使，全套三本
男子漢，比較少見，全套2本
千葉徹彌中篇集，全套4本
莉奈，1960年出版
追入幾頁內文：電視天使,1968年出版
最後來個千葉徹彌作品大合照！當然這只是我收藏千葉作品嘅一部份，part 2待續........................
下回：爆炸女超人、超時空要塞漫畫版嘅作者-岡崎繼央
男子漢第一，二集封面嗰個肥佬咁似小寶李小龍內的古良年？^^
回覆刪除[版主回覆11/14/2011 12:27:21]李小龍咁大單攪唔掂！排遲啲啦！遲幾期先整返本上官思危嘅作品，重正過李小龍架！
[李大雞 Adam回覆11/13/2011 18:41:12]哈哈！怎會不記得？本人是李小龍迷，古良年個老豆約瑟大亨都記得，甚至李小龍第一次除暴安良，怒殺血龍血豹兩兄弟都記得。喂！你快D登D李小龍出嚟，否則我要施展怒海狂龍架^^
[版主回覆11/13/2011 18:29:59]哈哈，閣下還記得李小龍內嘅古良年，好嘢！
好像有套叫<大個子>的也蠻好看的.
回覆刪除[版主回覆11/14/2011 12:29:32]係呀，套大個子有成好多十期長，佢的長篇故事真係好多！
比D入页啦
回覆刪除[版主回覆11/14/2011 12:32:55]咁多套好難搞喎，試下聽日或後日補返少少內文啦。
千葉徹彌也是我喜歡的日本漫畫家, 你見到我畫佢 d畫就知啦, 佢最長篇果套書你都有嗎? 60多本的........哈哈.....如果有的話, 我相信你的家, 已是一個書庫了.......
回覆刪除[版主回覆11/14/2011 13:11:30]呢套暫時未有，但遲啲一定會擺埋係屋企，因為佢嘅作品我會全集。
鐵拳浪子比較喜歡TV版~~~有"料"到嗎???
回覆刪除[版主回覆11/15/2011 23:53:14]無料呀！鐵拳浪子有電影版同TV版，但我始終都係仲意漫畫版，比電影版同TV版詳盡豐富好多。
你的確有很多千葉徹彌老師的漫畫珍藏~~~~~
回覆刪除[版主回覆11/17/2011 18:40:10]因為被佢套鐵拳浪子吸引，咪儲埋佢啲其他作品
真係醜死怪，小弟對千葉的作品只看過鐵拳浪子，其他作品真係一無所知。我追鐵拳一定由卡通片引發，因為畫面實在太blue，太有feel，而且全書真係好「浪子」;力石徹、卡路士同矢吹丈某程度上真係將最精采的人生，用最短的時間精華地爆發.....比起一啲胡混一生的人更精采。
回覆刪除[偉回覆11/18/2011 16:42:31]多謝推介，有機會去十大搵下有無先，另外嗰本《餓鬼》係鬼古？
[版主回覆11/18/2011 13:59:21]我仲以為你睇咗佢好多其他作品添。如果係推荐多一套，其實"我是鐵兵"嘅精彩度都好接近鐵拳浪子的，有時間不仿看看！
佢套飛行戰鬭員都非常好睇
回覆刪除[版主回覆11/28/2011 18:39:46]無錯！套飛行戰鬭員都好好睇架！