楳圖一雄作品part 1-彊屍先生

日本鬼王楳圖一雄，係我至愛嘅日本鬼故大師，佢畫嘅公仔，可以講得話一啲都唔靚，但點解佢嘅作品仍可被廣泛閱讀、改篇、拍成電視、電影？皆因佢嘅作品除咗恐怖、劇情緊凑，也可以營造到一種充滿恐俱、灰暗孤立無助、愴涼、無奈嘅氣氛，一旦開始睇佢嘅書，自自然然產生叫你追看下去嘅意慾，喜歡看鬼漫嘅朋友，又怎能唔睇楳圖一雄嘅作品呢？飄流教室、14歲、猫目小僧、洗禮、靈蛇、神之左手惡魔之右手都係佢必看嘅作品！
係好耐之前，楳圖一雄嘅鬼書作品己經入侵香港，有香港出版公司隆而重之將佢嘅單行本完完整整編輯成為當年適合香港市場嘅橫版書，但呢啲橫版發行量甚少又只針對某小撮特定讀者，所以罕見程度其實比同時期嘅橫版港漫鬼書更甚！
以下两期完嘅楳圖一雄橫度書"彊屍先生"就係其中之一，以這種格式出版，一頁剛好等於日版單行本嘅两頁，全書更厚達80多頁，所以一本橫版剛好等於一本日版單行本。

彊屍先生大概係楳圖70年代作品

係網頁就快被强制升級嘅最後階段，我都唔會放慢，反而係選擇加快去迎接這個重要時刻，下回可能係强制升級前嘅最後一篇：上官小龍N年前嘅橫版作品，包你未見過