我特別仲意佢男大空、男組、青拳狼、舞、星雲兒、淚眼煞星、傷追人，這段時期的作品，係佢顛峰之作！尤其是舞、星雲兒，講超能力講太空科幻，係池上作品中少有嘅題材！
不過第一次寫池上遼一就一定係先寫我最仲意嘅作品"男組"，仲意睇漫畫、畫漫畫、甚至係仲意馬榮成嘅，真係無理中唔睇呢套"男組"！
因為好仲意，所以前後集齊三個"男組"版本...
第一套儲齊嘅就係"豪生"版，呢個版本，係舊時日漫港版之中較難揾較難齊嘅經典書之一，雖然在今時今日睇來係印刷好差好殘，但係當時嚟講每一本都好珍惜咁收藏keep到依家！全套26本。
睇吓呢套第一期發梅嘅第一頁！第一期最後還有註解
"豪生"版26期大結局版頭
非常印像深刻嘅結局最後兩版，場面似曾相識...........
接下來一套14本台灣新少年版，貪佢够厚睇得過癮兼封面跟足日版。
原裝中文版25本，好多地方都有，就唔再多介紹喇！
日本先後出咗四個封面版共61本，我有收集晒封面，已上傅在我相冊內，因為封面同版本太多，係咁易貼幾幅，欲看齊其他咁多個不同版本"男組"封面嘅朋友，就麻煩請點入我相簿慢慢瀏覧
下回：有橫版有直版，一次過三套漢民N年前鬼書一齊上
男組也是我喜歡的日漫 (池上的作品), 我有海豹版, 玉皇朝版, 和新少年版 (可惜此版搬倉時遺失了), 很喜歡原日版的封面。關於翻譯方面, 有些角色的名字用了中國人的名字, 感覺很怪, 都是玉記的好, 主角用回原名流全次郎。
回覆刪除[版主回覆09/18/2011 11:22:00]玉記雖然書內人名跟返日本原名，但係封面又自己設計，唔係原裝封面，這點不大喜歡
很好! 下一篇是漢民, 期待中.....我都有 2 篇漢民排隊10月中出, 到時請多多指教。
回覆刪除[版主回覆09/18/2011 11:26:00]睇嚟你啲漢民都好多噃
正！！！我最喜歡池上的作品是男組及傷追人
回覆刪除[版主回覆09/18/2011 11:27:00]傷追人好正架，原裝版無删嘅就更正！
當時年紀小，以為完咗「男組」，重有套「女組」
回覆刪除[版主回覆09/18/2011 11:28:00]有男有女，好正常啫
期待下一回~
回覆刪除[版主回覆09/18/2011 11:36:00]啲好嘢都幾乎比你出晒喇，我就唔敢有期待，再繼續可能會同你撞到七彩
男組我都係喜歡的~ 好期待漢民呀~
回覆刪除[版主回覆09/18/2011 11:39:00]原來你都仲意漢民架，咁我以後要再出多啲佢嘅作品咯
my favourite!!!我都有3套係手
回覆刪除[版主回覆09/19/2011 10:42:00]你啲超級粉絲實有啦 我仲有幾本無出過中文版嘅池上嘢唔知你有無，係part 2嘅時候比你過目
我只有海豹版男組, 章節版面給刪減了, 希望擁有一套日版就更完美了....
回覆刪除[版主回覆09/19/2011 18:38:00]我都想要一套原祖日文版，可惜己經絕晒版
勁! 61本!?我都係得豪生版,玉記版及原祖日版咋!
回覆刪除[版主回覆02/25/2012 10:29:27]你有咁多版本，己經好唔簡單
男組，呢個真係最愛
回覆刪除[版主回覆08/07/2012 10:06:23]經典之中嘅經典，動漫迷必看作品
呢本同SANCTUARY兩個故事係我最喜歡既故仔
回覆刪除可惜呢本我只買到日版初版,同文庫版,
好想買到閣下大裝既SV版
[版主回覆04/05/2013 09:07:57]我諗二手都好難買齊
[aaa回覆04/05/2013 07:51:48]但SV版我只係2手買到1,2期唔齊
[版主回覆04/04/2013 23:38:24]呢套咁經典嘅至尊大作好值得買多幾個版本以作收藏呀！
閣下有否留意到男組內容好有當時社會現實意識?
回覆刪除特別係[滿州國之死靈]果一章,講到地下總理(台版)身世時,
講既所謂地下總理其實不是故事杜撰既虛構人物,
而是暗示影射緊當時70年代中一個真實存在既名人
[兒玉譽士夫]
他的身世如同男組講既地下總理出世一樣
是侵華戰犯,發財後在日本成為黑道教父
暗中影響政商關係,有如一個地下王帝
當時人人都對他恨之入骨,但又奈他不何
於是作者將之加入故事中,以吐不快
鼓吹應以揭發他罪行於傳媒打倒他
最後凌駕於法律的兒玉譽士夫真的於80年代
在傳媒揭發抨擊下病死..........
[版主回覆04/24/2013 09:44:57]兒玉譽士夫好似係日本黑幫領導人，其後捐錢成立自民黨果位......
不過以前睇時根本冇留意佢這些細，亦唔知佢影射緊這位右翼政治家、黑幫領導人，相信日本讀者較我們更了解漫畫背後嘅故事同動機吧！
見到男組, 都會回憶起當年上豪生總部"書山" 嘅那些年好日子
回覆刪除[版主回覆05/07/2013 11:37:03]哈哈，以前上豪生、上灣仔海豹總部，真係如入"寶山"尋寶般興奮！！
最鐘意都係淚眼煞星 XDDDD
回覆刪除[版主回覆05/31/2013 18:37:19]淚眼煞星都好好睇，但係在下都係至鍾意佢嘅男組同男大空